ଅସନ୍ତୁଷ୍ଟ ଆୟୁବଙ୍କୁ ମନାଇଦେଲା ବିଜେଡି ! ଦଳର ସାଧାରଣ ସମ୍ପାଦକ କରିବା ସହ ଦେଲା କେନ୍ଦ୍ରାପଡା ପର୍ଯ୍ୟବେକ୍ଷକ ଦାୟିତ୍ୱ ।
କନକ ବ୍ୟୁରୋ : ଟିକେଟ୍ ବଦଳରେ ମିଳିଲା ସାଧାରଣ ସମ୍ପାଦକ ଦାୟିତ୍ୱ । ଟିକେଟ୍ ନମିଳିବା ପରେ ଅସନ୍ତୁଷ୍ଟ ଥିବା କଣ୍ଟାବାଞ୍ଚି ବିଧାୟକ ଆୟୁବ ଖାନଙ୍କୁ ମନାଇବାରେ ସଫଳ ହୋଇଛି ବିଜେଡି । ବିଜୁ ଜନତା ଦଳର ରାଜ୍ୟ ସଭାପତି ନବୀନ ପଟ୍ଟନାୟକ, ହାଜି ମହମ୍ମଦ ଆୟୁବ ଖାଁଙ୍କୁ ବିଜୁ ଜନତା ଦଳ ରାଜ୍ୟ ସାଧାରଣ ସମ୍ପାଦକ ସହ କେନ୍ଦ୍ରାପଡା ଜିଲ୍ଲା ପାଇଁ ପର୍ଯ୍ୟବେକ୍ଷକ ଭାବେ ନିଯୁକ୍ତି ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି କଟକ ଜିଲ୍ଲା କାର୍ଯ୍ୟକାରୀ ସଭାପତି ପ୍ରଫୁଲ୍ଲ ସିଂହଙ୍କୁ ଗଞ୍ଜାମ ଜିଲ୍ଲା ସାନଖେମୁଣ୍ଡି ନିର୍ବାଚନ ମଣ୍ଡଳୀର ପର୍ଯ୍ୟବେକ୍ଷକ ଭାବେ ନିଯୁକ୍ତ କରିଛନ୍ତି । ଏନେଇ ବିଜୁ ଜନତା ଦଳର ରାଜ୍ୟ ସମ୍ପାଦକ ବିଜୟ ନାୟକ ଏକ ପ୍ରେସ ଇସ୍ତାହାରରେ ଜଣାଇଛନ୍ତି । ନିର୍ବାଚନ ପାଖଉଥିବା ବେଳେ, ଆଶାୟୀଙ୍କ ସଂଖ୍ୟା ମଧ୍ୟ ବଢିବାରେ ଲାଗିଛି । କିଛି ନେତା ଟିକେଟ୍ ପାଉଛନ୍ତି, ଆଉ କାହାର ଟିକେଟ୍ କଟୁଛି । ଟିକେଟ୍ ନମିଳିବାରୁ କିଛି ନେତା ଦଳ ଛାଡୁଥିବା ବେଳେ ଆଉ କିଛି ନେତାଙ୍କୁ ମିଳୁଛି ଦଳୀୟ ପଦବୀ ।