ଅଯୋଧ୍ୟା ମାମଲାକୁ ନେଇ ମୁସଲିମ୍ ପକ୍ଷରେ ସାମ୍ନାକୁ ଆସିଲାଣି ଫାଟ। ଦିଲ୍ଲୀ ବଦଳରେ ଲକ୍ଷ୍ନୌରେ ମୁସିଲମ୍ ଶିକ୍ଷାନୁଷ୍ଠାନରେ ଚାଲିଛି ବୈଠକ। ଯୋଗ ଦେଲେନି ଅନେକ ନେତା

କନକ ବ୍ୟୁରୋ: ଅଯୋଧ୍ୟା ମାମଲାକୁ ନେଇ ମୁସଲିମ୍ ପକ୍ଷରେ ସାମ୍ନାକୁ ଆସିଲାଣି ଫାଟ । ସୁପ୍ରିମକୋର୍ଟର ଅଯୋଧ୍ୟା ରାୟ ଆସିବାର ସପ୍ତାହକ ପରେ ଦେଖିବାକୁ ମିଳିଛି ବିରୋଧ । ଦେଶର ସର୍ବୋଚ୍ଚ ଅଦାଲତଙ୍କ ରାୟ ବିରୋଧରେ ମୁସିଲମ୍ ପକ୍ଷ ପୁନଃବିଚାର ଯାଚିକା ଆବେଦନ କରିବା ନେଇ ନିଷ୍ପତି ନେବାକୁ ବାହାରିବା ସମୟରେ ମୁସଲିମ୍ ପକ୍ଷର ବିଭିନ୍ନ ନେତା ଏଥିରେ ସହମତ ହୋଇନାହାନ୍ତି । ଇକବାଲ୍ ଅନସାରୀ, ମାମଲାର ଅନ୍ୟତମ ପକ୍ଷ ଫିରିଙ୍ଗି ମାହାଲି ମୁସଲିମ୍ କ୍ଲର୍କ ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ।

ଏନେଇ ଦିଲ୍ଲୀରେ ହେବାକୁ ଥିବା ବୈଠକକୁ ଆଜି ଲଖନୌରେ ମୁସିଲିମ୍ ଶିକ୍ଷାନୁଷ୍ଠାନରେ କରାଯାଇଛି । ଯେଉଁଥିରେ ସାମିଲ ହୋଇଥିବା କିଛି ନେତା ବୈଠକରୁ ଉଠି ଚାଲି ଯାଇଥିବା ନେଇ ସୂଚନା ଆସିଛି । ତେବେ ଏନେଇ ମୁସଲିମ୍ ପର୍ସନାଲ ଲ ବୋର୍ଡ ପକ୍ଷରୁ କୁହାଯାଇଛି ସେଭଳି କିଛି ହୋଇନି । ବୈଠକର ସ୍ଥାନକୁ ନେଇ ସମସ୍ୟା ରହିଛି । ଚୂଡାନ୍ତ ନିଷ୍ପତି ଆଜି ଅପରାହ୍ନରେ ସାଂବାଦିକ ସମ୍ମିଳନୀ ଜରିଆରେ ଜଣାଇ ଦିଆଯିବ । ସୁପ୍ରିମକୋର୍ଟ ରାୟରେ ସାରା ଦେଶ ସନ୍ତୁଷ୍ଟ ଥିବା ବେଳେ କିଛି ହୀନ ଚକ୍ରାନ୍ତକାରୀ ନେତା ଏହାକୁ ନେଇ ରାଜନୀତି କରିବାକୁ ଏପରି ଅପଚେଷ୍ଟା କରୁଥିବା ମୁସଲିମ୍ ନେତା ଅଭିଯୋଗ କରିଛନ୍ତି ।