ବିଂଝାରପୁରରେ ପୁଣି ତେଜିଲା ଆବସ ବିବାଦ । ପୂର୍ବରୁ ସରକାରୀ ଯୋଜନାରେ ଘର ପାଇଁ ଟଙ୍କା ପାଇଥିବା ଲୋକଙ୍କୁ ଦିଆଯାଇଛି ଆବାସ ଘର

କନକ ବ୍ୟୁରୋ : ଆବାସ ଯୋଜନା ଅନିୟମିତତା ବିରୋଧରେ କାର୍ଯ୍ୟାନୁଷ୍ଠାନ ପରେ ବିବାଦ ପିଛା ଛାଡୁନାହିଁ, କି ଦୁର୍ନୀତି କମିବାର ନାଁ ଧରୁନାହିଁ । ଯାଜପୁର ବିଂଝାରପୁର ବ୍ଲକ ଗୁହାଳି ପଂଚାୟତରୁ ଆସିଛି ଅବାସ ସଂପର୍କୀତ ଅଭିଯୋଗ । ପୂର୍ବରୁ ଘର ବାବଦରେ ୭୫ ହଜାର ଟଙ୍କା ପାଇଥିବା ହିତାଧିକାରୀଙ୍କୁ ଆବାସ ଯୋଜନାରେ ପୁଣି ଘର ମିଳିଛି! କିନ୍ତୁ ଚାଳଛପର ଘରେ ରହୁଥିବା ଲୋକଙ୍କ ଭାଗ୍ୟରେ ପକ୍କା ଘର ଜୁଟୁ ନାହିଁ ।

ସରକାରୀ ଅଧିକାରୀ ଚଂଚକତା କରି ଆବାସ ହେରଫେର କରୁଥିବା ବିଂଝାରପୁର ବିଡିଓଙ୍କ ନିକଟରେ ଅଭିଯୋଗ କରିନ୍ତି ଗୁହାଳି ପଂଚାୟତର ଲୋକେ ।

ଅସହାୟଙ୍କ ମୁଣ୍ଡ ଉପରେ ପକ୍କା ଛାତ ରଖିବା ପାଇଁ ସରକାର ଯୋଜନା କରିଛନ୍ତି । ହେଲେ ଅଧିକାରୀଙ୍କ ଦୁର୍ନୀତିଖୋଜ ମନୋଭାବ ଯୋଗୁଁ ଯୋଜନା ଠାରୁ ଯୋଜନ ଯୋଜନ ଦୂରରେ ରହୁଛନ୍ତି ଯୋଗ୍ୟ ହିତାଧିକାରୀ ।