ଅଟୋ ଭିତରେ ଘରର ସୁବିଧା : କରୋନା କାଳରେ ଅଟୋରେ ବୁଲୁଛି ସ୍ୱଚ୍ଛ ଭାରତର ବାର୍ତ୍ତା , ୱାଇଫାଇ ସାଙ୍ଗକୁ ଅଟୋ ଭିତରେ ରହିଛି ଫୁଲକୁଣ୍ଡ , ସାନିଟାଇଜର୍ ,ୱାସ୍ ବେସିନ୍ ଏବଂ ଡଷ୍ଟବିନର ସୁବିଧା
ବର୍ତ୍ତମାନର ଘଡ଼ିସନ୍ଧି ସମୟରେ ସମସ୍ତେ ସ୍ୱାସ୍ଥ୍ୟପ୍ରତି ଯତ୍ନବାନ ହେଉଛନ୍ତି । ବାହାରକୁ ବାହାରିବା କ୍ଷଣି ବ୍ୟାଗରେ ସାନିଟାଇଜର୍ ଏବଂ ମୁହଁରେ ମାସ୍କ୍ ପିନ୍ଧୁଛନ୍ତି ଲୋକେ । ବ୍ୟକ୍ତିଗତ ଗାଡ଼ି କିମ୍ବା ଅଟୋରେ ଜଣେ ଲୋକ ନେବାକୁ ଚାଳକକୁ କହୁଛନ୍ତି ଯାତ୍ରୀ । ଗାଡ଼ିରେ ବସିବା ପୂର୍ବରୁ ଗାଡ଼ିକୁ ସାନିଟାଇଜ୍ କରାଯାଇଛି କି ନାହିଁ ଅଟୋଚାଳକ ମାସ୍କ୍ ପିନ୍ଧିଛି କି ନାହିଁ ଏବଂ ଅଟୋରେ ସ୍ୱଚ୍ଛତାକୁ ଧ୍ୟାନ ଦିଆଯାଇଛି କି ନାହିଁ ଏଭଳି ଅନେକ ପ୍ରଶ୍ନ ପଚାରୁଛନ୍ତି ଯାତ୍ରୀ । ଯାତ୍ରୀଙ୍କ ସୁରକ୍ଷା ଏବେ ଅଟୋଚାଳକଙ୍କ ପାଇଁ ପ୍ରାଥମିକତା ପାଲଟିଯାଇଛି । ଅଟୋର ସିଟ୍ ଠାରୁ ଆରମ୍ଭ କରି ଧରୁଥିବା ଲୁହାର ରିଲ୍ ପର୍ଯ୍ୟନ୍ତ ସବୁକିଛିକୁ ସାନିଟାଇଜ୍ କରୁଛନ୍ତି ଅଟୋଚାଳକ । ହେଲେ ଏଭିତରେ ଏଭଳି କିଛି କ୍ରିଏଟିଭିଟି ସାମ୍ନାକୁ ଆସୁଛି ଯାହା ସୋସିଆଲ୍ ସେନେସେସନ୍ ପାଲଟୁଛି ।
Kanak News is now on WhatsApp
Join and get latest news updates delivered to you via WhatsApp
One silver lining of Covid 19 is that it’s dramatically accelerating the creation of a Swachh Bharat…!! pic.twitter.com/mwwmpCr5da
— anand mahindra (@anandmahindra) July 10, 2020
ନିକଟରେ ଆନନ୍ଦ ମହିନ୍ଦ୍ରା ନିଜ ଟ୍ୱିଟର ପେଜରେ ଜଣେ ଅଟୋଚାଳକଙ୍କ ଅଟୋକୁ ପୋଷ୍ଟ୍ କରିଥିଲେ । ଏହି ଅଟୋକୁ ଚଳନ୍ତା ସ୍ୱଚ୍ଛ ଭାରତ ଅଭିଯାନର ଅଂଶ ବୋଲି କୁହାଯାଉଛି । ଭିଡ଼ିଓଟି ମୁମ୍ବାଇର ଜଣାପଡିଥିବା ବେଳେ ଏହା ହୋମ୍ ସିଷ୍ଟମ୍ ଅଟୋରିକ୍ସା ବୋଲି ଜଣାପଡିଛି । ଏହି ଅଟୋରେ ୱାଇଫାଇ ସିଷ୍ଟମ୍ , ହ୍ୟାଣ୍ଡୱାସ୍ ବେସିନ୍ , ସାନିଟାଇଜର୍ ଏବଂ ଫୁଲକୁଣ୍ଡ ସମେତ ଓଦା ଏବଂ ଶୁଖିଲା ଅଳିଆ ପାଇଁ ଅଲଗା ଅଲଗା ଡ଼ଷ୍ଟବିନ୍ ମଧ୍ୟ ରହିଛି । ଏହି ଭିଡ଼ିଓଟିକୁ ଜୁଲାଇ ୧୦ ତାରିଖରେ ଆନନ୍ଦ ମହିନ୍ଦ୍ରା ସେୟାର୍ କରିଥିଲେ । ଭିଡ଼ିଓ ପରେ ଏବେ ଅଟୋଚାଳକଙ୍କୁ ଲୋକମାନେ ଖୁବ୍ ପ୍ରଶଂସା କରୁଛନ୍ତି ।