ଭାରତ ଝିଅ ହେବେ ଅଷ୍ଟ୍ରେଲିଆର ବୋହୂ ! ଭାରତୀୟ ଝିଅ ବିନିଙ୍କୁ ବିବାହ କରିବେ ଅଷ୍ଟ୍ରେଲିଆର ବିସ୍ଫୋରକ ବ୍ୟାଟ୍ସମ୍ୟାନ୍ ଗ୍ଲେନ୍ ମ୍ୟାକ୍ସୱେଲ ।
କନକ ବ୍ୟୁରୋ : ଭାରତ ଝିଅ ହେବେ ଅଷ୍ଟ୍ରେଲିଆ ବୋହୂ । କୁହାଯାଏ, ପ୍ରେମକୁ କୌଣସି ସୀମା ବାନ୍ଧିକି ରଖିପାରେ ନାହିଁ । ପ୍ରେମର କୌଣସି ସୀମା ନଥାଏ । ପ୍ରେମ କେତେବେଳେ କେଉଁଠି ହୁଏ, ତାହା ଆକଳନ କରିବା କଷ୍ଟକର । ଅନେକ ସମୟରେ ପ୍ରଥମେ ଦେଖାରେ ହିଁ ପ୍ରେମ ହୋଇଯାଏ । କୁହାଯାଏ ପ୍ରେମରେ ଜାତି, ଧର୍ମ, ବର୍ଣ୍ଣ କି ଦେଶ ବିଦେଶ କିଛି ଦେଖାଯାଏନି । ଆଉ ପ୍ରେମରେ ଏଭଳି ଅନେକ ଝଲକ ପୂର୍ବରୁ ମଧ୍ୟ ଦେଖିବାକୁ ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଭାରତ ପାକିସ୍ତାନ ମଧ୍ୟରେ ସବୁବେଳେ ବିବାଦ ଲାଗିରହୁଥିବା ବେଳେ, ୨୦୧୦ ମସିହା ଏପ୍ରିଲ ମାସ ୧୨ ତାରିଖରେ ଏମିତି ଏକ ଘଟଣା ଘଟିଥିଲା, ଯାହାକୁ ନେଇ ସାରା ବିଶ୍ୱରେ ଜୋରଦାର ଚର୍ଚ୍ଚା ହୋଇଥିଲା । ଯେତେବେଳେ ଭାରତର ଝିଅ ହୋଇଥିଲେ ପାକିସ୍ତାନୀ ବୋହୂ । ଆମେ କହୁଛୁ, ଭାରତୀୟ ଟେନିସ୍ ତାରକା ସାନିଆ ମିର୍ଜାଙ୍କ କଥା । ପାକିସ୍ତାନର ପୂର୍ବତନ କ୍ରିକେଟର ସୋଏବ ମଲ୍ଲିକଙ୍କ ସହ ବିବାହ ବନ୍ଧନରେ ବାନ୍ଧି ହୋଇଥିଲେ ସାନିଆ । ଆଉ ଏବେ ପୁଣି ଜଣ ଭାରତୀୟ ଝିଅଙ୍କୁ ନେଇ ହେଉଛି ଜୋରଦାର ଚର୍ଚ୍ଚା ।
ଏବେ କିନ୍ତୁ ପାକିସ୍ତାନ ନୁହେଁ, ଅଷ୍ଟ୍ରେଲିଆର ବୋହୂ ହେବାକୁ ଯାଉଛନ୍ତି ଜଣେ ଭାରତୀୟ ଝିଅ । ଏମିତି ହିଁ କିଛି ଖବରକୁ ନେେଇ ବର୍ତମାନ ସମୟର ଜାତୀୟ ଗଣମାଧ୍ୟମରେ ଜୋରଦାର ଚର୍ଚ୍ଚା ହେଉଛି । ବିଦେଶୀ କ୍ରିକେଟର ଭାରତୀୟ ଝିଅଙ୍କ ପ୍ରେମରେ ପଡିବା ଲିଷ୍ଟରେ, ବର୍ତମାନ ଅଷ୍ଟ୍ରେଲିଆର ବିସ୍ଫୋରକ ଅଲରାଉଣ୍ଡର ଗ୍ଲେନ୍ ମ୍ୟାକୱେଲଙ୍କ ନାଁ ମଧ୍ୟ ଯୋଡି ହୋଇଯାଇଛି । ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ଗତ ୨ ବର୍ଷ ହେଲା ଜଣେ ଭାରତୀୟ ଝିଅଙ୍କୁ ପ୍ରେମ କରୁଛନ୍ତି ମ୍ୟାକ୍ସୱେଲ ।
ଭାରତୀୟ ଝିଅ ବିନି ରମନ, ଦୀର୍ଘ ୨ ବର୍ଷ ହେଲା ମ୍ୟାକ୍ସୱେଲଙ୍କ ସହ ପ୍ରେମ ସମ୍ପର୍କରେ ରହିଛନ୍ତି । ଆଉ କୁହାଯାଉଛି, ଖୁବ ଶୀଘ୍ର ମ୍ୟାକ୍ସୱେଲଙ୍କୁ ବିବାହ କରିପାରନ୍ତି ବିନି । ଏନେଇ ସ୍ପଷ୍ଟ ଭାବେ କୌଣସି ତାରିଖ ସ୍ଥିର ହୋଇନଥିବା ବେଳେ, ଦୁହିଁଙ୍କ ବିବାହକୁ ନେଇ ଏବେ ଜୋରଦାର ଚର୍ଚ୍ଚା ହେଉଛି ।
ତେବେ ଯଦି ବିନିଙ୍କୁ ମ୍ୟାକ୍ସୱେଲ ବିବାହ କରୁଛନ୍ତି, ତେବେ ଅଷ୍ଟ୍ରେଲିଆର ସନ୍ ଟେଟଙ୍କ ପରେ ସେ ଦ୍ୱିତୀୟ ଅଷ୍ଟ୍ରେଲୀୟ କ୍ରିକେଟର ହେବେ, ଯିଏକି ଜଣେ ଭାରତୀୟ ଝିଅଙ୍କୁ ଅଷ୍ଟ୍ରେଲିଆର ବୋହୂ କରିବେ । ତେବେ ନିଜ ଇନଷ୍ଟାଗ୍ରାମ ଆକାଉଣ୍ଟର ବିନି, ମ୍ୟାକ୍ସୱେଲଙ୍କ ସହ ଅନେକ ଫଟୋ ସେୟାର କରିଛନ୍ତି । କିଛି ଦିନ ପୂର୍ବରୁ ଅଷ୍ଟ୍ରେଲିଆ କ୍ରିକେଟ ବୋର୍ଡର ଏକ ଆୱାର୍ଡ ସେରିମନିରେ ମଧ୍ୟ ଏହି ଦୁଇ ପ୍ରେମୀଯୁଗଳ ନଜର ଆସିଥିଲେ । ସୂଚନା ଅନୁଯାୟୀ ବିନି ବର୍ତମାନ ଅଷ୍ଟ୍ରେଲିଆର ମେଲବର୍ଣ୍ଣରେ ଫାର୍ମାଶିଷ୍ଟ ଭାବେ କାମ କରୁଛନ୍ତି । ତେବେ ଏହି ଭାରତୀୟ ଝିଅ କେବେ ଅଷ୍ଟ୍ରେଲିଆର ବୋହୂ ହେଉଛନ୍ତି, ଏବେ ତାକୁ ହିଁ ଅପେକ୍ଷା ।