ବିରାଟ ବାହିନୀକୁ ବଡ଼ ପରାଜୟ ଦେଲା ଭ୍ରମଣକାରୀ କଙ୍ଗାରୁ ଦଳ, ୨୫୫ ରନର ବିଜୟ ଲକ୍ଷକୁ ବିନା ୱିକେଟ ହରାଇ ହାତେଇଲା ଅଷ୍ଟ୍ରେଲିଆ ।
କନକ ବ୍ୟୁରୋ: ମୁମ୍ବାଇରେ ମାଟି କାମୁଡ଼ିଲା ଟିମ୍ ଇଣ୍ଡିଆ । ଭାରତ ଓ ଅଷ୍ଟ୍ରେଲିଆ ମଧ୍ୟରେ ଚାଲିଥିବା ଦିନିକିଆ ଶୃଙ୍ଖଳାର ପ୍ରଥମ ମ୍ୟାଚରେ ବିରାଟ ବାହିନୀକୁ ବଡ଼ ପରାଜୟ ଦେଲା ଭ୍ରମଣକାରୀ ଦଳ ଅଷ୍ଟ୍ରେଲିଆ । ୫୦ ଓଭରରେ ଭାରତ ଛିଡ଼ା କରିଥିବା ୨୫୫ ରନ୍ ର ବିଜୟ ଲକ୍ଷକୁ ୩୭.୪ ଓଭରରେ ବିନା ୱିକେଟ ହରାଇ ହାସଲ କରି ଟିମ୍ ଇଣ୍ଡିଆକୁ ଲଜ୍ଜାଜନକ ପରାସ୍ତ କରିଛି କଙ୍ଗାରୁ ଟିମ୍ ।
Kanak News is now on WhatsApp
Join and get latest news updates delivered to you via WhatsApp
That’s that from the Wankhede.
Absolute domination by the Australian openers as Australia win the 1st ODI by 10 wickets and go 1-0 up in the three-match series.
Scorecard – https://t.co/yur0YuDrGa #INDvAUS pic.twitter.com/VF05mP0kg7
— BCCI (@BCCI) January 14, 2020
ଅଷ୍ଟ୍ରେଲିଆ ଦଳର ବିସ୍ଫୋରକ ବାମହାତୀ ବ୍ୟାଟ୍ସମ୍ୟାନ୍ ଡାଭିଡ୍ ୱାର୍ନନର ଓ କ୍ୟାପଟେନ୍ ଅରୋନ୍ ଫିଞ୍ଚଙ୍କ ଅପରାଜିତ ଯୋଡ଼ି ଦଳକୁ ୧୦ ୱିକେଟରେ ଏକ ବଡ଼ ବିଜୟ ଦେଇଛି । ଏପରିକି ଘରୋଇ ଦଳ ବିରାଟ ବାହିନୀକୁ ଦିନିକିଆ ଶୃଙ୍ଖଳାର ପ୍ରଥମରୁ ହିଁ ମନୋବଳ ଦୁର୍ବଳ କରିବାକୁ କଙ୍ଗାରୁ ଦଳ ଝଟକା ଦେଇଛି । ତେବେ ମୁମ୍ବାଇର ଓ୍ଵାଙ୍ଖେଡେ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚରେ ଟସ୍ ଜିଣି ଅଷ୍ଟ୍ରେଲିଆ ପ୍ରଥମେ ବୋଲିଂ ନିଷ୍ପତ୍ତି ନେବା ପରେ ଭାରତ ବ୍ୟାଟିଂ କରିଥିଲା । ୪୯.୧ ଓଭରରେ ୨୫୫ ରନ୍ କରି ଭାରତ ଅଲଆଉଟ୍ ହୋଇଯାଇଥିଲା । ଦଳର ଓପନର ଶିଖର ଧାଓ୍ଵନ୍ ବିସ୍ଫୋରକ ବ୍ୟାଟିଂ କରି ସର୍ବାଧିକ ୭୪ ରନ୍ କରିଥିଲା ବେଳେ ଲୋକେଶ ରାହୁଲ ୪୭ ରନ୍ କରିଥିଲେ ।
ଅପରପକ୍ଷେ ଅଷ୍ଟ୍ରେଲିଆର ସମସ୍ତ ବୋଲର ଆଜି ଭଲ ପ୍ରଦର୍ଶନ କରିଥିଲେ। ଯାହା ଫଳରେ ଭାରତ ଏକ ମଜବୁତ୍ ସ୍କୋର କରିବାକୁ ସକ୍ଷମ ହୋଇପାରିନ ଥିଲା। ମିଚେଲ ଷ୍ଟାର୍କସ ୩ଟି ଓ୍ଵିକେଟ୍ ନେଇଥିବା ବେଳେ ପ୍ୟାଟ୍ କମିନ୍ସ ଓ କେନ୍ ରିଚାର୍ଡସନ୍ ୨-୨ଟି ଓ୍ଵିକେଟ୍ ନେଇଥିଲେ। ଆଦାମ ଜାମ୍ପା ଓ ଆଷ୍ଟନ ଆଗରଙ୍କ ଖାତାକୁ ଗୋଟିଏ ଲେଖାଏଁ ଓ୍ଵିକେଟ୍ ଯାଇଥିଲା ।