ଦିଲ୍ଲୀରେ ସରକାରୀ ବଙ୍ଗଳାକୁ ଜୋର ଜବରଦସ୍ତ ମାଡି ବସିଛନ୍ତି ବୈଜୟନ୍ତ । ଟ୍ୱିଟରରେ ଅନୁଭବ କଲେ ଟାର୍ଗେଟ ।
ସାଧାରଣ ଜୀବନରେ ସେ ଶିଷ୍ଟାଚାର ଓ ନୀତିଶାସ୍ତ୍ର ବା ନୈତିକତା ନେଇ ଉପଦେଶ ଦେବା ବନ୍ଦ କରନ୍ତୁ । ୨୦୧୯ରେ ନିର୍ବାଚନରେ ବାଜି ମାତ କରିବା ପରେ ବୋଧହୁଏ ପ୍ରଥମ ଥର ପାଇଁ ଏଭଳି ଏକ ସ୍ଥିତି ସୃଷ୍ଟି ହୋଇଛି ଯେଉଁଠି ବୈଜୟନ୍ତଙ୍କୁ ସିଧାସଳଖ ଟାର୍ଗେଟ କରିଛନ୍ତି ଅନୁଭବ ।
ବୈଜୟନ୍ତ ପଣ୍ଡାଙ୍କୁ ଟାର୍ଗେଟ କଲେ ସାଂସଦ ଅନୁଭବ ମହାନ୍ତି । ଦୁଇଟି ଟ୍ୱିଟ୍ କରିବା ସହ କିଭଳି ବୈଜୟନ୍ତ ନୀତି ନିୟମ ବିରୋଧୀ କାର୍ଯ୍ୟ କରୁଛନ୍ତି ତାକୁ ଦର୍ଶାଇଛନ୍ତି କେନ୍ଦ୍ରାପଡା ବିଜେଡି ସାଂସଦ । ୧୩ ମାସ ତଳେ ସାଂସଦ ପଦରୁ ଇସ୍ତଫା ଦେଇଥିବା ବେଳେ ଏପରିକି ଗତ ନିର୍ବାଚନରେ ହାରିବା ସତ୍ୱେ ବୈଜୟନ୍ତ ଜବରଦସ୍ତ ସରକାରୀ ବଙ୍ଗଳାକୁ ନିଜ ଦଖଲରେ ରଖିଥିବା ଦର୍ଶାଇଛନ୍ତି ଅନୁଭବ ମହାନ୍ତି ।
Kanak News is now on WhatsApp
Join and get latest news updates delivered to you via WhatsApp
Ex-Law Maker Sri @PandaJay has NO respect for Law,Ethics or political morality.13 months after he ceased to be a MP and further after losing the last Lok Sabha elections he continues to forcibly occupy the government bungalow at 02, Mahadev Road,New Delhi.
— Anubhav Mohanty (@AnubhavMohanty_) July 11, 2019
ସନ୍ଧ୍ୟା ପାଖାପାଖି ୬ଟା ସମୟରେ ଅନୁଭବଙ୍କ ଅଫିସିଆଲ ଟ୍ୱିଟର ହ୍ୟାଣ୍ଡେଲରୁ ଦୁଇଟି ଟ୍ୱିଟ କରାଯାଇଥିଲା । ନୂଆଦିଲ୍ଲୀର ୨ ମହାଦେବ ରୋଡରେ ବୈଜୟନ୍ତଙ୍କୁ ପୂର୍ବରୁ ସରକାରୀ ବଙ୍ଗଳା ମିଳିଥିଲା, ଯେତେବେଳେ ବିଜେଡିରୁ ନିର୍ବାଚିତ ହୋଇ ସେ ସାଂସଦ ଥିଲେ । ହେଲେ ଏହାରି ଭିତରେ ସେ ନିର୍ବାଚନରେ ପରାଜିତ ହୋଇସାରିଥିଲେ ମଧ୍ୟ ସରକାରୀ ବଙ୍ଗଳା ଛାଡୁନଥିବା ଦର୍ଶାଇଛନ୍ତି ଅନୁଭବ ମହାନ୍ତି ।
ଅନୁଭବ ନିଜ ଦ୍ୱିତୀୟ ଟ୍ୱିଟରେ ଦର୍ଶାଇଛନ୍ତି, ବୈଜୟନ୍ତଙ୍କ ଘରର ସୁରକ୍ଷା କର୍ମୀଙ୍କୁ କିଛି ଏଭଳି ଢଙ୍ଗରେ ଟ୍ରେନିଂ ଦିଆଯାଇଛି, ଯେପରି ସେମାନେ ନବ ନିର୍ବାଚିତ ସାଂସଦଙ୍କୁ ଗେଟ ଭିତରକୁ ଛାଡିବେ ନାହିଁ । ଯେଉଁମାନଙ୍କୁ ଲୋକସଭାର ଗୃହ କମିଟି ଅଧିକାର ଦେଇଛି ଘର ଭିତରେ ପଶି ଘରର ସ୍ଥିତିକୁ ଅନୁଧ୍ୟାନ କରିବା ପାଇଁ ।
His Security Guards are trained not to allow the newly elected MPs who are entitled to allotment by House Committee of LS to enter and inspect the house.
He must stop preaching and sermonising about morals and ethics in public life in future. pic.twitter.com/JHCfN5dC9B
— Anubhav Mohanty (@AnubhavMohanty_) July 11, 2019
ଏଥିସହ ଅନୁଭବ ୨ ମହାଦେବ ରୋଡ ସ୍ଥିତ ଉକ୍ତ ଘର ସାମ୍ନାରେ ଏକ ଫୋଟୋକୁ ମଧ୍ୟ ଉଠାଇ ଟ୍ୱିଟ କରିଛନ୍ତି । ସେ ଆହୁରି ମଧ୍ୟ ଲେଖିଛନ୍ତି ଯେ, ସାଧାରଣ ଜୀବନରେ ସେ ଶିଷ୍ଟାଚାର ଓ ନୀତିଶାସ୍ତ୍ର ବା ନୈତିକତା ନେଇ ଉପଦେଶ ଦେବା ବନ୍ଦ କରନ୍ତୁ । ୨୦୧୯ରେ ନିର୍ବାଚନରେ ବାଜି ମାତ କରିବା ପରେ ବୋଧହୁଏ ପ୍ରଥମ ଥର ପାଇଁ ଏଭଳି ଏକ ସ୍ଥିତି ସୃଷ୍ଟି ହୋଇଛି ଯେଉଁଠି ବୈଜୟନ୍ତଙ୍କୁ ସିଧାସଳଖ ଟାର୍ଗେଟ କରିଛନ୍ତି ଅନୁଭବ ।
୨୦୧୯ରେ ସବୁଠାରୁ ହାଇପ୍ରୋଫାଇଲ ଲଢେଇ ଦେଖିବାକୁ ମିଳିଥିଲା କେନ୍ଦ୍ରାପଡାରେ । ଆଉ ବିଜେଡିରୁ ଯାଇ ବିଜେପିରେ ସାମିଲ ହୋଇଥିବା ବୈଜୟନ୍ତ ପଣ୍ଡାଙ୍କୁ ଲକ୍ଷାଧିକ ଭୋଟରେ ହରାଇ ପ୍ରଥମ ଥର ପାଇଁ ଲୋକସଭାକୁ ନିର୍ବାଚିତ ହୋଇଥିଲେ । ଆଉ ଏବେ ଅନୁଭବଙ୍କ ଏହି ଟ୍ୱିଟ ଉଭୟଙ୍କ ଭିତରେ ଥିବା ରାଜନୈତିକ ତିକ୍ତତାକୁ ଆଉ ଏକ ପାଦ ଆଗେଇ ନେଇଛି ।
ଯଦିଓ ଅନୁଭବ କରିଥିବା ଟ୍ୱିଟରେ ବୈଜୟନ୍ତଙ୍କୁ ଟ୍ୟାଗ କରାଯାଇଛି, ତେବେ ଖବର ଲେଖା ହେବା ସୁଦ୍ଧା ଏନେଇ କୈାଣସି ପ୍ରତିକ୍ରିୟା ରଖିନାହାନ୍ତି ବୈଜୟନ୍ତ ।