ସାବଧାନ ଆଣ୍ଡ୍ରୋଏଡ୍ ୟୁଜର୍ସ! ସାମ୍ନାକୁ ଆସିଲା ନୂଆ ଭାଇରସ, ଆଖି ପିଛୁଳାକେ ଖାଲି କରିଦେବ ଆକାଉଣ୍ଟ
କନକ ବ୍ୟୁରୋ: ଭାରତରେ କୋଟି କୋଟି ଲୋକ ଆଣ୍ଡ୍ରୋଏଡ ଫୋନ ବ୍ୟବହାର କରିଥାନ୍ତି । ସାମସଙ୍ଗଠାରୁ ନେଇ ଭିଭୋ ଯାଏଁ ଆମେ ଏମିତି ଅନେକ ଆଣ୍ଡ୍ରୋଏଡ ଅପରେଟିଂ ସିଷ୍ଟମ ବ୍ୟବାହର କରିଥାଉ । ହେଲେ ଏବେ ଆଣ୍ଡ୍ରୋଏଡ ଫୋନ ଧାରୀଙ୍କ ପାଇଁ ବଡ ବିପଦ ସାମ୍ନାକୁ ଆସିଛି । ସିକ୍ୟୁରିଟି ଏକ୍ସପର୍ଟ ଏକ ନୂଆ ପ୍ରକାରର ମାଲୱେୟାର କଥା କହିଛନ୍ତି, ଯାହାର ନାଁ ହେଉଛି ଆଣ୍ଡ୍ରୋଏଡ ଏକ୍ସଲୋର୍ଡର । ଏହା ଆପଣଙ୍କ ପାଇଁ ଏଥିପାଇଁ ବିପଦ କାରଣ ଏହା ଆପଣଙ୍କ ସ୍ମାର୍ଟ ଫୋନରୁ ଜରୁରୀ ତଥ୍ୟ ଚୋରି କରିନେଇଥାଏ । ଏହା ଏସଏମଏସର ଆକ୍ସେସ ବି ନେଇଯାଇପାରେ । ତେଣୁ ସ୍ମାର୍ଟଫୋନ ୟୁଜରଙ୍କ ପାଇଁ ଏହା ବଡ ବିପଦ ସାବ୍ୟସ୍ତ ହୋଇପାରେ ।
Kanak News is now on WhatsApp
Join and get latest news updates delivered to you via WhatsApp
ଏବେ ବ୍ୟାଙ୍କ ଖାତା ସହ ଫୋନ ନମ୍ବଲ ଲିଙ୍କ ବାଧ୍ୟତା ମୂଳକ ରହୁଥିବାରୁ ହ୍ୟାକର ଆପଣଙ୍କ ଆକାଉଣ୍ଟକୁ ଟାର୍ଗେଟ କରିଥାନ୍ତି । ଆଉ ଆଖି ପିଛୁଳାକେ ଆପଣଙ୍କ ବ୍ୟାଙ୍କ ଆକାଉଣ୍ଟରେ କଳାକନା ବୁଲାଇ ଦିଅନ୍ତି । ତେଣୁ ସାମ୍ନାକୁ ଆସିଥିବା ଏହି ଏକ୍ସଲୋର୍ଡର ମାଲୱେୟାରଠାରୁ ସତର୍କ ରହିବାକୁ କୁହାଯାଇଛି ।
ଆଣ୍ଡ୍ରୋଏଡ ଏକ୍ସଲୋର୍ଡର ମାଲୱେୟାର ଅତି ସହଜ ଡିଭାଇସକୁ ଆଟାକ କରିଥାଏ । ଏଥିରେ ଏକ ମେସେଜ ଇଫେକ୍ଟେଡ ୱେବସାଇଟ ୟୁଆରଏଲ ସହ ଆସିଥାଏ । ଏହି ମେସେଜ ଫୋନରେ ମାଲିସିୟୋସ ଆପ ପାଇଁ ରାସ୍ତା ଖୋଲି ଦେଇଥାଏ । ଦିଆଯାଇଥିବା ଲିଙ୍କରେ କ୍ଲିକ କରିଦେଲେ ଫୋନରେ ଏପିକେ ଫାଇଲ ଇନଷ୍ଟଲ ହୋଇଯାଏ । ଯେତେବେଳେ ମେସେଜରେ ଆସିଥିବା ଲିଙ୍କ ଉପରେ କ୍ଲିକ କରିବେ ସେତେବେଳେ ଏହା କାମ କରିବା ଆରମ୍ଭ କରିବ ।
ଏହି ଲିଙ୍କ ସାଇଡଲୋର୍ଡିଂ ଟେକନିକର ବ୍ୟବହାର କରି ଅନ୍ୟ ମାଧ୍ୟମରେ ଆଉ ଏକ ଆପ ଇନଷ୍ଟଲ କରିଦେଇଥାଏ । ସବୁଠାରୁ ବଡ କଥା ହେଉଛି ଏହା ସୂଚନା ମୋବାଇଲ ବ୍ୟବହାରକାରୀଙ୍କୁ ମଧ୍ୟ ଜଣାନଥାଏ । ଏହି ମାଲୱେର କେବଳ ଏସଏମଏସର ଆକ୍ସେସ ନେଇନଥାଏ ବରଂ ଆପ୍ସକୁ ଟ୍ରାକ ବି କରିଥାଏ । ଏହି ଟୁଲ୍ସକୁ ବ୍ୟବହାର କରି ହ୍ୟାକର ଆପଣଙ୍କୁ ଟାର୍ଗେଟ ବି କରିପାରେ ।
ମ୍ୟାକଏଫି କମ୍ପାନୀ ପ୍ରଥମରୁ ଗୁଗୁଲକୁ ଏହି ଆପ ବିଷୟରେ କହି ସାରିଛି । ଏହାପରେ ଗୁଗୁଲ ସଙ୍ଗେସଙ୍ଗେ ଏହି ମାଲୱେୟାରକୁ ଡିଲିଟ କରିଦେଇଛି । ହେଲେ ଗୁଗୁଲ ସେହି ଆପ ଗୁଡିକୁ କଣ୍ଟ୍ରୋଲ କରିପାରିବନି ଯେଉଁ ଆପ ଗୁଡିକ ପ୍ଲେ ଷ୍ଟୋରରୁ ବାହାରେ ଅଛି । ତେଣୁ ଗୁଗୁଲ ସବୁବେଳେ ସଚେତନ କରିଥାଏ କି ଆପଣଙ୍କ ଡିଭାଇସକୁ ସୁରକ୍ଷିତ ରଖିବା ପାଇଁ ପ୍ଲେ ପ୍ରୋଟେକ୍ଟକୁ କାର୍ଯ୍ୟକାରୀ କରିଦିଅନ୍ତୁ । ଏହା ଆପଣଙ୍କ ଫୋନକୁ ଅନେକ ମାତ୍ରାରେ ରକ୍ଷା କରିବ ।