ଅଟା ପାଇଁ ପାକିସ୍ତାନରେ ହାହାକାର । ୭୫ରେ ପହଂଚିଲାଣି କିଲୋ ପିଛା ଦର, ଗୋଟିଏ ରୁଟିର ଦାମ ହେଲାଣି ୧୫ ଟଙ୍କା
କନକ ବ୍ୟୁରୋ : ପାକିସ୍ତାନରେ ଅଟା ପାଇଁ ହାହାକାର ଦେଖା ଦେଇଛି । ଦେଶର ବିଭିନ୍ନ ଅଂଚଳରେ ଅଟାର ଦାମ ଆକଶ ଛୁଆଁ ଦରରେ ବିକ୍ରି ହେଉଛି । ଅଟା କିଲୋକୁ ୭୫ ଟଙ୍କା ଦରରେ ବିକ୍ରି ହେଉଛି । ସେହିପରି ଗୋଟିଏ ରୁଟିକୁ ୧୫ ଟଙ୍କା ଦେଇ କିଣୁଛନ୍ତି ଲୋକେ । ତେବେ ଉଦବେଗର କଥା ହେଉଛି, ଟଙ୍କା ଦେଲେ ମଧ୍ୟ ସିନ୍ଧ, ଅନ୍ୟ କେତେକ ପ୍ରାନ୍ତରେ ଅଟା ମିଳୁ ନାହିଁ । ଏନେଇ ପାକିସ୍ତାନ ଗଣମାଧ୍ୟମ ଓ ସୋସିଆଲ ମିଡିଆରେ ଅନେକ ଖବର ସାମ୍ନାକୁ ଆସୁଛି ।
Kanak News is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆରେ ଅଟାର ଅଭାବକୁ ନେଇ ଜଣେ ବ୍ୟକ୍ତି କାନ୍ଦି କାନ୍ଦି ନିଜ ଦୁଃଖ ବୟାନ କରୁଥିବା ଦେଖିବାକୁ ମିଳିଛି । ଅଟା ନ ମିଳିବାରୁ କେମିତି ତିନି ଦିନ ହେଲା ପୁରା ପରିବାର ସହ ସେ ଉପାସରେ ଅଛନ୍ତି ତାହା ସେ ବର୍ଣ୍ଣନା କରିଛନ୍ତି । ଡକ୍ଟର ହୁମା ସୈଫ ନାମକ ଜଣେ ସୋସିଆଲ ମିଡିଆ ବ୍ୟବହାରକାରୀ ଟୁଇଟରରେ ଏହି ଭିଡିଓକୁ ସେୟାର କରିଛନ୍ତି । ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହା ପ୍ରମାଣିତ କରୁଛି, ଆତଙ୍କବାଦୀଙ୍କ ପାଇଁ ନିଜ ରାଜକୋଷ ଖୋଲିଦେଉଥିବା ପାକିସ୍ତାନ ସରକାର କିପରି ନିଜ ନାଗିରକଙ୍କ ମୌଲିକ ସୁବିଧା ଖାଦ୍ୟ ପାଇଁ ଉଦାସୀନ ରହୁଛି ।