ବିନା ଓଟିପି ଏବଂ ଏଟିଏମରେ ଆକାଉଣ୍ଟରୁ ଟଙ୍କା ଗାଏବ । ଜଣେ କି ଦୁଇ ଜଣ ନୁହେଁ, ୮୮ ଜଣ ଲୋକଙ୍କ ବ୍ୟାଙ୍କ ଖାତାରୁ ୧୯ ଲକ୍ଷ ଟଙ୍କା ଚୋରି ।
କନକ ବ୍ୟୁରୋ : ବ୍ୟାଙ୍କ ଆକାଉଣ୍ଟରୁ ଟଙ୍କା ଚୋରି ହେବା, ଆକାଉଣ୍ଟ ହ୍ୟାକ ହେବା କିଛି ନୂଆ କଥା ନୁହେଁ । କିନ୍ତୁ ଦିଲ୍ଲୀରେ ୮୮ ଜଣ ଲୋକଙ୍କ ବ୍ୟାଙ୍କ ଆକାଉଣ୍ଟରୁ ୧୯ ଲକ୍ଷ ଟଙ୍କା ଉଭାନ ହୋଇଯିବା ଘଟଣାକୁ ନେଇ ଏବେ ଚର୍ଚ୍ଚା ଜୋର ଧରିଛି । ଯେଉଁ ଉପାୟରେ ଚୋର ଆକାଉଣ୍ଟରୁ ଟଙ୍କା ଚୋରି କରିଛି ତାକୁ ନେଇ ଏବେ ଚିନ୍ତାରେ ପୁଲିସ । କୌଣସି ଓଟିପି ବା ଏଟିଏମ୍ କାର୍ଡ ବିନା ଚୋରି କରିବା ଘଟଣାକୁ ପୁଲିସ ସହଜରେ ଗ୍ରହଣ ନ କରିବା ସହ ତଦନ୍ତ ଆରମ୍ଭ କରିଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଗୌରବ ସେଠୀ ନାମକ ଜଣେ ଯୁବକ ତାଙ୍କ ଆକାଉଣ୍ଟରୁ ୫୦ହଜାର ଟଙ୍କା ଚୋରି ହେବା ନେଇ ପୁଲିସରେ ଅଭିଯୋଗ କରିଥିଲେ । ଏହା ସହ ଚୋରି ହେବା ସମୟରେ ତାଙ୍କ ଏଟିଏମ୍ କାର୍ଡ ତାଙ୍କ ପାଖରେ ଥିଲା ବୋଲି ଗୌରବ କହିବା ପରେ ପୁଲିସ ଆଶ୍ଚର୍ଯ୍ୟ ହୋଇ ଯାଇଥିଲା । କାରଣ ସମାନ ମାମଲାକୁ ନେଇ ଗୌରବଙ୍କ ପୂର୍ବରୁ ୮୭ଜଣ ଲୋକ ପୁଲିସରେ ଅଭିଯୋଗ କରି ସାରିଥିଲେ । ସମାନ କୌଶଳ ଆପଣାଇ ଆକାଉଣ୍ଟରୁ ୧୯ଲକ୍ଷ ଟଙ୍କା ଚୋରି କରି ନେବା ଘଟଣା ଏବେ ପୁଲିସ ପାଇଁ ମୁଣ୍ଡ ବିନ୍ଧାର କାରଣ ପାଲଟିଛି । ସାଇବର ଏକ୍ସପର୍ଟଙ୍କ ସହ ପୁଲିସ ଏବେ ତଦନ୍ତ ଆରମ୍ଭ କରି ଦେଇଥିବା ଜଣାପଡ଼ିଛି ।