ଟଙ୍କା ଉଠାଇବା ଛଡା ଏଟିଏମ୍ ଦ୍ୱାରା ଆଉ କେଉଁ କେଉଁ କାମ ସମ୍ଭବ? ଜାଣନ୍ତୁ...

କନକ ବ୍ୟୁରୋ : ଆଜିର ସମୟରେ ପ୍ରାୟ ସମସ୍ତେ ଏଟିଏମ୍ କାର୍ଡ ବ୍ୟବହାର କରୁଥିଲେ । କିନ୍ତୁ ଯଦି ଏଟିଏମ୍ ବ୍ୟବହାରକାରୀଙ୍କୁ ପଚରାଯାଏ, ଏଟିଏମ୍ କାର୍ଡକୁ ଟଙ୍କା ଉଠାଇବା ବ୍ୟତିତ ଆଉ କେଉଁ କେଉଁ କ୍ଷେତ୍ରରେ ବ୍ୟବହାର କରାପାରେ? ବୋଧ ହୁଏ ଅଧିକାଂଶ ଉପଭୋକ୍ତ ଏ ବାବଦରେ ଅବଗତ ନଥିବେ କି ଏଟିଏମରୁ ଟଙ୍କା ଉଠାଇବା ବ୍ୟତୀତ ଅନ୍ୟ ବ୍ୟାଙ୍କ କାର୍ଯ୍ୟ ମଧ୍ୟ କରାଯାଇପାରିଥାଏ । କେବଳ ବ୍ୟାଙ୍କିଙ୍ଗ୍ କାମ ନୁହେଁ ନନ୍ ବ୍ୟାଙ୍କିଙ୍ଗ୍ ଟ୍ରାଞ୍ଜାକ୍ସନବି ଏଟିଏମ୍ ଦ୍ୱାରା ସମ୍ଭବ ହୋଇଥାଏ । ଆସନ୍ତୁ ଜାଣିବା କେଉଁ କେଉଁ କାମରେ ଏଟିଏମର ବ୍ୟବହାର ହୋଇଥାଏ ।

ଏଟିମରୁ କରିପାରିବେ ଟଙ୍କା ଟ୍ରାନ୍ସଫର
ଯଦି ଆପଣଙ୍କ ପାଖରେ ଏଟିଏମ୍ କାର୍ଡ ରହିଛି ତେବେ ଏସବିଆଇ ଡେବିଟ୍ କାର୍ଡରୁ ଅନ୍ୟ ଡେବିଟ୍ କାର୍ଡକୁ ଟଙ୍କା ଟ୍ରାନ୍ସଫର କରାଯାଇପାରିବ । ଏଥିପାଇଁ ଆପଣଙ୍କୁ କୌଣସି ଚାର୍ଜ ଦେବାକୁ ପଡିନଥାଏ । ଏହା ବ୍ୟତିତ ଆପଣ ଗୋଟିଏ ଆକାଉଣ୍ଟରୁ ଅନ୍ୟ ଏକ ଆକାଉଣ୍ଟକୁ ଟଙ୍କା ଟ୍ରାନ୍ସଫର କରିବା ପାଇଁ ମଧ୍ୟ ଏହାର ବ୍ୟବହାର କରାଯାଇଥାଏ ।
ଏଟିଏମ୍ ଜରିଆରେ ଆପଣ କୌଣସି ବି ଭିସା କ୍ରେଡିଟ୍ କାର୍ଡର ବିଲକୁ ପୈଠ କରିପାରିବେ । ଏଟିଏମ୍ ସାହାଯ୍ୟରୋ ଯେକୌଣସି ଲାଇଫ୍ ଇଂସୁରାନ୍ସର ପ୍ରିମିୟନ୍ ବି ପୈଠ କରିପାରିବେ ।

ବ୍ୟାଙ୍କ୍ ନଯାଇ କରିପାରିବେ ଏହି କାମ
ଏଟିଏମ୍ ଜରିଆରେ ବ୍ୟାଙ୍କ୍ ନଯାଇବି ଆପଣ ଅନେକ କାମ କରିପାରିବେ । ଯେପରିକି, ଚେକ୍ ବୁକ୍ ପାଇଁ ଆପଣ ଅନୁରୋଧ କରିପାରିବେ । ଏଥିପାଇଁ ଆପଣଙ୍କୁ ସଠିକ୍ ଠିକଣା ଦେବାକୁ ପଡିଥାଏ । କାରଣ ଆପଣଙ୍କ ଠିକଣାକୁ ହିଁ ଆପଣଙ୍କ ଚେକ୍ ବୁକ୍ ଡେଲିଭରି କରାଯାଇଥାଏ । ଏହା ବ୍ୟତୀତ ବିଭିନ୍ନ ପ୍ରକାରର ବିଲ୍ ପୈଠ କରିବା ଏବଂ ମୋବାଇଲ୍ ବ୍ୟାଙ୍କିଙ୍ଗ୍ ପାଇଁ ରେଜିଷ୍ଟେସନ୍ ଏବଂ ପିନ୍ ଜେନେରେଟ୍ କରିବା ଭଳି କାମ ଏଟିଏମ୍ ଜରିଆରେ ହୋଇଥାଏ । ଏଟିଏମ୍ ଜରିଆରେ ଆପଣ ଆପଣଙ୍କ ବ୍ୟାଙ୍କର ମିନି ଷ୍ଟେଟମେଣ୍ଟ୍ ବି ବାହାର କରିପାରିବେ । ଏହା ବ୍ୟତିତ ଆପଣ ଆକାଉଣ୍ଟ୍ ବାଲାନ୍ସ ବି ଚେକ୍ କରିପାରିବେ