କନକ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରିଟେଲ ଡାଇରେକ୍ଟ ସ୍କିମ ଓ ଇଣ୍ଟିଗ୍ରେଟେଡ ଅମ୍ବୁଡସମ୍ୟାନ ସ୍କିମ ଲଂଚ କରିଛନ୍ତି । ଆରବିଆଇ ର ରିଟେଲ ଡାଇରେକ୍ଟ ସ୍କିମ ମାଧ୍ୟମରେ ସରକାରୀ ସିକୁୃ୍ୟରିଟିରେ ରିଟେଲ ଭାଗିଦାରୀ ବଢିବା ସହ ଇଣ୍ଟିଗ୍ରେଟେଡ ଅମ୍ବୁଡସମ୍ୟାନ ସ୍କିମ ମାଧ୍ୟମରେ ବ୍ୟାଙ୍କିଙ୍ଗ ଓ ଏଟିଏମକୁ ନେଇ ଆସୁଥିବା ଅଭିଯୋଗର ତୁରନ୍ତ ସମାଧାନ ହୋଇପାରିବ ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ କହିଛନ୍ତି କି ଆଜି ଯେଉଁ ଦୁଇଟି ଯୋଜନାର ଲଂଚ କରାଗଲା ସେଥିରେ ଦେଶର ନିବେଶ ମାତ୍ରା ବୃଦ୍ଧି ପାଇବ ଓ କ୍ୟାପିଟାଲ ମାର୍କେଟକୁ ଏକସେସ୍ କରିବା ନିବେଶକମାନଙ୍କ ପାଇଁ ସହଜ ହେବ । ଭାରତରେ ସବୁ ସରକାରୀ ସିକ୍ୟୁରିଟିଜରେ ସୁରକ୍ଷା ସୁନିଶ୍ଚିତ ହେଉଛି । ଏହାଦ୍ୱାରା ସ୍ୱଳ୍ପ ନିବେଶକାରୀଙ୍କ ନିବେଶ ଉପରେ ସୁରକ୍ଷା ଦୃଢ ହେବ ।
ଇଣ୍ଟିଗ୍ରେଟେଡ ଅମ୍ବୁଡସମ୍ୟାନ ସ୍କିମ ମାଧ୍ୟମରେ ବ୍ୟାଙ୍କିଙ୍ଗ ଓ ଏଟଏମ ନେଇ ଗ୍ରାହକମାନଙ୍କର ଥିବା ସମସ୍ୟା ତୁରନ୍ତ ସମାଧାନ କରାଯାଇ ପାରିବ । ଆରବିଆଇ ଦ୍ୱାରା ନିୟନ୍ତ୍ରିତ ୟୁନିଟ୍ ବିରୋଧରେ ଗ୍ରାହକଙ୍କ ଅଭିଯୋଗର ସମାଧାନ ପାଇଁ ଉନ୍ନତ ବ୍ୟବସ୍ଥା ପ୍ରଦାନ କରିବା ଏହାର ଉଦ୍ଦେଶ୍ୟ ହେବ । ଏହି ଯୋଜନା ‘ୱାନ୍ ନେସନ ୱାନ ଆମ୍ବୁଡସମ୍ୟାନ’ ଉପରେ ଆଧାରିତ । ଏଥିରେ ଗ୍ରାହକମାନଙ୍କ ଅଭିଯୋଗ କରିବା ପାଇଁ ଗୋଟିଏ ପୋର୍ଟାଲ , ଗୋଟିଏ ଇମେଲ ଓ ଗୋଟିଏ ଠିକଣା ଦିଆଯାଇଛି । ଅଭିଯୋଗକାରୀ ନିଜର ଅଭିଯୋଗ ଦାଖଲ କରିବା ଓ ଫିଡବ୍ୟାକ ଦେବାକୁ ଗୋଟିଏ ସ୍ଥାନ ମିଳିବ । ଏଥିରେ ଅଭିଯୋଗର ସମାଧାନ ଓ ଅଭିଯୋଗ ଦାଖଲ କରିବାରେ ସହାୟତା କରିବାକୁ ଅନେକ ଭାଷାରେ ଟୋଲଫ୍ରି ନମ୍ବର ଉପଲବ୍ଧ ହେବ ।