ଗାଁ ବିବାଦରୁ ଗଡ଼ିଲା ମୁଣ୍ଡ : ଗୋଷ୍ଠୀ ସଂଘର୍ଷରେ ୨ ମୃତ, ୧୦ରୁ ଅଧିକ ଗୁରୁତର; ଗୁରୁତରଙ୍କୁ ଏସସିବି ସ୍ଥାନାନ୍ତର
କନକ ବ୍ୟୁରୋ : ଗାଁ ବିବାଦରୁ ଗଡ଼ିଲା ମୁଣ୍ଡ । ଜମିବାଡ଼ି ବିବାଦକୁ ନେଇ ଗୋଷ୍ଠି ସଂଘର୍ଷ । ଆଠଗଡ଼ ବଡ଼ମ୍ବା ଥାନା ଅନ୍ତର୍ଗତ ଭଗବତପୁର ଏବଂ ବୁଢାପଙ୍କ ଗାଁରେ ବୋମାମାଡ଼ ଓ ଗୁଳିକାଣ୍ଡରେ ୨ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ରୁ ଅଧିକା ଲୋକ ଆହତ ହୋଇଛନ୍ତି । ଆହତଙ୍କୁ ପ୍ରଥମେ ମାଣିଆବନ୍ଧ ମେଡ଼ିକାଲ ପରେ କଟକ ମେଡ଼ିକାଲକୁ ସ୍ଥାନାନ୍ତର କରାଯାଇଛି । ଘଟଣା ସ୍ଥଳରେ ବଡ଼ମ୍ବା ପୋଲିସ ପହଂଚି ତଦନ୍ତ ଜୋରଦାର କରିଛି ।
Kanak News is now on WhatsApp
Join and get latest news updates delivered to you via WhatsApp
ଗାଁ ପାଖ ମୁଣ୍ଡିଆ ଜମିକୁ ନେଇ ଦୁଇ ଗାଁ ମଧ୍ୟରେ ଦୀର୍ଘ ଦିନ ହେଲା ବିବାଦ ଲାଗି ରହିଥିଲା । ଦୀର୍ଘ ଦିନ ଧରି ବିବାଦ ତୁଟିନଥିବା ବେଳେ ଦୁଇ ଗାଁ ମଧ୍ୟରେ ହୋଇଥିବା ଗୋଷ୍ଠି ସଂଘର୍ଷରେ ଆଜି ଦୁଇ ଜଣଙ୍କର ମୃତ୍ୟୁ ହୋଇଛି । ମୃତକ ଦୁଇ ଜଣ ହେଲେ ଭଗତପୁର ଗାଁ ଅଶ୍ୱିନୀ ପାଳ ଓ ପବିତ୍ର ଆରୁଖ । ଘଟଣା ସ୍ଥଳରେ ଉତେଜନା ଲାଗି ରହିଛି । ୬୫ ନମ୍ବର ଜାତୀୟ ରାଜପଥ ଅବରୋଧ କରି ମୃତଦେହ ରଖି ପ୍ରତିବାଦ କରିଛନ୍ତି ସ୍ଥାନୀୟ ଲୋକେ ।