ପାକିସ୍ତାନଠୁ ଅଧିକ ଧନୀ ହେଲା ଟାଟା ଗ୍ରୁପ୍ । ପାକିସ୍ଥାନର ଅର୍ଥବ୍ୟବସ୍ଥାକୁ ଟପିଲା ଟାଟା । ଜାଣନ୍ତୁ, ଟାଟାର ମୋଟ ସମ୍ପତ୍ତି କେତେ?
କନକ ବ୍ୟୁରୋ: ପାକିସ୍ତାନଠୁ ଅଧିକ ଧନୀ ଟାଟା ଗ୍ରୁପ୍ । ଭାରତର ପଡୋଶୀ ରାଷ୍ଟ୍ର ପାକିସ୍ତାନର ଅର୍ଥବ୍ୟବସ୍ଥାକୁ ଟପିଯାଇଛି ଭାରତର ଟାଟା ଗ୍ରୁପ୍ । ପାକିସ୍ତାନର ମୋଟ ଜିଡିପିର ପରିମାଣ କେବଳ ୩୪୧ ଆରବ ଡଲାର ହେଇଥିବାବେଳେ, ଟାଟା ଗ୍ରୁପର ମୋଟ୍ ଅର୍ଥରାଶିର ପରିମାଣ ଏବେ ୩୬୫ ଆରବ ଡଲାରରେ ପହଞ୍ଚିଛି । ଆଉ ପାକିସ୍ତାନଠୁ ଅଧିକ ଧନୀ ହେଇଛି ଟାଟା ଗ୍ରୁପ ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ, ଟାଟା ଗ୍ରୁପରେ ଥିବା ଟାଟା କନସଲଟାନ୍ସି ସର୍ଭିସ (ଟିସିଏସ୍)ର ବଜାର ମୂଲ୍ୟ କେବଳ ୧୭୦ ଆରବ ଡଲାରରେ ପହଞ୍ଚିଛି । ଯାହାକି ପାକିସ୍ତାନର ଅର୍ଥବ୍ୟବସ୍ଥାର ଅଧା ସହ ସମାନ । ତେବେ ଭାରତରେ ରିଲାଏନ୍ସ ପରେ ଏବେ ଏହା ଦ୍ୱିତୀୟ ବଡ କମ୍ପାନୀ ହେଇପାରିଛି ।
ଟାଇଟନ୍, ଟିସିଏସ୍ ଓ ଟାଟା ପାୱାର ଭଳି କମ୍ପାନୀରେ ଗତ ଗୋଟିଏ ବର୍ଷ ଭିତରେ ଅନେକ ଉନ୍ନତି ଦେଖିବାକୁ ମିଳିଛି । ଟାଟାର ୮ଟି କମ୍ପାନୀର ସମ୍ପତ୍ତି ଗତ ଗୋଟିଏ ବର୍ଷ ଭିତରେ ଦୁଇଗୁଣା ହେଇଛି । ଏହାସହ ଟିଆରଏଫ୍, ବନାରସ୍ ହୋଟେଲ, ଟାଟା ମୋଟର୍ସ, ଅଟୋ ମୋବାଇଲ କର୍ପୋରେସନ୍ ଅଫ୍ ଗୋଆ, ଟାଟା କ୍ୟାପିଟାଲ୍ସର ସମ୍ପତ୍ତି ମଧ୍ୟ ବଢିବାକୁ ଲାଗୁଛି । ତେବେ ଅନ୍ୟପଟେ କିନ୍ତୁ ପାକିସ୍ତାନ ଦିନକୁ ଦିନ ଦରିଦ୍ର ହେବାରେ ଲାଗିଛି ।