କନକ ବ୍ୟୁରୋ: ଅଦିନିଆ ଲଗାଣ ବର୍ଷାରେ ଚଳିତ ବର୍ଷ ଚାରିଆଡେ ବନ୍ୟା ବିତ୍ପାତ ଦେଖାଦେଇଥିବାବେଳେ କେରଳରେ ଏବେ ବର୍ଷା ଯୋଗୁଁ ପଡିଛି ହାହାକାର । ଅଦିନିଆ ଲଗାଣ ବର୍ଷା ସହ ଭୂସ୍ଖଳନ ଯୋଗୁଁ ଏଠାରେ ୨୬ ଜଣଙ୍କର ମୃତ୍ୟୁ ହୋଇଥିବା ସୂଚନା ରହିଛି । ଅତଡା ଖସିବା ଯୋଗୁଁ ଅନେକ ଘର ମାଟିରେ ମିଶିଯାଇଛି । ଆସନ୍ତା ଦୁଇ ଦିନ ବର୍ଷା ଓ ଭୂସ୍ଖଳନ ଯୋଗୁଁ କେରଳର ୧୨ଟି ଜିଲ୍ଲାରେ ଆଲର୍ଟ ଜାରି କରାଯାଇଛି । ଏହାସହ ଉତ୍ତରାଖଣ୍ଡରେ ମଧ୍ୟ ଆଗାମୀ ୨ ଦିନ ପାଇଁ ରେଡ୍ ଆଲର୍ଟ ଜାରି କରିଛି ପାଣିପାଗ ବିଭାଗ ।
Kanak News is now on WhatsApp
Join and get latest news updates delivered to you via WhatsApp
ଉତ୍ତର ଭାରତର ପାହାଡି ଇଲାକା ଗୁଡିକ ପାଇଁ ପ୍ରବଳ ବର୍ଷାର ଆଲର୍ଟ ଜାରି କରିଛି ଭାରତୀୟ ପାଣିପାଗ ବିଭାଗ । ଏହି ସମୟରେ ଏଠାରେ ଭୂସ୍ଖଳନ ହୋଇପାରେ ବୋଲି ମଧ୍ୟ ଚେତାବନୀ ଦିଆଯାଇଛି । ବର୍ଷା ଯୋଗୁଁ ଚାରି ଧାମର ଯାତ୍ରାକୁ ସ୍ଥଗିତ ରଖାଯାଇଛି । କୌଣସି ଆପାତକାଳୀନ ପରିସ୍ଥିତି ପାଇଁ ସ୍ଥାନୀୟ ପ୍ରଶାସନ ଓ ଏସଡିଆରଏଫକୁ ଆଲର୍ଟ କରାଯାଇଛି । । ଏହାସହ ରାଜଧାନୀ ଦିଲ୍ଲୀ, ଓଡିଶା, ଉତ୍ତରପ୍ରଦେଶ, ରାଜସ୍ଥାନ ଓ ହରିଆଣାରେ ମଧ୍ୟମ ଧରଣର ବର୍ଷା ଜାରି ରହିବ ବୋଲି ବିଭାଗ ପକ୍ଷରୁ କୁହଯାଇଛି ।