ଅର୍ଥତତ୍ତ୍ୱ ଚିଟଫଣ୍ଡ୍ ଠକେଇ ମାମଲା ! ପ୍ରଦୀପ ସେଠୀଙ୍କୁ ୭ ବର୍ଷ ଜେଲ୍
କନକ ବ୍ୟୁରୋ : ଅର୍ଥତତ୍ତ୍ୱ ଚିଟଫଣ୍ଡ ଠକେଇ ମାମଲାରେ ସଂସ୍ଥାର ମୁଖ୍ୟ ପ୍ରଦୀପ ସେଠୀଙ୍କ ସମେତ ୩ ଜଣଙ୍କୁ ୭ ବର୍ଷ ଜେଲ ଦଣ୍ଡାଦେଶ ହୋଇଛି । ଅନ୍ୟ ଦୁଇ ଜଣ ଅଭିଯୁକ୍ତ ହେଲେ ମନୋଜ ପଟ୍ଟନାୟକ ଓ ଶ୍ରୀକୃଷ୍ଣ ପାଢୀ । ଭୁବନେଶ୍ୱର ଜେଏମଏଫସି କୋର୍ଟ ଏହି ରାୟ ଶୁଣାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ସ୍ୱତନ୍ତ୍ର ସିବିଆଇ ଚିଫ୍ ଜୁଡିସିଆଲ ମାଜିଷ୍ଟ୍ରେଟ(ସିଜେଏମ୍) କୋର୍ଟ ଗତ ଏପ୍ରିଲ ୬ରେ ପ୍ରଦୀପ ସେଠୀଙ୍କୁ ୭ବର୍ଷ ଜେଲ ଦଣ୍ଡ ଶୁଣାଇଥିଲେ । ଏଥି ସହିତ କୋର୍ଟ ୩୦,୦୦୦ଟଙ୍କା ଜରିମାନା ଦେବା ପାଇଁ ରାୟ ଶୁଣାଇଥିଲେ । ସଂସ୍ଥାର ଅନ୍ୟତମ ନିର୍ଦ୍ଦେଶକ ମନୋଜ ପଟ୍ଟନାୟକ ଓ ଶ୍ରୀକୃଷ୍ଣ ପାଢ଼ୀଙ୍କୁ ମଧ୍ୟ ସିଜେଏମ୍ ଜେଲଦଣ୍ଡ ଶୁଣାଇଥିଲା । କୋର୍ଟ ୧୦ହଜାର ଟଙ୍କା ଲେଖାଏଁ ଜରିମାନା ଦେବାକୁ ଆଦେଶ ଦେଇଥିଲେ । ଏହା ବ୍ୟତୀତ କୋର୍ଟ ଏଟି ଗ୍ରୁପକୁ ୨୫୦ କୋଟି ଟଙ୍କା ଦାଖଲ କରିବାକୁ ନିର୍ଦ୍ଦେଶ ଦେଇଥିଲା।
ସୂଚନାଯୋଗ୍ୟ, ରାଜ୍ୟର ହଜାର ହଜାର ଜମାକାରୀଙ୍କୁ ବଡ ହେବାର ସ୍ୱପ୍ନ ଦେଖାଇ ଅର୍ଥତତ୍ତ୍ୱ ଚିଟଫଣ୍ଡ କମ୍ପାନି କୋଟି କୋଟି ଟଙ୍କା ଠକି ନେଇଛି ।