କନକ ବ୍ୟୁରୋ : ଅସ୍ତରଙ୍ଗ ବେଳାଭୂମି ଏବେ ଅସାମାଜିକ ଯୁବକଙ୍କ ଆଡ୍ଡାସ୍ଥଳୀ ପାଲଟିଛି। ଫଳରେ ପବିତ୍ର ପୀରଜାହାନିଆ ପୀଠ ଓ ବେଳାଭୂମିର ସୌନ୍ଦର୍ଯ୍ୟ ଉପଭୋଗ କରିବାକୁ ଆସୁଥିବା ପର୍ଯ୍ୟଟକ ଏବେ ବେଳାଭୂମି ଯିବାକୁ ଭୟ କରୁଛନ୍ତି। ସ୍ଥାନୀୟ ଅଞ୍ଚଳର କିଛି ଅସାମାଜିକ ଯୁବକ ସେଠାରେ ଦାଦାବଟି ମାଗିବାଠାରୁ ଆରମ୍ଭ କରି ବିଭିନ୍ନ ଅପରାଧିକ ଘଟଣା ଘଟାଇବା ସହ ଆତଙ୍କ ରାଜ ଚଳାଇଛନ୍ତି। ଏପରିକି ସେଠାକୁ ବୁଲିବାକୁ ଆସୁଥିବା ମହିଳା ଓ ଯୁବତୀମାନଙ୍କୁ କମେଣ୍ଟ୍ ମାରିବା ସହ ଅସଦାଚରଣ କରୁଥିବା ଅଭିଯୋଗ ହୋଇଛି। ସେହିପରି ଅନେକ ସମୟରେ ସମୁଦ୍ରକୁ ସ୍ନାନ କରିବା ଯାଉଥିବା ପର୍ଯ୍ୟଟକମାନଙ୍କ ବ୍ୟାଗ୍ରୁ ଟଙ୍କା ପଇସା, ମୋବାଇଲ୍ ଫୋନ୍ ଓ ଅନ୍ୟ ଦରକାରୀ ଜିନିଷ ଲୁଟ୍ କରାଯାଉଥିବା ଅଭିଯୋଗ ହେଉଛି ।
/kanak/media/post_attachments/wp-content/uploads/2019/05/maxresdefault.jpg)