କନକ ବ୍ୟୁରୋ : ୫ରାଜ୍ୟ ପାଇଁ ଘୋଷଣା ହୋଇଛି ବିଧାନସଭା ନିର୍ବାଚନ ତାରିଖ । ମୁଖ୍ୟ ନିର୍ବାଚନ କମିଶନ ସୋମବାର ତାରିଖ ଘୋଷଣା କରିବା ପରେ ଚଳଚଂଚଳ ହୋଇଛି ରାଜ୍ୟଠୁ ଜାତୀୟ ରାଜନୀତି । ପରମ ପ୍ରତିଦ୍ୱନ୍ଦୀ ବିଜେପି-କଂଗ୍ରେସ ମଧ୍ୟରେ ପୂର୍ବଥର ଅପେକ୍ଷା ଏଥରକ ଅଧିକ ଟକ୍କର ହେବା ବୋଲି କୁହାଯାଉଛି । ଯେଉଁ ରାଜ୍ୟରେ କଂଗ୍ରେସ ରହିଛି ସେଠି ବିଜେପି ଶାସନ ଦଖଲ କରିବାକୁ ଜୋରଦାର ପ୍ରୟାସ କରୁଛି । ସେପଟେ କଂଗ୍ରେସ ନିଜ ଶାସନ ଡୋରିକୁ ସୁରକ୍ଷିତ ରଖିବାକୁ ଜି ତୋଡ ମେହନତ ମଧ୍ୟ କରୁଛି । ୫ରାଜ୍ୟରେ ନିର୍ବାଚନୀ ତାରିଖ ଘୋଷଣା ପରେ ଏବିପି ନ୍ୟୁଜ ସି ଭୋଟର ପକ୍ଷରୁ ଓପନିୟନ ପୋଲ ପ୍ରକାଶ ପାଇଛି । ସର୍ଭେ ଅନୁସାରେ ମଧ୍ୟପ୍ରଦେଶରେ କଂଗ୍ରେସ ଓ ବିଜେପି ମଧ୍ୟରେ ହେବ କଡ଼ା ଟକ୍କର । ରାଜ୍ୟରେ କଂଗ୍ରେସ କ୍ଷମତା ହାସଲ କରିବାକୁ ଅଧିକ ସକ୍ଷମ ହେବ । ରାଜ୍ୟରେ କଂଗ୍ରେସକୁ ୧୧୩ରୁ ୧୨୫ ଆସନ ମିିଳିପାରେ । ବିଜେପିକୁ ୧୦୪ରୁ ୧୧୬ ଆସନ ମିଳିପାରେ । ସେହିପରି ଛତିଶଗଡ ମଧ୍ୟରେ କିଛି କମ ହବନି କଂଗ୍ରେସ ଓ ବିଜେପି ଟକ୍କର । କଂଗ୍ରେସକୁ ୪୫ ରୁ ୫୧ ଆସନ ମିଳିପାରେ । ସେହିପରି ବିଜେପିକୁ ୩୯ରୁ ୪୫ ଆସନ ମିଳିପାରେ
ନଜର ପକାଇବା ୨୦୧୮ ବିଧାନସଭା ନିର୍ବାଚନରେ କେଉଁ ରାଜ୍ୟରେ କ’ଣ ରହିଥିଲା ଫଳାଫଳ
୫ରାଜ୍ୟର ୨୦୧୮ ବିଧାନସଭା ଫଳାଫଳ
ରାଜ୍ୟ ମୋଟ ଆସନ କିଏ ଜିତିଥିଲେ କେତେ ଆସନ?
ରାଜସ୍ଥାନ ୧୯୯ କଂଗ୍ରେସ-୧୦୦, ବିଜେପି ୭୩, ଅନ୍ୟ ୨୬
ମଧ୍ୟପ୍ରଦେଶ ୨୩୦ କଂଗ୍ରେସ ୧୧୪, ବିଜେପି ୧୦୯, ଅନ୍ୟ ୭
ଛତିଶଗଡ଼ ୯୦ କଂଗ୍ରେସ ୬୮, ବିଜେପି ୧୫, ଅନ୍ୟ ୭
ତେଲେଙ୍ଗାନା ୧୧୯ ଟିଆରଏସ୍ ୮୮, କଂଗ୍ରେସ ୧୯,ଏଆଇଏମଆଇଏମ ୭, ବିଜେପି ୧, ଅନ୍ୟ ୪
ମିଜୋରାମ ୪୦ ଏମଏନଏଫ୍ ୨୭, କଂଗ୍ରେସ ୪, ବିଜେପି ୧, ଜେଜେପି ୮
୨୦୨୪ ଲୋକସଭା ନିର୍ବାଚନ ପୂର୍ବରୁ ଏହି ୫ରାଜ୍ୟର ବିଧାନସଭା ନିର୍ବାଚନକୁ ବେଶ ଗୁରୁତ୍ୱମନେ କରାଯାଉଛି । ଫାଇନାଲ ମ୍ୟାଚର ପୂର୍ବରୁ ୫ରାଜ୍ୟର ନିର୍ବାଚନ ହେବ ସେମିଫାଇନାଲ ଫଳାଫଳ । ବିଭିନ୍ନ ଓପିନୟନ ପୋଲ ଭିନ୍ନ ଭିନ୍ନ କଥା କହୁଛି । ଇଣ୍ଡିଆ ଟିଭି ସିଏନଏକ୍ସ ପକ୍ଷରୁ କରାଯାଇଥିବା ଜନମତ ସର୍ଭେରେ କୁହଯାଇଛି ଯଦି ବର୍ତମାନ ସାଧାରଣ ନିର୍ବାଚନ ହୁଏ ତେବେ ଏନଡିଏ ଏବଂ ଇଣ୍ଡିଆ ମଧ୍ୟରେ କଡା ଟକ୍କର ଦେଖିବାକୁ ମିଳିବ । ୧୮ ରାଜ୍ୟରେ ଦେଖିବାକୁ ମିଳିବ କଡ଼ା ଟକ୍କର ।