ବିଧାନସଭାରେ ଶୋକ ପ୍ରସ୍ତାବକୁ ନେଇ ରାଜନୀତି! କେଭି ସିଂହଦେଓ କହିଲେ, ଆଜିର ଶାସନ ଦେଖିଥିଲେ ପଶ୍ଚାତାପ କରିଥାନ୍ତେ ବାଜପେୟୀ, ବିଜେଡି ଓ କଂଗ୍ରେସ କଲେ ବିରୋଧ
କନକ ବ୍ୟୁରୋ : ମୌସୁମୀ ଅଧିବେଶନର ପ୍ରଥମ ଦିନରୁ ହିଁ ଆରମ୍ଭ ହୋଇଗଲା ବିବାଦ । ଆଜି ଅଧିବେଶନ ଆରମ୍ଭରେ ମୁଖ୍ୟମନ୍ତ୍ରୀ ଶୋକପ୍ରସ୍ତାବ ଆଗତ କରିଥିଲେ । ତେବେ ଏହି ଆଲୋଚନା ସମୟରେ ବିଜେପି ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ କହିଥିଲେ ବାଜପେୟୀ, ନବୀନଙ୍କୁ ନେତା ହେବାରେ ସହଯୋଗ କରିଥିଲେ ଏବଂ ଆଜି ଯଦି ବାଜପେୟୀ ଓଡିଶାର ଶାସନ ଦେଖିଥାଆନ୍ତେ, ତେବେ ପଶ୍ଚାତାପ କରିଥାନ୍ତେ । କେଭିଙ୍କ ଏହି ବୟାନକୁ ବିଜେଡି ତୀବ୍ର ବିରୋଧ କରିଥିଲା । ବିଜେଡି କହିଛି, ଶୋକପ୍ରସ୍ତାବ ଆଲୋଚନାରେ ଏଭଳି ରାଜନୀତି, ଗ୍ରହଣୀୟ ନୁହେଁ ।
Kanak News is now on WhatsApp
Join and get latest news updates delivered to you via WhatsApp
ବିଧାନସଭାର ମୌସୁମୀ ଅଧିବେଶର ପ୍ରଥମ ଦିନରେ ଶୋକ ପ୍ରସ୍ତାବ ନେଇ ଆଲୋଚନା ଆରମ୍ଭ ହେବା ପରେ ବିଜେପି ବିଧାୟକ ଦଳ ନେତାଙ୍କ ଏହି ବୟାନ, ଆରମ୍ଭରୁ ହିଁ ବିବାଦ ସୃଷ୍ଟି କରିଦେଲା । ଯଦି ବାଜପେୟୀ ଆଜି ଓଡିଶାର ଶାସନ ଦେଖି ଥାଆନ୍ତେ ତେବେ ନିଶ୍ଚୟ ପଶ୍ଚାତାପ କରିଥାଆନ୍ତେ । ବିଜେପି ବିଧାୟକ ଦଳ ନେତାଙ୍କ ଏହି ବୟାନକୁ ଗ୍ରହଣ କରିପାରୁନାହିଁ ବିଜେଡି । କାରଣ ଶୋକପ୍ରସ୍ତାବ ଆଲୋଚନା ବେଳେ ଏଭଳି ରାଜନୀତିର ଦୃଷ୍ଟାନ୍ତ ନାହିଁ ।
ସେପଟେ ଶୋକପ୍ରସ୍ତାବ ଆଗତ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଥିଲେ, ବାଜପେୟୀ ଜଣେ ଆଦର୍ଶବାଦୀ ନେତା ଥିଲେ । ଏବଂ ତାଙ୍କର ବିୟୋଗ ତାଙ୍କ ପାଇଁ ବ୍ୟକ୍ତିଗତ ଭାବେ ମଧ୍ୟ ଏକ ବଡ କ୍ଷତି । ଶୋକପ୍ରସ୍ତାବରେ କେଭିଙ୍କ ବୟାନକୁ ନେଇ ବିବାଦ ଆରମ୍ଭ ହେବା ପରେ ଏହାର ସ୍ପଷ୍ଟୀକରଣ ରଖି ବିଜେପି ବିଧାୟକ ଦଳ ନେତା କହିଥିଲେ, ସେ ତାଙ୍କ ମନର କଥା କହିଛନ୍ତି ।
ଆଜିଠାରୁ ଆରମ୍ଭ ହୋଇଥିବା ମୌସୁମୀ ଅଧିବେଶନରେ ଅନେକ ଗୁରୁତ୍ୱପୂର୍ଣ୍ଣ କାର୍ଯ୍ୟାବଳୀ ଥିବା ବେଳେ ପ୍ରଥମ ଦିନରୁ ହିଁ କନକ ବର୍ଦ୍ଧନଙ୍କ ବୟାନକୁ ନେଇ ବିବାଦ ଦେଖାଦେଇଛି । ତେବେ କନକ ବର୍ଦ୍ଧନଙ୍କ ମନ୍ତବ୍ୟକୁ ନେଇ ବିଜେପି କଣ ଆଭିମୁଖ୍ୟ ଗ୍ରହଣ କରୁଛି ତା ଉପରେ ସମସ୍ତଙ୍କ ନଜର ।