ବିଧାନସଭାରେ ତେଲ ତାତି । ତୈଳ ଦର ବୃଦ୍ଧିରେ କଂଗ୍ରେସ ଓ ଚାରା ଘୋଟାଲା ପ୍ରସଙ୍ଗକୁ ନେଇ ବିଜେପି ସଭ୍ୟଙ୍କ ହଟ୍ଟଗୋଳ, ଆସନ୍ତା କାଲି ଯାଏଁ ଗୃହ ମୁଲତବି ।
କନକ ବ୍ୟୁରୋ: ବିଧାନସଭାରେ ବି ପେଟ୍ରୋଲ ଓ ଡିଜେଲ୍ ତାତି । କଂଗ୍ରେସ ପକ୍ଷରୁ ଆଜି ଭାରତ ବନ୍ଦ ପାଳନ କରାଯାଉଥିବା ବେଳେ ଏହାର ପ୍ରଭାବ ବିଧାନସଭାରେ ମଧ୍ୟ ଦେଖିବାକୁ ମିଳିଛି । କଂଗ୍ରେସର କିଛି ବିଧାୟକ ତେଳ ଦରକୁ ପ୍ରସଙ୍ଗ କରି ରାଜ୍ୟ ବିଧାନସଭାରେ ହୋହାଲ୍ଲା କରୁଥିବା ଦେଖିବାକୁ ମିଳିଛି । କେନ୍ଦ୍ର ସରକାରଙ୍କ ବିରୋଧରେ ଦେଶବ୍ୟାପୀ ବନ୍ଦ ପାଳନ କରାଯାଉଛି । ତେଣୁ ବିଧାନସଭାରେ ବି ଏହାର ଝଲକ ପ୍ରତିସ୍ପୃଷ୍ଟ କରିବା ପାଇଁ ଉଦ୍ୟମ କରିଛନ୍ତି କଂଗ୍ରେସ ବିଧାୟକମାନେ । ଯେଉଁଥି ପାଇଁ ବାଚସ୍ପତି ପ୍ରଦୀପ ଅମାତ ଆସନ୍ତା କାଲି ଯାଏଁ ଗୃହ ମୁଲତବୀ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଗତ କିଛିଦିନ ହେବ ବିଜେଡି ବିଧାୟକ ଦାମ ରାଉତଙ୍କ ଅଭିଯୋଗ ଅନୁସାରେ ଚାରା ଘୋଟାଲାକୁ ପ୍ରସଙ୍ଗ କରିଛନ୍ତି ବିଜେପି ବିଧାୟକ । ଯାହାକୁ ନେଇ ବିଧାନସଭାରେ ହଟ୍ଟୋଗଳ କରିଛନ୍ତି ବିଜେପି ସଭ୍ୟଗଣ । ଦାମ ରାଉତଙ୍କ ଅଭିଯୋଗକୁ ସମର୍ଥନ ଜଣାଇ ବିଧାନସଭା ଗୃହରେ ରାଜ୍ୟ ସରକାରଙ୍କ ବିରୋଧୀ ନାରାବାଜି ଦେଇଥିବା ଜଣାପଡିଛି । ଏଭଳି ପରିସ୍ଥିତିରେ ମାନ୍ୟବର ବିଧାନସଭା ବାଚସ୍ପତି ମୁଲତବୀ ଘୋଷଣା କରିଛନ୍ତି ।