କନକ ବ୍ୟୁରୋ : ବନ୍ୟାରେ ଭାସୁଛି ଆସାମ । ଦୁଇ ଦିନର ଲଗାଣବର୍ଷାରେ ରାଜ୍ୟରେ ବନ୍ୟା ବିପତି ଆଣିଛି । ରାସ୍ତାଘାଟ ଘର ଦ୍ୱାରା ସବୁ କିଛି ବୁଡି ରହିଛି ବନ୍ୟା ପାଣିରେ । କେଉଁଠି ନଦୀରେ ବନ୍ୟା ପାଣି ଉଚ୍ଛୁଳୁଛି ତ ପୁଣି କେଉଁଠି ରାସ୍ତା ପାଲଟିଛି ନଦୀ । ଯୁଆଡେ ଦେଖିବ ସିଆଡେ କେବଳ ପାଣି ହିଁ ପାଣି । ଦେଶର ଅଧିକାଂଶ ସ୍ଥାନରେ ଭୀଷଣ ଗରମ ଅନୁଭୁତ ହେଉଥିବାବେଳେ ପୂର୍ବତର ରାଜ୍ୟ ଆସାମରେ ମୁସଳଧାରା ବର୍ଷା ଆଣିଛି ବନ୍ୟା । ବନ୍ୟାରେ ସବୁଠୁ ଅଧିକ ପ୍ରଭାବିତ ହୋଇଛି ଦିମା ହାସାଓ ଜିଲ୍ଲା । କେବଳ ଆସାମ ନୁହେଁ ମେଘାଳୟ, ଅରୁଣାଚଳପ୍ରଦେଶରେ ମଧ୍ୟ ଦୁଇ ଦିନର ଲଗାଣବର୍ଷା ସ୍ଥିତିକୁ ସଂଗୀନ କରିଛି ।
Kanak News is now on WhatsApp
Join and get latest news updates delivered to you via WhatsApp
ବନ୍ୟା ଯୋଗୁଁ ୫୭ହଜାର ଲୋକ ପ୍ରଭାବିତ ହେବା ସହ ୨୨୨ରୁ ଅଧିକ ଗାଁ ବନ୍ୟା ପାଣିରେ ବୁଡି ରହିଛି । ଚାଚର, ଧୀମାଜି, ହୋଜାଇ, କରଭି, ନାଓଗାଁ, ଓ କମରୂପ ଜିଲ୍ଲା ସବୁଠୁ ଅଧିକ ପ୍ରଭାବିତ ହୋଇଛି । ବନ୍ୟା ପାଣିରେ ବୁଡି ରହିଥିବା ଲୋକଙ୍କୁ ଉଦ୍ଧାର କରିବା ପାଇଁ ଆସାମକୁ ସ୍ଥଳସେନା ଓ ବାୟୁସେନାର ସ୍ୱତନ୍ତ୍ ଟିମ ପହଁଚିଛନ୍ତି ।
ଲଗାଣବର୍ଷା ଯୋଗୁଁ କିଛି ସ୍ଥାନରେ ଭୁସ୍କଳନ ହୋଇଥିବା ସୂଚନ ରହିଛି ।ଘଟଣାରେ ୩ଜଣଙ୍କ ମୃତ୍ୟୁ ହେବା ସହ ଏବେ ସୁଦ୍ଧା ୫ଜଣ ନିଖୋଜ ରହିଥିବା ସୂଚନା ରହିଛି । ବନ୍ୟା ଓ ଭୁସ୍କଳନ ଯୋଗୁଁ ବିଭିନ୍ନ ଟ୍ରେନ ଯାତାୟତକୁ ବନ୍ଦ ରଖାଯାଇଛି । ଟ୍ରେନଯାତ୍ରା ରଦ୍ଧ ହେବା ଯୋଗୁଁ ଫଶି ରହିଥିବା ଲୋକଙ୍କୁ ବାୟୁସେନାର ରେସ୍କ୍ୟୁ ଟିମ ଉଦ୍ଧାର କରି ସୁରକ୍ଷିତ ସ୍ଥାନକୁ ଆଣୁଛି ।