କନକ ବ୍ୟୁରୋ: ଏସିଆର ସବୁଠୁ ଧନୀ ବ୍ୟବସାୟୀ ମୁକେଶ ଅମ୍ବାନୀ କରୁଛନ୍ତି ମାନସ ମନ୍ଥନ । କିଏ ହେବ ପରବର୍ତ୍ତୀ ମାଲିକ? ନିଜ ସମ୍ପତ୍ତି ଭାଗବଣ୍ଟା ନେଇ ଫର୍ମୁଲା ଖୋଜୁଛନ୍ତି ମୁକେଶ ଅମ୍ବାନୀ । ଏନେଇ ନିଜ ଅଭିଜ୍ଞ ଅଧିକାରୀଙ୍କ ସହ ବିଚାର ବିମର୍ଶ କରିବା ବିଭିନ୍ନ ମଡେଲ ଉପରେ ଅନୁଧ୍ୟାନ କରୁଛନ୍ତିି ମୁକେଶ ।
Kanak News is now on WhatsApp
Join and get latest news updates delivered to you via WhatsApp
ମୁକେଶ ନିଜ ସମ୍ପତ୍ତିକୁ ବାଣ୍ଟିବାକୁ ନେଇ ଏପରି ଯୋଜନା କରୁଛନ୍ତି ଯାହା ଫଳରେ ଭବିଷ୍ୟତରେ ତାଙ୍କ ପୁଅ ଝିଅଙ୍କ ମଧ୍ୟରେ କୌଣସି ବିବାଦ ଦେଖାଦେବ ନାହିଁ । ଏହାର କାରଣ ହେଉଛି ସେ ନିଜେ ଏପରି ସମସ୍ୟା ଦେଇ ଗତି କରିସାରିଛନ୍ତି । ଏଥିପାଇଁ ସେ ଅତି ସତର୍କତାର ସହ ଅନ୍ୟ ବ୍ୟବସାୟିକ ପରିବାର ଗୁଡିକର ଉତ୍ତରାଧିକାରୀ ମଡେଲ ଉପରେ ଅନୁଧ୍ୟାନ କରୁଛନ୍ତି । ତେବେ ଏହା ମଧ୍ୟରେ ଏବେ ସମସ୍ତଙ୍କ ନଜର ଆଗାମୀ ଅମ୍ବାନୀଙ୍କ ଉପରେ ।
୬୪ ବର୍ଷିୟ ମୁକେଶଙ୍କର ଦୁଇ ପୁଅ ଓ ଗୋଟିଏ ଝିଅ ଅଛନ୍ତି । ମୁକେଶ ଏହି ୩ ସନ୍ତାନଙ୍କ ମଧ୍ୟରେ ନିଜର ୨୦୮ ବିଲିଅନ୍ ଡଲାର (୧୫,୪୭୫ ଲକ୍ଷ କୋଟିରୁ ଉଦ୍ଧ୍ୱର୍)ର ବ୍ୟବସାୟକୁ୩ ପୁଅ,ଝିଅଙ୍କ ମଧ୍ୟରେ ଭାଗ କରିବାକୁ ଚାହୁଁଛନ୍ତି । ଏଥିପାଇଁ ସେ ଦୀର୍ଘଦିନ ଧରି ମାନସମନ୍ଥନ କରୁଛନ୍ତି । ଏଥପାଇଁ ସେ ବିଶ୍ୱର ବଛାବଛା ବିଜନେସମ୍ୟାନଙ୍କ ସମ୍ପତ୍ତି ଭାଗବଣ୍ଟାକୁ ଅଧ୍ୟୟନ କରୁଛନ୍ତି । ଏଥିରେ ୱାଲଟନଙ୍କ ଠାରୁ ଆରମ୍ଭ କରି କୋଚ୍ ପରିବାର ସମ୍ପତ୍ତି ମଡେଲ ସାମିଲ ଅଛନ୍ତି ।
ତେବେ ବର୍ତ୍ତମାନ ଯାଏଁ କର୍ପୋରେଟ କ୍ଷେତ୍ରର ସବୁଠୁ ବଡ ପାରିବାରିକ ବିବାଦ ମୁକେଶ ଓ ତାଙ୍କ ସାନ ଭାଇ ଅନିଲ ଅମ୍ବାନୀଙ୍କ ମଧ୍ୟରେ ଘଟିଥିଲା । ଏହାର ମୁଖ୍ୟ କାରଣ ହେଲା ରିଲାଏନ୍ସ ଗ୍ରୁପ୍ ଅଫ୍ ଇଣ୍ଡଷ୍ଟିଜର ପ୍ରତିଷ୍ଠାତା ଧୀରୁଭାଇ ଅମ୍ବାନୀ ତାଙ୍କ ପରର ଉତ୍ତରାଧିକାରୀ ଯୋଜନା କରିନଥିଲେ । ୨୦୦୨ ପରେ ଧୀରୁଭାଇଙ୍କ ଦେହାନ୍ତ ପରେ ବିବାଦ ଯୋଗୁଁ ମୁକେଶ ଓ ଅନିଲଙ୍କ ମଧ୍ୟରେ ବିବାଦ ହୋଇ କମ୍ପାନି ଦୁଇ ଭାଗରେ ବିଭକ୍ତ ହୋଇଯାଇଥିଲା ।