ହାଇକୋର୍ଟରେ ସତ୍ୟପାଠ ଦାଖଲ କଲା ଏଏସଆଇ । ଜାଣନ୍ତୁ ପରିକ୍ରମା ପ୍ରକଳ୍ପକୁ ନେଇ ରିପୋର୍ଟରେ କଣ ଉଲ୍ଲେଖ କରିଛନ୍ତି ଏଏସଆଇ ।
କନକ ବ୍ୟୁରୋ : ଶ୍ରୀମନ୍ଦିର ପରିକ୍ରମା ପ୍ରକଳ୍ପ ମାମଲାରେ ହାଇକୋର୍ଟରେ ଶୁଣାଣି ହୋଇଛି । ମାମଲାରେ ଆଜି ହାଇକୋର୍ଟରେ ସତ୍ୟପାଠ ଦାଖଲ କରିଛି ଏଏସଆଇ । ହାଇକୋର୍ଟରେ ନିଜ ପକ୍ଷ ରଖି ଏଏସଆଇ କହିଛି, ପ୍ରୋହିବିଟେଡ୍ ଏରିଆ ଓ ରେଗୁଲେଟେଡ୍ ଏରିଆ ଦୁଇଟି ଭିନ୍ନ କଥା ।
Kanak News is now on WhatsApp
Join and get latest news updates delivered to you via WhatsApp
ପ୍ରୋହିବିଟେଡ୍ ଏରିଆରେ କୌଣସି ନିର୍ମାଣ କାମ ପାଇଁ ଏଏସଆଇ କି ଏନଏମଏ ପକ୍ଷରୁ ଅନୁମତି ଦେଇନଥିବା ସତ୍ୟପାଠରେ ଉଲ୍ଲେଖ ହୋଇଛି । ତେବେ ଏଏସଆଇ ପକ୍ଷରୁ ଦାଖଲ ହୋଇଥିବା ସତ୍ୟପାଠରେ ଅସନ୍ତୋଷ ବ୍ୟକ୍ତ କରିଛନ୍ତି ହାଇକୋର୍ଟ । ଉଭୟ ରାଜ୍ୟ ସରକାର ଓ ଏଏସଆଇ ମିଶି ନିର୍ମାଣ କାର୍ଯ୍ୟ କରୁଛନ୍ତି । ଏନେଇ ସତ୍ୟପାଠରେ ଉଲ୍ଲେଖ ରହିଛି । ତେବେ ଏହି ପ୍ରକଳ୍ପ ଫଳରେ କିଛି କ୍ଷତି ହୋଇଛି କି ନାହିଁ ସେ ବାବଦରେ ଜଣାଇବାକୁ ନିର୍ଦ୍ଦେଶ ଦେଇଛନ୍ତି ହାଇକୋର୍ଟ । ପରିକ୍ରମା ପ୍ରକଳ୍ପର ମୂଳ ଜନସ୍ୱାର୍ଥ ମାମଲା ଉପରେ ହୋଇଥିବା ମଧ୍ୟବର୍ତିକାଳୀନ ପିଟିସନର ହୋଇଛି ଶୁଣାଣି । ପରବର୍ତି ଶୁଣାଣି ଜୁନ ୨୨ରେ ହେବ ।
ପୂର୍ବରୁ ଆମସା ଆଇନ ଉଲ୍ଲଂଘନ କରି ଶ୍ରୀମନ୍ଦିର ଚାରିପାଖେ ବେଆଇନ ଖନନ ଓ ନିର୍ମାଣକୁ ବିରୋଧ କରି ହାଇକୋର୍ଟ ଯାଇଛନ୍ତି ସାମାଜିକ କର୍ମୀ ଦିଲୀପ ବରାଳ । ଗତ ମାସ ୨୧ ତାରିଖରେ କୋର୍ଟରେ ସେ ଏକ ଜନସ୍ୱାର୍ଥ ମାମଲା ରୁଜୁ କରିଥିଲେ । ଯାହାର ଶୁଣାଣି ଆସନ୍ତା ୧୬ ତାରିଖକୁ ଧାର୍ଯ୍ୟ କରାଯାଇଛି । କିନ୍ତୁ ଆବେଦନକାରୀ ଦିଲୀପ ବରାଳ ଶୁଣାଣି ପୂର୍ବରୁ ଶ୍ରୀମନ୍ଦିର ଚାରିପଟେ ଚାଲିଥିବା ଖନନ ଓ ନିର୍ମାଣ କାମ ସରିଯିବା ଆଶଙ୍କାରେ ମୂଳ ମାମଲା ଉପରେ ଏକ ମଧ୍ୟବର୍ତିକାଳୀନ ପିଟିସନ ଦାୟର କରିଛନ୍ତି ।