ପରିକ୍ରମା ପ୍ରକଳ୍ପକୁ ଅନୁମତି ଦେଇନାହିଁ ଏଏସଆଇ । ହାଇକୋର୍ଟରେ ଏଏସଆଇ ଦାଖଲ କରିଥିବା ସତ୍ୟପାଠରେ କଣ ରହିଛି ଉଲ୍ଲେଖ?
କନକ ବ୍ୟୁରୋ : ପୁରୀ ପରିକ୍ରମା ପ୍ରକଳ୍ପକୁ ନେଇ ବିବାଦ ଆହୁରି ବଢିଛି । ଆଜି ଆଞ୍ଚଳିକ ଏଏସଆଇ ଅର୍ଥାତ ପ୍ରତ୍ନତତ୍ୱ ବିଭାଗ ହାଇକୋର୍ଟରେ ଯେଉଁ ରିପୋର୍ଟ ଦେଇଛି ତାହା, ସମସ୍ତଙ୍କୁ ଚମକାଇ ଦେଇଛି । ଏହି ରିପୋର୍ଟରେ କୁହାଯାଇଛି, ପ୍ରତ୍ନତତ୍ୱ ବିଭାଗ ପକ୍ଷରୁ ମନ୍ଦିର ପାଖରେ ଖନନ ପାଇଁ ଆବଶ୍ୟକୀୟ ଅନୁମତି ଦିଆଯାଇନାହିଁ ।
Kanak News is now on WhatsApp
Join and get latest news updates delivered to you via WhatsApp
ଏହି ରିପୋର୍ଟରେ ଆହୁରି କୁହାଯାଇଛି, ନ୍ୟାସନାଲ ମନ୍ୟୁମେଣ୍ଟ ଅଥରିଟିକୁ ସରକାର ପୂର୍ବରୁ ଯେଉଁ ଡିଜାଇନ ଦେଇଥିଲେ ପରବର୍ତୀ ସମୟରେ ସେଥିରେ ପରିବର୍ତନ କରିଦେଇଛନ୍ତି । ବାରମ୍ବାର ଏଥିରେ ପରିବର୍ତନ କରାଯାଇଛି ବୋଲି ପ୍ରତ୍ନତତ୍ୱ ବିଭାଗ ହାଇକୋର୍ଟରେ ସତ୍ୟାପାଠ ଦାଖଲ କରି କହିଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ଖନନ ପାଇଁ ଐତିହ୍ୟସ୍ଥଳରେ ବଡଧରଣର କ୍ଷତି ପହଁଚିଥାଇପାରେ । ଅର୍ଥାତ ଶ୍ରୀନ୍ଦିରକୁ କ୍ଷତି ପହଁଚିଥାଇପାରେ ବୋଲି ପ୍ରତ୍ନତତ୍ୱ ବିଭାଗ ଏହି ସତ୍ୟପାଠରେ ସଂକେତ ଦେଇଛି ।
ପ୍ରୋହିବିଟେଡ୍ ଏରିଆରେ କୌଣସି ନିର୍ମାଣ କାମ ପାଇଁ ଏଏସଆଇ କି ଏନଏମଏ ପକ୍ଷରୁ ଅନୁମତି ଦେଇନଥିବା ସତ୍ୟପାଠରେ ଉଲ୍ଲେଖ ହୋଇଛି । ତେବେ ଏଏସଆଇ ପକ୍ଷରୁ ଦାଖଲ ହୋଇଥିବା ସତ୍ୟପାଠରେ ଅସନ୍ତୋଷ ବ୍ୟକ୍ତ କରିଛନ୍ତି ହାଇକୋର୍ଟ ।