ଧର୍ମ ଆଗରେ ଜିତିଲା ମାନବିକତା ! ଗର୍ଭବତୀ ମହିଳା ସାବିତ୍ରୀଙ୍କ ଜୀବନ ବଚାଂଇବାକୁ ଯାଇ ରୋଜା ଭାଙ୍ଗିଲେ ମୁସଲମାନ୍ ଯୁବକ ।

ଭାଇଚାରାର ଦେଶ ଭାବେ ବିଶ୍ୱକୁ ଉଦାହରଣ ଦେଉଥିବା ଦେଶ ହେଉଛି ଭାରତ । ଯେଉଁଠାରେ ଇଦ୍ ହେଉ କି ଦଶହରା କିମ୍ବା ବଡଦିନ ସବୁ ବର୍ଗର ଲୋକେ ଖୁବ୍ ଉଲ୍ଲାସରେ ପର୍ବପର୍ବାଣୀକୁ ମାନିଥାନ୍ତି । ବର୍ତ୍ତମାନ ରମଜାନ୍ ର ପବିତ୍ର ମାସ ଚାଲିଛି । ମୁସଲମାନ୍ ଭାଇଭଉଣୀମାନେ ୩୦ ଦିନ ଧରି ରୋଜା ପାଳନ କରି ଅଲ୍ଲାଙ୍କୁ ପୂଜିଥାନ୍ତି । ରୋଜା ରଖିବାର ଅର୍ଥ କେବଳ ଉପବାସରେ ରହିବା ନୁହେଁ ଏହି ପବିତ୍ର ମାସରେ କରିଥିବା ପବିତ୍ର କର୍ମ ଲୋକଙ୍କୁ ଅଲ୍ଲାଙ୍କ ନିକଟତର କରାଇଥାଏ । ଯେଉଁ ଲୋକମାନେ ଏଭଳି କର୍ମ କରନ୍ତି ତାଙ୍କ ରୋଜା ସମ୍ପୁର୍ଣ୍ଣ ହୁଏ ବୋଲି ଧାରଣା ରହିଛି ।

ତେବେ ନିକଟରେ ରାଜସ୍ଥାନରେ ରହୁଥିବା ଜଣେ ମୁସଲମାନ୍ ଯୁବକଙ୍କୁ ରୋଜା ଭାଙ୍ଗିବାକୁ ପଡିଥିଲା । ଯାହାର କାରଣ ସେ ଜଣେ ଗର୍ଭବତୀ ମହିଳାଙ୍କ ଜୀବନ ବଂଚାଇବା ପାଇଁ ରୋଜା ଭାଙ୍ଗିଥିଲେ । ଅଶରଫ୍ ଖାନ୍ ନାମକ ଏହି ବ୍ୟକ୍ତି ସାବିତ୍ରୀ ଦେବୀ ନାମ୍ନୀ ଜଣେ ଗର୍ଭବତୀ ମହିଳାଙ୍କ ଜୀବନ ବଚାଂଇବାକୁ ଯାଇ ଏଭଳି ମହତ୍ କାମ କରିଥିଲେ । ଆପତ୍ତକାଳୀନ ସମୟରେ ମହିଳାଙ୍କୁ ଯେତେବେଳେ ରକ୍ତର ଆବଶ୍ୟକତା ପଡିଲା ଡାକ୍ତରଖାନାରେ ରକ୍ତର ଅଭାବ ହେତୁ ଘରଲୋକ ସୋସିଆଲ୍ ମିଡିଆରେ ରକ୍ତ ଆବଶ୍ୟକତାର ମେସେଜ୍ ପଠାଇଥିଲେ । ଯାହାକୁ ଦେଖି ଅଶରଫ୍ ଘରଲୋକଙ୍କୁ ଫୋନ୍ ଯୋଗେ ରୋଜା ଥିବା କଥା କହି ରୋଜା ଶେଷ ହେବା ପରେ ରକ୍ତ ଦେବା କଥା କହିଥିଲେ । କିନ୍ତୁ ଗର୍ଭବତୀଙ୍କ ଅବସ୍ଥା ସଂକଟାପର୍ଣ୍ଣ ଥିବାରୁ ସେ ତୁରନ୍ତ ଡେରି ନ କରି ଡାକ୍ତରଖାନାରେ ପହଚିଂ ମହିଳାଙ୍କୁ ରକ୍ତଦାନ କରିଥିଲେ ।