କନକ ବ୍ୟୁରୋ : ପଞ୍ଚାୟତ ନିର୍ବାଚନ ପୂର୍ବରୁ ଚାଲିଛି ଦଳ ବଦଳ ରାଜନୀତି । ପୂର୍ବତନ ମନ୍ତ୍ରୀ ଅଂଜଳି ବେହେରା ବିଜେପିରେ ଯୋଗ ଦେବାର ସପ୍ତାହଟେ ନ ବିତୁଣୁ ତାଙ୍କ ସାନ ଭାଇ ଅଶୋକ ନାୟକ ବିଜେପି ଛାଡି ବିଜେଡିରେ ଯୋଗ ଦେଇଛନ୍ତି । ଅଶୋକ ବିଜେଡିର ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ବାସଭବନରେ ଢେଙ୍କାନାଳ ଜିଲ୍ଲାର ପୂର୍ବତନ ପର୍ଯ୍ୟବେକ୍ଷକ ବିଜୟ ନାୟକଙ୍କ ଉପସ୍ଥିତି ନିଜ ସମର୍ଥକଙ୍କ ସହ ବିଦ୍ଧିବଦ୍ଧ ଭାବେ ବିଜେଡିରେ ଯୋଗ ଦେଇଛନ୍ତି । ଏହି ଅବସରରେ ହିନ୍ଦୋଳ ବ୍ଲକ ସଭାପତି ବରୁଣ ସ୍ୱର, ହିନ୍ଦୋଳ ଏନଏସି ସଭାପତି ଗୋବିନ୍ଦ ବେହେରା ଉପସ୍ଥିତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
ଦଳ ବିରୋଧୀ କାର୍ଯ୍ୟ ପାଇଁ ବିଜେଡିରୁ ବହିସ୍କୃତ ହୋଇଥିବା ଅଞ୍ଜଳୀ ବେହେରା କେନ୍ଦ୍ରମନ୍ତ୍ରୀ ଧମେନ୍ଦ୍ର ପ୍ରଧାନଙ୍କ ଉପସ୍ଥିତିରେ ଗତ ୧୮ ତାରିଖରେ ବିଜେପିରେ ଯୋଗ ଦେଇଥିଲେ । କିନ୍ତୂୁ ଏହି ମିଶ୍ରଣ ପର୍ବରେ ସେ ତାଙ୍କ ସାନ ଭାଇ ଅଶୋକଙ୍କୁ ଡାକି ନ ଥିଲେ । ଦଳରେ କୋଣଠେସା ହେବା ଆଶଙ୍କା କରି ଅଶୋକ ବିଜେପିରୁ ଇସ୍ତଫା ଦେବା ସହ ବିଜେଡିରେ ଯୋଗ ଦେଇଛନ୍ତି । ଅଶୋକ ୨୦୧୯ ବିଧାନସଭା ନିର୍ବାଚନରେ ବିଜେପି ଟିକେଟରୁ ପ୍ରାର୍ଥୀ ହେବା ସହ ୭୦ ହଜାର ଭୋଟ ହାତେଇବାରେ ସକ୍ଷମ ହୋଇଥିଲେ । ତେବେ ଗତ ୧୮ ତାରିଖ ମିଶ୍ରଣ ପର୍ବ ପାଇଁ ସେ ବିଜେପି ଛାଡିଥିବା ଅଶୋକ ତାଙ୍କ ଇସ୍ତଫା ପତ୍ରରେ ଉଲ୍ଲେଖ କରିଛନ୍ତି ।