କନକ ବ୍ୟୁରୋ: ବାରାଣସୀର ଜ୍ଞାନବାପୀ ମସଜିଦ ସର୍ଭେର ଶେଷ ଦିନରେ ହିନ୍ଦୁ ସପକ୍ଷବାଦୀଙ୍କ ପକ୍ଷରୁ ମସଜିଦ ପରିସର କୂଅରୁ ଶିବଲିଙ୍ଗ ମିଳିଥିବା ଦାବି କରିଛନ୍ତି ସପକ୍ଷବାଦୀ ନେତା ଓ ଓକିଲ । ଏହାସହ ଯେଉଁଠାରୁ ଶିବଲିଙ୍ଗ ମିଳିଛି ସେହି ସ୍ଥାନକୁ ତୁରନ୍ତ ସିଲ କରିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ । ଆଜି ଏହି ମାମଲା ସୁପ୍ରିମକୋର୍ଟରେ ଶୁଣାଣି ହେବାକୁ ଥିବାବେଳେ ଏହାକୁ ଖଣ୍ଡନ କରିଛନ୍ତି ଇଓଗଓଗ ମୁଖ୍ୟ ଅସଦୁଦ୍ଦିନ ଓୱେସି ।
Kanak News is now on WhatsApp
Join and get latest news updates delivered to you via WhatsApp
ତେବେ ଜ୍ଞାନବାପୀ ମସଜିଦର ସର୍ଭେ ବିରୋଧରେ ମୁସଲିମ ସମୁଦାୟ ପକ୍ଷରୁ କରାଯାଇଥିବା ଆବେଦନ ଉପରେ ମଧ୍ୟ ଆଜି ସୁପ୍ରିମକୋଟରେ ଣୁଣାରି ହେବ ବୋଲି ସୂଚନା ରହିଛି । ଏହା ମଧ୍ୟରେ ଓୱେସି କିନ୍ତୁ ମସଜିଦ ପରିସରରୁ ଶିବଲିଙ୍ଗ ମିଳିବା ପ୍ରସଙ୍ଗକୁ ବିରୋଧ କରିବାକୁ ଯାଇ ମୋଦୀ ସରକାରଙ୍କୁ ଟାର୍ଗେଟ କରିଛନ୍ତି । ସେ ଟୁଇଟ୍ କରି କହିଛନ୍ତି ଯେ, ଯଦି ଇତିହାସ କଥା କୁହାଯାଉଛି, ତେବେ ବେକାରୀ, ମହଙ୍ଗାମାଡ ଆଦି ପାଇଁ ଔରଙ୍ଗଦେବ ଦାୟୀ, ପ୍ରଧାନମନ୍ତ୍ରୀ ମୋଦୀ ନୁହଁନ୍ତି ।
ଆଉ ଏକ ଟ୍ୱିଟରେ ଓୱେସି ଜ୍ଞ।।ନବାପୀ ମସଜିଦରେ ଥିବା ଶିବଲିଙ୍ଗକୁ ନେଇ ପ୍ରଶ୍ନ ଉଠାଇଛନ୍ତି । ସେ କହିଛନ୍ତି ଯେ, ଏହା ଶିବଲିଙ୍ଗ ନୁହେଁ ବରଂ ଫୱାରା,ଯାହା ଅଧିକାଂଶ ମସଜିଦରେ ଥାଏ । ଯଦି ଶିବଲିଙ୍ଗ ମଳିଲା ତେବେ କୋର୍ଟ କମିଶନର ଏହା କହିଲେ ନାହିଁ । ଏହାକୁ ଏଯାଏଁ ଖୋଦ୍ ସର୍ଭେ ଦାୟିତ୍ୱରେ ଥିବା କମିଶନର ପ୍ରକାଶ କରିନାହାଁନ୍ତି । ବରଂ ସପକ୍ଷବାଦୀ ଓକିଲ ଓ ନେତା କହିଛନ୍ତି । ତେଣୁ ଏହାକୁ ବିଶ୍ୱାସ କରାଯିବା ଉଚିତ ନୁହେଁ ।