ଉତ୍ତର ପ୍ରଦେଶ ଉପ ନିର୍ବାଚନରେ ଓୱେସୀ- ପଲ୍ଲବୀ ମେଣ୍ଟ । ଜାଣନ୍ତୁ କଂଗ୍ରେସ ଓ ସମାଜବାଦୀ ମେଣ୍ଟ ର ସ୍ଥିତି
କନକ ବ୍ୟୁରୋ : ଚଳିତ ଲୋକସଭା ନିର୍ବାଚନରେ କଂଗ୍ରେସ ଓ ସମାଜବାଦୀ ପାର୍ଟି ମେଣ୍ଟ ଉତର ପ୍ରଦେଶରେ ବିଜେପିକୁ ପଛରେ ପକାଇଦେଇଛି । ଏବେ ପୁଣି ଉତ୍ତର ପ୍ରଦେଶର ୧୦ ଟି ବିଧାନସଭା କ୍ଷେତ୍ରରେ ଉପ ନିର୍ବାଚନ ହେବାକୁ ଯାଉଛି । ଏନେଇ ତାରିଖ ଘୋଷଣା ହୋଇନଥିଲେ ବି ମେଣ୍ଟ ରାଜନୀତି ଜୋର ଧରିଲାଣି । ବିଜେପି ପୁଣିଥରେ ଏନଡିଏ ମେଣ୍ଟରେ ନିର୍ବାଚନ ଲଢିବାକୁ ଯାଉଛି । ସେପଟେ ଓୱେସୀଙ୍କ ପାର୍ଟି ଏଆଇଏମଆଇଏମ ଓ ପଲ୍ଲବୀ ପଟେଲଙ୍କ ଅପନା ଦଳ(କମେରାବାଦୀ) ମିଳିତ ଭାବେ ନିର୍ବାଚନ ଲଢିବାକୁ ସଂକେତ ଦେଇଛନ୍ତି । ଏହି ମେଣ୍ଟ ୧୦ ଟି ଯାକ ବିଧାନସଭା କ୍ଷେତ୍ରରେ ନିର୍ବାଚନ ଲଢିବ ବୋଲି ଘୋଷଣା କରିଛି ।
Kanak News is now on WhatsApp
Join and get latest news updates delivered to you via WhatsApp
କେବଳ ଏହି ମେଣ୍ଟ ନୁହେଁ ପ୍ରଥମଥର ସାଂସଦ ଭାବେ ନିର୍ବାଚିତ ହୋଇଥିବା ଭୀମା ଆର୍ମୀ ପାର୍ଟିର ମୁଖ୍ୟ ଚନ୍ଦ୍ରଶେଖର ଆଜାଦ ମଧ୍ୟ ବଡ ଘୋଷଣା କରିଛନ୍ତି । ସେ କହିଛନ୍ତି କି, କାହା ସହ ମେଣ୍ଟ ନକରି ଦଳ ୧୦ ଟି ଯାକ ବିଧାନସଭା କ୍ଷେତ୍ରରେ ନିର୍ବାଚନ ଲଢିବ । ଚନ୍ଦ୍ରଶେଖରଙ୍କ ଏଭଳି ଘୋଷଣା ପରେ ବହୁଜନସମାଜବାଦୀ ପାର୍ଟି ଭିତରେ ଭାଳେଣି ପଡିଛି ।
ସେପଟେ କଂଗ୍ରେସ ଓ ସମାଜବାଦୀ ପାର୍ଟି ମେଣ୍ଟ ଏହି ୧୦ ଟି ଯାକ ବିଧାନସଭା କ୍ଷେତ୍ରରେ ପ୍ରାର୍ଥୀ ଦେବେ । ହେଲେ କିଏ କେତେ ଆସନ ଓ କେଉଁ ଆସନରୁ କିଏ ପ୍ରାର୍ଥୀ ଦେବ ତାହା ନିର୍ଣ୍ଣୟ ହୋଇନାହିଁ ।