ସଂକ୍ରମଣ ବଢ଼ିବା ପରେ ଚେତା ପଶିଲା : ଶ୍ରୀମନ୍ଦିରରେ ଆଜିଠୁ ପୁଣି ଯାଞ୍ଚ କଡ଼ାକଡ଼ି; ପଜିଟିଭ୍ ଥାଇ ସେବାୟତ ଧରାପଡ଼ିଲେ ହେବେ ଗିରଫ
କନକ ବ୍ୟୁରୋ : ଶ୍ରୀମନ୍ଦିରରେ ସେବାୟତ ସଂକ୍ରମଣ ସଂଖ୍ୟା ବଢିବା ପରେ ଆକ୍ସନରେ ଶ୍ରୀମନ୍ଦିର ପ୍ରଶାସନ । ଏଥିପାଇଁ ଶ୍ରୀମନ୍ଦିରରେ ଆଜିଠୁ ପୁଣି ଯାଂଚ କଡାକଡି ହୋଇଛି । ଶ୍ରୀମନ୍ଦିରରେ ବର୍ତମାନସୁଦ୍ଧା କରୋନା ସଂକ୍ରମିତ ସେବାୟତଙ୍କ ସଂଖ୍ୟା ୪ ଶହ ଡେଇଁଲାଣି । ୫୩ ଜଣ ଶ୍ରୀମନ୍ଦିର କର୍ମଚାରୀ ସଂକ୍ରମିତ ହୋଇସାରିଲେଣି । ଦିନକୁ ଦିନ ସଂକ୍ରମଣ ବଢୁଥିବାରୁ ପ୍ରଶାସନର ଚିନ୍ତା ବଢିଯାଇଛି । ଏଥିଲାଗି ଯାଂଚ ବ୍ୟବସ୍ଥାକୁ କଡାକଡି କରାଯାଇଛି । ଥର୍ମାଲ ସ୍କିନିଂ, ସାନିଟାଇଜର ଆଦିର ବ୍ୟବସ୍ଥା ସହ ଯାଂଚ ଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ଏହା ସହ ପାନ , ଗୁଟଖା ଉପରେ କଡା ନଜର ରଖିବାକୁ କୁହାଯାଇଛି । ଯେଉଁମାନେ କରୋନା ସଂକ୍ରମିତ ହୋଇଛନ୍ତି, ତାର ଏକ ତାଲିକା ମନ୍ଦିର କମାଣ୍ଡରଙ୍କୁ ଦିଆଯାଇଛି । ମନ୍ଦିର କମାଣ୍ଡର ସେହି ଅନୁସାରେ ସମସ୍ତଙ୍କ ଉପରେ ନଜର ରଖିବେ । କେହି କରୋନା ସଂକ୍ରମିତ ଥାଇ ଯଦି ମନ୍ଦିର ଭିତରେ ପ୍ରବେଶ କରିନ୍ତି ବା ପ୍ରବେଶ କରିବାକୁ ଉଦ୍ୟମ କରନ୍ତି ତେବେ ତାଙ୍କୁ ମହାମାରୀ ଆଇନରେ ଗିରଫ ବି କରାଯିବ । ଶ୍ରୀମନ୍ଦିର ଭିତରେ ସାମାଜିକ ଦୂରତା ନିୟମକୁ କଡକାଡି କରାଯାଇଛି ।