କନକ ବ୍ୟୁରୋ : ବଲିଉଡ ଅଭିନେତା ଶାହାରୁଖ ଖାନଙ୍କ ପୁଅ ଆରୟନ ଖାନଙ୍କୁ ଶେଷରେ ଜାମିନ ମିଳିଛି । ମୁମ୍ବାଇ ହାଇକୋର୍ଟ ଆଜି ଏହି ମାମଲାର ଶୁଣାଣି କରି ଆରୟନଙ୍କୁ ଜାମିନ ପ୍ରଦାନ କରିଛନ୍ତି । ଆରୟନଙ୍କ ଜାମିନ ଆବେଦନ ଉପରେ ଦୁଇଦିନ ହେବ କୋର୍ଟରେ ଶୁଣାଣି ଚାଲିଥିଲା । ହେଲେ ଉଭୟ ଓକିଲଙ୍କ ଯୁକ୍ତି ଶେଷ ହୋଇପାରୁ ନଥିବାରୁ ବାରମ୍ବାର ଶୁଣାଣି ସମୟ ଘୁଂଚାଇବାକୁ କୋର୍ଟ ବାଧ୍ୟ ହେଉଥିଲେ । ହେଲେ ଆଜି ୨.୩୦ ମିନିଟରେ ପୁଣି ଶୁଣାଣି ନେଇ କୋର୍ଟରେ ଜବାବ୍ ସୁଆଲ ଆରମ୍ଭ ହୋଇଥିଲା । ଶେଷରେ କୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି । ଆସନ୍ତାକାଲି ସେ ଜେଲରୁ ମୁକୁଳିବେ ବୋଲି ଅନୁମାନ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏଏସଜି ଅନିଲ ସିଂଙ୍କ ଦଲିଲ ଉପରେ ଜବାବ ଦେଇ ଆରୟନ ଖାନଙ୍କ ଓକିଲ ମୁକୁଲ ରୋହତଗୀ କୋର୍ଟକୁ କହିଥିଲେ କି କ୍ରୁଜରେ ଆରୟନ ଓ ଅରବାଜ ଏକାସାଥିରେ ଥିଲେ କିନ୍ତ ଆରୟନଙ୍କୁ ଜଣାନଥିଲା କି ଆରବାଜଙ୍କ ପାଖରେ ଡ୍ରଗ୍ସ ରହିଛି । ଆରୟନ ଖାନ କୌଣସି ଷଡଯନ୍ତ୍ରରେ ସାମିଲ ନଥିବା କଥା ତାଙ୍କ ଓକିଲ କୋର୍ଟରେ ସୁଆଲ ରଖିଥିଲେ । ଏହା ପୂର୍ବରୁ ଏହି ମାମଲାରେ ମୁମ୍ବାଇ ଏନଡିପିଏସ କୋର୍ଟ ୨ ଜଣଙ୍କୁ ଜାମିନ ଦେଇଥିବାରୁ ସେହି ଆଧାରରେ ଆରୟନଙ୍କୁ ଜାମିନ ମିଳୁ ବୋଲି ମକୁଲ କୋର୍ଟଙ୍କ ନିକଟରେ ଦାବି କରିଥିଲେ ।