କନକ ବ୍ୟୁରୋ: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ ଜେଜ୍ରିୱାଲ ଏବଂ ଉପରାଜ୍ୟପାଳ ବିନୟ ସକସେନାଙ୍କ ମଧ୍ୟରେ ବିବାଦ ବଢିବାରେ ଲାଗିଛି । ପ୍ରସଙ୍ଗ ଭିନ୍ନ ରହିଥିବା ବେଳେ, ଜଣଙ୍କ ଉପରେ ଅନ୍ୟ ଜଣେ ଆରୋପ ପ୍ରତ୍ୟାରୋପର ପ୍ରକ୍ରିୟା ଜାରି ରହିଛି । ବର୍ତ୍ତମାନ ଅରବିନ୍ଦ, ଉପରାଜ୍ୟପାଳଙ୍କୁ ନେଇ କହିଛନ୍ତି ସେ ତାଙ୍କୁ ଗାଳି କରୁଛନ୍ତି । ତାଙ୍କୁ ବର୍ତ୍ତମାନ ଟିକେ ଶାନ୍ତ ରହିବାର ଆବଶ୍ୟକତା ରହିଛି ।
LG साहिब रोज़ मुझे जितना डाँटते हैं, उतना तो मेरी पत्नी भी मुझे नहीं डाँटतीं।
पिछले छः महीनों में LG साहिब ने मुझे जितने लव लेटर लिखे हैं, उतने पूरी ज़िंदगी में मेरी पत्नी ने मुझे नहीं लिखे।
LG साहिब, थोड़ा chill करो। और अपने सुपर बॉस को भी बोलो, थोड़ा chill करें।
— Arvind Kejriwal (@ArvindKejriwal) October 6, 2022
ଅରବିନ୍ଦ ନିଜର ଟ୍ୱିଟରେ ଲେଖିଛନ୍ତି, ଏଲଜି ସାହେବ ମୋତେ ପ୍ରତ୍ୟେକ ଦିନ ଗାଳି କରୁଛନ୍ତି । ସେ ଯେତିକି ଗାଳି କରୁଛନ୍ତି ମୋ ସ୍ତ୍ରୀ ମଧ୍ୟ ମୋତେ ସେହି ପରିମାଣର ଗାଳି କରୁନଥିବେ । ଗତ ୬ ମାସ ମଧ୍ୟରେ ଉପରାଜ୍ୟପାଳ ଯେତିକି ଚିଠି ଲେଖିଛନ୍ତି, ସାରା ଜୀବନରେ ମୋର ପତ୍ନୀ ମୋତେ ସେତିକି ପତ୍ର ଲେଖିନଥିବେ । ବର୍ତ୍ତମାନ ଏଲଜି ସାହେବକୁ ଟିକେ ଶାନ୍ତିରେ ରହିବା ଦରକାର । ନିଜର ସୁପର ବସଙ୍କୁ ମଧ୍ୟ ଟିକେ କୁହନ୍ତୁ ଶାନ୍ତିରେ ବସିବେ । ଅରବିନ୍ଦ ନାଁ ନନେଇ ଉପରାଜ୍ୟପାଳଙ୍କ ସହ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରିଛନ୍ତି । ସେ ଲଗାତର ଅଭିଯୋଗ କରିଆସୁଛନ୍ତି ଯେ ପ୍ରଧାନମନ୍ତ୍ରୀଙ୍କ ଇସାରାରେ ଉପରାଜ୍ୟପାଳ ବିନୟ ସକସେନା ଆପ ସରକାର ବିରୋଧରେ କାମ କରୁଛନ୍ତି ।
ଏହାର ଜବାବରେ ବିଜେପି ପ୍ରତିକ୍ରିୟା ରଖିଛି । ମୋନଜ ତିୱାରୀ କହିଛନ୍ତି ଏହା ପିଲାଳିଆମୀ । ଏଭଳି କରି ଆପଣ ଦର୍ଶାଉଛନ୍ତି ଆପଣଙ୍କର ମାନସିକସ୍ତର କଣ । ୭ ବର୍ଷରେ ଗୋଟିଏ ହେଲେ ବିଭାଗ ଠିକରେ ଚାଲିଛି ନା କୌଣସି ଫାଇଲରେ ଦସ୍ତଖତ କରିଛନ୍ତି । ନିଜର ରୁଚି ଅନୁସାରେ କାମ କରିଚାଲିଛନ୍ତି ।