ଆସନ୍ତା କାଲି ୧୨ଟା ବେଳେ ବିଜେପି ମୁଖ୍ୟାଳୟ ଯିବୁ, ପ୍ରଧାନମନ୍ତ୍ରୀ ଯାହାକୁ ଜେଲ ପଠାଇବା କଥା ପଠେଇ ଦେବେ : ଅରବିନ୍ଦ କେଜ୍ରିୱାଲ
କନକ ବ୍ୟୁରୋ : ସ୍ୱାତୀ ମାଲିୱାଲ ମାମଲାରେ ବିଜେପି ନେତା କେଜ୍ରିୱାଲଙ୍କୁ ଘେରିବା ପରେ ଆକ୍ସନମୋଡକୁ ଆସିଛନ୍ତି ଅରବିନ୍ଦ କେଜ୍ରିୱାଲ । ଏକ ସାମ୍ବାଦିକ ସମ୍ମିଳନୀ କରି କହିଛନ୍ତି କି, ଆମ୍ ଆଦମୀ ପାର୍ଟିର ସମସ୍ତ, ସାଂସଦ, ବିଧାୟକ ଓ କର୍ମୀ ଆସନ୍ତା କାଲି ବିଜେପି ମୁଖ୍ୟାଳୟ ଯିବୁ । ପ୍ରଧାନମନ୍ତ୍ରୀ ମୋଦୀ ଆମମାନଙ୍କ ଭିତରୁ କାହାକୁ ଜେଲ ପଠାଇବା କଥା ସେଇଠୁ ପଠାଇ ଦିଅନ୍ତୁ ।
ସମ୍ବାଦିକ ସମ୍ମିଳନୀରେ କେଜ୍ରିୱାଲ କହିଛନ୍ତି କି, ବିଜେପି ଶିକ୍ଷା, ସ୍ୱାସ୍ଥ୍ୟର ବିରୋଧୀ । ଦିଲ୍ଲୀରେ ହୋଇଥିବା ବିଶ୍ୱସ୍ତରୀୟ ସ୍କୁଲ, ମୋହଲା କ୍ଲିନିକ ନିର୍ମାଣ କରିବା ଆମର ଦୋଷ ବୋଲି ବିଜେପି ଚିନ୍ତା କରିଛି । ମାଗଣା ବିଜୁଳି ବିଜେପି ସରକାର ଥିବା କୌଣସି ରାଜ୍ୟରେ ଦିଆଯାଉନାହିଁ । ଏସବୁ ଯୋଜନା ଆମେ କରି ଲୋକଙ୍କୁ ସହାୟତା କରୁଥିବାରୁ ବିଜେପି ଆମ ଉପରେ ପ୍ରତିଶୋଧ ନେଉଛି । ଏଣୁ ଜଣ ଜଣ କରି କୋର୍ଟ କଚେରୀ ଦୌଡିବା ପରିବର୍ତ୍ତେ ଆମେ ସମସ୍ତେ ଆସନ୍ତା କାଲି ଦିନ ୧୨ ଟା ବେଳେ ବିଜେପି ମୁଖ୍ୟାଳୟରେ ପହଂଚିବୁ । ସେଠାରୁ ପ୍ରଧାନମନ୍ତ୍ରୀ ମୋଦୀ ଆମ ମଧ୍ୟରୁ ଯାହାକୁ ଜେଲ ପଠାଇବା କଥା ପଠାଇ ପାରନ୍ତି ।
Kanak News is now on WhatsApp
Join and get latest news updates delivered to you via WhatsApp
ଆମ୍ ଆଦମୀ ପାର୍ଟି ସମର୍ଥନରେ ରାଜ୍ୟସଭାକୁ ନିର୍ବାଚିତ ହୋଇଥିବା ସ୍ୱାତୀ ମାଲିୱାଲ ମୁଖ୍ୟମନ୍ତ୍ରୀ କେଜ୍ରିୱାଲଙ୍କ ବ୍ୟକ୍ତିଗତ ସଚିବ ବୈଭବ କୁମାରଙ୍କ ଉପରେ ମାଡପିଟ ଅଭିଯୋଗ ଆଣିବା ପରେ ଏହାକୁ ନେଇ ବିଜେପି ନେତାମାନେ କେଜ୍ରିୱାଲଙ୍କୁ ଟାର୍ଗେଟ୍ କରିଛନ୍ତି ।