ପ୍ରଦୂଷଣକୁ ଅସ୍ତ୍ର କରି ଚୀନର ନୂଆ ଚାଲ ! ଅଚାନକ କଳା ପାଲଟିଗଲା ଆରୁଣାଚଳ ପ୍ରଦେଶର ସିୟାଙ୍ଗ ନଦୀର ଜଳ
କନକ ବ୍ୟୁରୋ : ଅରୁଣାଚଳ ପ୍ରଦେଶରେ ପାନୀୟ ଜଳ ଯୋଗାଣର ମୁଖ୍ୟ ସ୍ରୋତ ସିୟାଙ୍ଗ ନଦୀ ଅଚାନକ କଳା ପାଲଟିଯାଇଛି । ଏହି ନଦୀର ଜଳ ଭୟଙ୍କର ପ୍ରଦୂଷଣ ହୋଇଥିବାରୁ ଏହାକୁ ବ୍ୟବହାର ନ କରିବାକୁ ଜନସାଧାରଣଙ୍କୁ ସତର୍କ କରାଇ ଦେଇଛି ସିୟାଙ୍ଗ ଜିଲ୍ଲା ପ୍ରଶାସନ । ବିଶେଷଜ୍ଞମାନେ ପାଣିର ନମୁନା ଯାଂଚ କରି କହିଛନ୍ତି ପାଣି ସାଂଘାତିକ ବର୍ଜ୍ୟବସ୍ତ ସବୁ ମିଶି ରହିଛି । ଚୀନ ଜାଣିଶୁଣି ସିୟାଙ୍ଗର ଜଳକୁ ଦୂଷିତ କରି ନୂଆ ଚାଲ ଖେଳୁଥିବା ଭାରତ କହିଛି । ସିୟାଙ୍ଗ ନଦୀରେ ପ୍ରଦୂଷଣର ମାତ୍ରା ଏତେ ଅଧିକ ଯେ ନଦୀରେ ମାଛ ଗୁଡିକ ମରିଯାଉଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ବ୍ରହ୍ମପୁର ନଦୀର ମୁଖ୍ୟ ଶାଖାନଦୀ ହେଉଛି ସିୟାଙ୍ଗ୍ ଏବଂ ଏହା ତିବ୍ଦତର ଦକ୍ଷିଣାଞ୍ଚଳ ଦେଇ ୧୬୦୦ କିମି ବ୍ୟାପୀ ପ୍ରବାହିତ ହେଉଛି । ବିଶେଷଜ୍ଞମାନେ ପାଣିର ନମୁନା ଯାଞ୍ଚ ପରେ କହିଛନ୍ତି ଯେ ପାଣିରେ ସାଂଘାତିକ ଭାବେ ରାସାୟନିକ ବର୍ଜ୍ୟବସ୍ତୁ, ସିମେଣ୍ଟ ଓ କୋଇଲାଗୁଣ୍ଡ ମିଶିଛି। ଏହି ବିଷାକ୍ତ ପାଣି ଯୋଗୁଁ ନଦୀର ମାଛସବୁ ମରିଯାଉଛନ୍ତି। ସିୟାଙ୍ଗ ନଦୀ ଜଳକୁ ବ୍ୟବହାର ଅନୁପଯୋଗୀ ଘୋଷଣା କରାଯିବା ପରେ ଏବେ ପାନୀୟଜଳ ଯୋଗାଣରେ ଗୁରୁତର ସଙ୍କଟ ସୃଷ୍ଟି ହୋଇଛି । ଦୁଇ ମାସ ତଳେ ନଦୀ ଜଳ ଗୋଳିଆ ହେବାପରେ ଲୋକେ ଭାବିଥିଲେ ଲଗାଣ ବର୍ଷା ଯୋଗୁଁ ମାଟି ଧୋଇ ହୋଇ ଏଭଳି ସ୍ଥିତି ଉପୁଜିଛି । କିନ୍ତୁ ବର୍ଷା ବନ୍ଦ ହେବାପରେ ମଧ୍ୟ ନଦୀ ଜଳର ସ୍ଥିତିରେ ପରିବର୍ତ୍ତନ ହୋଇନଥିଲା ଏବଂ ଏହା ଦିନକୁ ଦିନ ଅତି ମାତ୍ରାରେ ଖରାପ ହୋଇଚାଲିଥିଲା । ନଭେମ୍ବର ମାସରୁ ଫେବ୍ରୁଆରି ମାସ ପର୍ଯ୍ୟନ୍ତ ଏହି ନଦୀ ଜଳ ସଂପୂର୍ଣ୍ଣ ସଫା ରହିଥାଏ । କିନ୍ତୁ ବର୍ତ୍ତମାନର ସ୍ଥିତି ଲୋକଙ୍କ ପାଇଁ ବେଶ୍ ପୀଡ଼ାଦାୟକ ହୋଇଛି। ଚୀନ୍ରୁ ଏହି ନଦୀ ପ୍ରବାହିତ ହେଉଥିବା ବେଳେ ଏହାର ତଟରେ ଚୀନ୍ ସିମେଣ୍ଟ ଓ ଅନ୍ୟ କେତେକ ରାସାୟନିକ ପ୍ରକଳ୍ପ କାମ ଚଳାଇଥିବାରୁ ଏଭଳି ସ୍ଥିତି ଉପୁଜିଛି । ଚୀନ୍ ଏହି ନଦୀର ତିବ୍ଦତ ଅଂଶକୁ ସିନଜିୟାଙ୍ଗ୍ ପ୍ରଦେଶକୁ ମୋଡ଼ିବାକୁ ଚାହୁଛି ଏବଂ ଏଥିପାଇଁ ପରିବେଶ ପ୍ରତି ଭୃକ୍ଷେପ ନକରି କେତେକ ବିପଜ୍ଜନକ ପଦକ୍ଷେପ ନେଇଛି ।
ନଦୀର ଗତିପଥ ବଦଳାଇବା ପାଇଁ ଚୀନ୍ ୧୦୦୦ କିଲୋମିଟର ଲମ୍ବ ଏକ ସୁଡ଼ଙ୍ଗ ନିର୍ମାଣ କାମ ଚଳାଇଛି । ଏ ବାବଦରେ ଭାରତର ପ୍ରତିବାଦ ପରେ ଚୀନ୍ ଏହାକୁ ଅସ୍ୱୀକାର କରିଆସୁଛି । ଚଳିତ ବର୍ଷ ଚୀନ୍ ବ୍ରହ୍ମପୁତ୍ର ନଦୀର ଜଳ ସ୍ଥିତି ସଂପର୍କରେ ଆଗୁଆ ସୂଚନା ଭାରତକୁ ଦେଇନଥିବାରୁ ବଡ଼ ଧରଣର ବନ୍ୟା ପରିସ୍ଥିତିକୁ ସାମ୍ନା କରିବାକୁ ପଡ଼ିଥିଲା । ଏବେ ସିୟାଙ୍ଗ୍ ନଦୀ ଜଳକୁ ସାଂଘାତିକ ପ୍ରଦୂଷିତ କରି ଚୀନ୍ ତା’ର ଭାରତ ବିରୋଧୀ ମାନସିକତାକୁ ଜାହିର କରୁଛି ବୋଲି ଆଲୋଚନା ହେଉଛି। ଡୋକଲାମ ବିବାଦ ଯୋଗୁଁ ଚୀନ୍ ବ୍ରହ୍ମପୁତ୍ର ନଦୀ ଜଳର ସ୍ଥିତି ଭାରତକୁ ଜଣାଇନଥିଲା ବୋଲି କୁହାଯାଉଛି । ଏବେ ସିୟାଙ୍ଗ୍ ନଦୀ ଜଳକୁ ବ୍ୟବହାର ଅନୁପଯୋଗୀ କରି ଚୀନ୍ ନୂଆ ଚାଲ୍ ଖେଳୁଛି ।