କନକ ବ୍ୟୁରୋ : ଏବେ ଶେଷ ହେବନି ଧୋନିଙ୍କ କ୍ରିକେଟ କ୍ୟାରିୟର । ଆଉ କିଛି ବର୍ଷ କ୍ରିକେଟ ଖେଳିପାରନ୍ତି ଧୋନି । ଖୁବଶୀଘ୍ର ଧୋନି କ୍ରିକେଟରୁ ଅବସର ନେଇପାରନ୍ତି ବୋଲି ଚର୍ଚ୍ଚା ହେଉଥିବା ବେଳେ ଏଥିରେ ପୂର୍ଣ୍ଣଚ୍ଛେଦ ପକାଇଛନ୍ତି ଧୋନିଙ୍କ ମ୍ୟାନେଜର ଅରୁଣ ପାଣ୍ଡେ ।
Kanak News is now on WhatsApp
Join and get latest news updates delivered to you via WhatsApp
ଧୋନିଙ୍କ ମ୍ୟାନେଜର ଅରୁଣ ପାଣ୍ଡେ କହିଛନ୍ତି, ଏବେ କ୍ରିକେଟରୁ ଅବସର ନେବା ନେଇ ଧୋନି ସେଭଳି କୌଣସି ନିଷ୍ପତି ନେଇନାହାନ୍ତି । ଆଉ ଅରୁଣଙ୍କ ଏହି ବୟାନ ଧୋନୀ ଫ୍ୟାନଙ୍କୁ ବେଶ ଖୁସି କରିଛି । କାରଣ ବିଶ୍ୱକପରେ ଧୋନିଙ୍କ ଧୀମା ପ୍ରଦର୍ଶନ ନେଇ ପ୍ରଶ୍ନ ଉଠାଇଥିଲେ କିଛି ପୂର୍ବତନ କ୍ରିକେଟର । ଏପରିକି ଧୋନି ଅବସର ନେଇଯିବା ଆବଶ୍ୟକ ବୋଲି କିଛି କ୍ରିକେଟର ମତ ରଖିଥିଲେ ।
ଏସବୁ ଭିତରେ ୱେଷ୍ଟଇଣ୍ଡିଜ ସିରିଜ ପାଇଁ ଟିମ୍ ଘୋଷଣା ପୂର୍ବରୁ ଧୋନି କ୍ରିକେଟରୁ ଅବସର ନେଇପାରନ୍ତି ବୋଲି ଚର୍ଚ୍ଚା ଜୋର ଧରିଥିଲା । ୱେଷ୍ଟଇଣ୍ଡିଜ ବିପକ୍ଷ ସିରିଜରେ ଧୋନିଙ୍କୁ ଟିମରେ ସାମିଲ କରାଯିବ ନାହିଁ ବୋଲି ଜାତୀୟ ଗଣମାଧ୍ୟମରେ ଚର୍ଚ୍ଚା ହେଉଥିଲା । କିନ୍ତୁ ଏଭଳି ଚର୍ଚ୍ଚା ମଧ୍ୟରେ ଅରୁଣଙ୍କ ବୟାନ ଧୋନି ଫ୍ୟାନଙ୍କ ପାଇଁ ଖୁସି ଖବର ଆଣି ଦେଇଛି ।