ପଥପ୍ରାନ୍ତ ନାଟକ ପାଇଁ କଳାକାରଙ୍କୁ ଅନୁମତି ଦେବାକୁ ଦାବି: ରାଜଧାନୀରେ ଅଭିନବ ପ୍ରତିବାଦ କଲେ କଳାକାର; ରବୀନ୍ଦ୍ର ମଣ୍ଡପରୁ ସଙ୍ଗୀତ ମହାବିଦ୍ୟାଳୟ ଯାଏଁ ଶାନ୍ତିପୂର୍ଣ୍ଣ ପ୍ରତିବାଦ

କନକ ବ୍ୟୁରୋ: କରୋନା କାଳରେ ସରକାର ଆମ ପେଟ କଥା ବୁଝନ୍ତୁ । ଆମେ କେମିତି ଚଳିବୁ । ଆମ ପରିବାର କେମିତି ପୋଷା ହେବ । ଏହାକୁ ନେଇ ରାଜଧାନୀରେ କଳାକାରଙ୍କ ଅଭିନବ ପ୍ରତିବାଦ । ନିଜର ଜୀବିକା ବଂଚାଇବାକୁ ରାଜରାସ୍ତାକୁ ଓହ୍ଲାଇଛନ୍ତି ପଥପ୍ରାନ୍ତ କଳାକାର ସଂଘ । କରୋନା କଟକଣା ପାଇଁ ବନ୍ଦ ଥିବା ମଂଚ ସ୍ତରୀୟ ନାଟକକୁ ସରକାରୀ ସ୍ତରରେ ଖୋଲିବାକୁ ସ୍ୱିକୃତି ଦେବାକୁ ଦାବି କଲେ କଳାକାର ।

କରୋନା ପାଇଁ ୮ ମାସ ହେବ ବନ୍ଦ ପଡ଼ିଛି ମଂଚ ସ୍ତରୀୟ ନାଟକ କାର୍ଯ୍ୟକ୍ରମ । ତେଣୁ ଏବେ ଏହାକୁ ଖୋଲିବାକୁ ଅନୁମତି ଦେବାକୁ କଳାକାର ମାନେ ଆଜି ସରକାରଙ୍କୁ ଅନୁରୋଧ କରିଛନ୍ତି । ରବୀନ୍ଦ୍ର ମଣ୍ଡପ ଠାରୁ ସଙ୍ଗୀତ ମହାବିଦ୍ୟାଳୟ ଯାଏଁ ରାସ୍ତା କଡରେ ବିଭିନ୍ନ ବେଶ ଭୂଷାରେ କଳାକାର ମାନେ ନିଆରା ପ୍ରତିବାଦ କରି ସରକାରଙ୍କୁ ନିଜ ଗୁହାରି ଜଣାଇଛନ୍ତି ।