ଅନଲାଇନ ବେଟିଂ ଆପ ମାମଲାରେ ଫସିଗଲେ କଳାକାର: ଇଡି ରାଡାରରେ ବଲିଉଡ କଳାକାର

କନକ ବ୍ୟୁରୋ: ବଲିଉଡରେ ଇଡି ଆତଙ୍କ । ମହାଦେବ ଅନଲାଇନ ବେଟିଂ ଆପ୍ ମାମଲାରେ  ସାମ୍ନାକୁ ଆସୁଛି ଜଣଙ୍କ ପରେ ଜଣେ ବଲିଉଡ କଳାକାରଙ୍କ ନାଁ । ଦୁଇ ଦିନ ପୂର୍ବରୁ ଅଭିନେତା ରଣବୀର କପୁରଙ୍କୁ ଜେରା ପାଇଁ ସମନ ମିଳିଥିବାବେଳେ ଏବେ ରାଡ଼ାକୁ ଆସିଛନ୍ତି କମେଡି କଳାକାର କପିଲ ଶର୍ମା, ଅଭିନେତ୍ରୀ ଶ୍ରଦ୍ଧା କପୁର ଓ ହୁମା କୁରେସୀ ।  ବେଆଇନ ମହାଦେବ ଅନଲାଇନ ବେଟିଂ ଆପ୍ରେ କଳାକାରଙ୍କ ଭୂମିକା କଣ ସେ ନେଇ ଖୋଳତାଡ଼ କରୁଛି ଇଡି । ଠକେଇରେ ଏମାନଙ୍କର ସମ୍ପୃକ୍ତି ରହିଛି କି ନେଇ ସେ ନେଇ ଅଧିକ ତଦନ୍ତ କରୁଛି ପ୍ରବର୍ତନ ନିର୍ଦ୍ଦେଶାଳୟ । ଏହି ମହାଦେବ ବେଟିଂ ଆପ୍ ବେଆଇନ ଭାବେ ସଟ୍ଟା ବଜାର ସହ ଜଡ଼ିତ । ସøରଭ ନିଜ ସହଯୋଗୀ ରବି ଉପ୍ପଲଙ୍କ ସହ ମିଶି ମହାଦେବ ବେଟିଂ ଆପ ଖୋଲିଥିଲେ । ନିକଟରେ ଦୁବାଇ ବେଶ ବଡ ଆକାରରେ ବିବାହ କରିଥଲେ ସୌରଭ ଚନ୍ଦ୍ରାକର । ଉଭୟ ସୌରଭ ଓ ରବି ଛତିଶଗଡର । ଜୁସ ଦୋକାନ କରିଥିଲେ ସୌରଭ ଓ ଟାୟାର ଦୋକାନ କରି ଗୁଜୁରାଣ ମେଂଟାଉଥିଲେ ରବି । ଦୁବାଇ ଯାଇ ଜଣେ ଶିଖ ଓ ପାକିସ୍ତାନୀଙ୍କୁ ଭେଟିଥିଲେ । ସେମାନଙ୍କ ସହ ମିଶି ଖୋଲିଥିଲେ ମହାଦେବ ଅନଲାଇନ ଗେମିଂ ଓ ବେଟିଂ ଆପସ ।

ନଜର ପକାନ୍ତୁ କେମିତି ଠକେଇ ହୋଇଥିଲା 

– ଗତ ବର୍ଷ ଫେବୃଆରୀରେ ଦୁବାଇର ସୌରଭଙ୍କ ବିବାହ ଉତ୍ସବ ଅନୁଷ୍ଠିତ ହୋଇଥିଲା

– ଏହି ବିବାହ ଉତ୍ସବ ପାଇଁ ୨୫୦ କୋଟି ଟଙ୍କା ଖର୍ଚ୍ଚ ହୋଇଥିଲା

– ଏହି କାର୍ଯ୍ୟକ୍ରମରେ ୧୭ ବଲିଉଡ କଳାକାର ଯୋଗଦେଇଥିଲେ

– ସମସ୍ତେ ନେଇଥିଲେ ମୋଟା ଅଙ୍କର ପାରିଶ୍ରମିକ

– କିଛି କଳାକାର ଆପସ ପାଇଁ ପ୍ରମୋସନ ମଧ୍ୟ କରିଥିଲେ 

– ସୌରଭ ନିଜ ସହଯୋଗୀ ରବି ଉପ୍ପଲଙ୍କ ସହ ମିଶି ମହାଦେବ ବେଟିଂ ଆପ ଖୋଲିଥିଲେ

– ଅନଲାଇନରେ କ୍ରିକେଟ, ଫୁଟବଲ, ଟେନିସ୍, ବ୍ୟାଡମିଂଟନ, କାର୍ଡ ଗେମ୍ସ ଆଦି ଖେଳ ଖେଳି ରୋଜଗାର କରିବାକୁ ପ୍ରଲୋଭିତ କରୁଥିଲେ 

– ଅନଲାଇନ ବେଟିଂରେ ସଂସ୍ଥା ଦିନକୁ ୨୦୦ କୋଟିରୁ ଅଧିକ ଆୟ କରୁଥିଲା

– ମୋଟ ୫୦୦୦ କୋଟି ଠକେଇ ହୋଇଥିବା ସନ୍ଦେହ 

– ଭାରତ, ଶ୍ରୀଲଙ୍କା, ନେପାଳ, ପାକିସ୍ତାନ ରହିଛି ନେଟୱର୍କ

ଅନଲାଇନ ବେଟିଂ ଆପ୍  ଯାଂଚ ମାମଲାରେ ସେପ୍ଟେମ୍ବର ୧୫ତାରିଖରେ ରାୟପୁର, ଭୋପାଲ, ମୁମ୍ବାଇ ଓ କୋଲକାତାର ୩୯ଟି ସ୍ଥାନରେ ଚଢ଼ାଉ କରିଥିଲା ଇଡି । ଏବଂ ଜୁଆଡ଼ିଙ୍କ ଠିକଣାରୁ ୪୧୭ କୋଟି ଟଙ୍କାର ସମ୍ପତି ଜବତ କରାଯାଇଥିଲା । ଏହି ଆପ୍ ଜରିଆରେ ୫ହଜାର କୋଟି ଟଙ୍କାର ଠକେଇ ହୋଇଥିବା ସନ୍ଦେହ ରହିଛି । ମାଷ୍ଟରମାଇଣ୍ଡଙ୍କ ନାଁରେ ଲୁକଆଉଟ ନୋଟିସ ଜାରି ହୋଇସାରିଛି ।