ଅନୁଷ୍କା ଶର୍ମା ଗର୍ଭବତୀ ହୋଇଥିବା ନେଇ ଟୁଇଟ କରି ଖୁସି ଖବର ଦେଲେ ବିରାଟ । ଆସନ୍ତା ଜାନୁୟାରୀରେ ନୂଆ ଅତିଥୀଙ୍କୁ ସ୍ୱାଗତ କରିବେ ପରିବାର ।
କନକ ବ୍ୟୁରୋ : ବାପା ହେବେ ବିରାଟ । ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି ନିଜ ଫେସବୁକ ଏବଂ ଟ୍ୱିଟର ପେଜରେ ପତ୍ନୀ ଅନୁଷ୍କାଙ୍କ ସହ ଏକ ଫଟୋ ସେୟାର କରିଛନ୍ତି । ଯେଉଁଥିରେ କ୍ୟାପସନରେ ସେ ଲେଖିଛନ୍ତି ଜାନୁଆରୀ ୨୦୨୧ ବେଳକୁ ସେମାନେ ପିତାମାତା ହେବାକୁ ଯାଉଛନ୍ତି । ଏହି ଫଟୋରେ ଉଭୟ ଅତ୍ୟନ୍ତ ଖୁସି ଥିବାର ମଧ୍ୟ ନଜର ଆସିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଇଟାଲୀର ମିଲାନ ସହରରେ ଗତ ୨୦୧୭ ଡିସେମ୍ବର ୧୧ ତାରିଖରେ ବିବାହ ବନ୍ଧନରେ ବାନ୍ଧି ହୋଇଥିଲେ, ଭାରତୀୟ କ୍ରିକେଟ ଟିମର କ୍ୟାପଟେନ୍ ବିରାଟ କୋହଲି ଏବଂ ବଲିଉଡ୍ ଅଭିନେତ୍ରୀ ଅନୁଷ୍କା ଶର୍ମା । ତେବେ ୨୦୧୩ରେ ଏକ ସାମ୍ପୁର ବିଜ୍ଞାପନ ପରେ ଦୁହିଁଙ୍କ ମଧ୍ୟରେ ପ୍ରେମ ସମ୍ପର୍କ ଗଢିଉଠିଥିଲା । ଆଉ ଏହାର ଏକ ବର୍ଷ ପରେ ଦୁହିଁଙ୍କ ପ୍ରେମ ସମ୍ପର୍କ ବାବଦରେ ସମସ୍ତେ ଜାଣିବାକୁ ପାଇଥିଲେ ।
ଏପରିକି ବିଭିନ୍ନ ମ୍ୟାଚ୍ ସମୟରେ ମଧ୍ୟ ବିରାଟଙ୍କୁ ଚିୟର କରିବା ପାଇଁ ଅନୁଷ୍କା ଷ୍ଟାଡିୟମରେ ଉପସ୍ଥିତ ରହୁଥିବା ଦେଖିବାକୁ ମିଳେ । ତେବେ ଆସନ୍ତା ସେପ୍ଟେମ୍ବର ମାସରୁ ଆଇପିଏଲ ଆରମ୍ଭ ହେବାକୁ ଯାଉଥିବା ବେଳେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦଳର ନେତୃତ୍ୱ ନେବେ ବିରାଟ କୋହଲି ।