ବରିଷ୍ଠ କଂଗ୍ରେସ ନେତା ଶଶୀ ଥରୁର୍ ଙ୍କ ବିରୋଧରେ ଜାରି ହୋଇଛି ଗିରଫ ପରୱାନା । କେରଳର ଥିରୁବନନ୍ତପୁରମର ଏକ କୋର୍ଟ ତାଙ୍କ ବିରୋଧରେ ଏହି ଗିରଫ ପରୱାନା ଜାରି କରିଥିବା ଜାତୀୟ ଗଣମାଧ୍ୟମରେ ପ୍ରସାରିତ ହେଉଛି । ତାଙ୍କ ପୁସ୍ତକରେ ଶଶୀ ଥରୁର୍ ହିନ୍ଦୁ ମହିଳାଙ୍କ ସଂପର୍କରେ ଅପଶବ୍ଦ ପ୍ରୟୋଗ କରିଥିବା ଅଭିଯୋଗରେ ମାମଲା ହୋଇଥିଲା । ସେପଟେ ଭାରତର ବିବାଦୀୟ ନକ୍ସା ସେୟାର କରି ବିବାଦୀୟ ହୋଇ ପଡିଛନ୍ତି କଂଗ୍ରେସର ଏହି ବରିଷ୍ଠ ନେତା । ଟୁଇଟରରେ ବିବାଦୀୟ ନକ୍ସା ସେୟାର କରିବା ପରେ ଜୋରଦାର ଟ୍ରୋଲ ହୋଇଛନ୍ତି ଥରୁର୍ । ସେ ଯେଉଁ ନକ୍ସା ସେୟାର କରିଛନ୍ତି,ସେଥିରେ କାଶ୍ମୀର ପକ୍ ର କିଛି ଅଂଶ ଦେଖାଯାଉନାହିଁ । ଆଉ ଏହି ନକ୍ସା ସହ ସେ ଭାରତ ବଚାଓ ରାଲି କଥା ବି ଉଠାଇଥିଲେ ।
Kanak News is now on WhatsApp
Join and get latest news updates delivered to you via WhatsApp
କେରଳ କୋଝିକୋଡରେ ହେବାକୁ ଥିବା ପ୍ରଦର୍ଶନକୁ ନେଇ ଥରୁର୍ ଏକ ଟୁଇଟ କରିଥିଲେ ଯେଉଁଥିରେ ପାକ୍ ଅଧିକୃତ କାଶ୍ମୀର ଓ ଅକସାଇ ଚୀନକୁ ଭାରତର ଅଂଶ ଭାବେ ଦେଖାଯାଇନାହିଁ । ତେବେ ଟ୍ରୋଲର ଶିକାର ହେବା ପରେ ଥରୁର ଏହି ବିବାଦୀୟ ନକ୍ସାକୁ ନିଜ ଟୁଇଟର ପେଜରୁ ହଟାଇଦେଇଛନ୍ତି । ଏହାସହ ଆଉ ଏକ ଟୁଇଟ କରି ସେ ସଫେଇ ମଧ୍ୟ ରଖିଛନ୍ତି । ସେ କହିଛନ୍ତି ମୁଁ ନକ୍ସା ଜରିଆରେ କୌଣସି କ୍ଷେତ୍ରକୁ ନୁହେଁ ବରଂ ଭାରତର ଲୋକଙ୍କୁ ଦେଖାଇବାକୁ ଚାହୁଁଥିଲି ।