ପୁଣି ସାମ୍ନାକୁ ଆସିଲା ପାକିସ୍ତାନର ଆତଙ୍କୀ ଷଡ଼ଯନ୍ତ୍ର : ୬ ଜଣଙ୍କୁ ଗିରଫ କଲା ଦିଲ୍ଲୀ ପୋଲିସ୍
ପାକିସ୍ତାନରେ ପ୍ରଶିକ୍ଷଣ ନେଇଥିଲେ ୨ ଆତଙ୍କୀ; ଦେଶର ବିଭିନ୍ନ ଜାଗାରେ ବିସ୍ଫୋରଣ କରିବାକୁ ଥିଲା ଯୋଜନା
କନକ ବ୍ୟୁରୋ : ପୁଣି ସାମ୍ନାକୁ ଆସିଲା ପାକିସ୍ତାନର ଆତଙ୍କୀ ଷଡ଼ଯନ୍ତ୍ର । ୬ ଜଣଙ୍କୁ ଗିରଫ କରିବା ପରେ ଷଡଯନ୍ତ୍ର ପଦାକୁ ଆସିଛି । ଏମାନଙ୍କ ମଧ୍ୟରେ ୨ ଜଣ ପାକିସ୍ତାନ ପ୍ରଶିକ୍ଷିତ ଆତଙ୍କବାଦୀ ରହିଛନ୍ତି । ଏନେଇ ଦିଲ୍ଲୀ ପୋଲିସ୍ ପକ୍ଷରୁ ସୂଚନା ଦିଆଯାଇଛି । ଏହି ଆତଙ୍କବାଦୀ ଗ୍ୟାଙ୍ଗ୍ ଦେଶର ବିଭିନ୍ନ ସ୍ଥାନରେ ବୋମା ବସ୍ଫୋରଣ କରିବା ସହ ହତ୍ୟା କରବାକୁ ଷଡ଼ଯନ୍ତ୍ର କରୁଥିଲା ବୋଲି ପୋଲିସ କହିଛି । ସେମାନଙ୍କ ଠାରୁ କେତୋଟି ବନ୍ଧୁକ ଓ ବିଷ୍ଫୋରକ ସାମ୍ରଗୀ ମଧ୍ୟ ଜବତ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଗିରଫ ଦୁଇ ଆତଙ୍କବାଦୀ ପାକିସ୍ତାନୀ ଆତଙ୍କବାଦୀ ସଙ୍ଗଠନ ଦ୍ୱାରା ପ୍ରଶିକ୍ଷଣ ଦିଆଯାଇଥିବା ପୋଲିସ ପ୍ରାଥମିକ ତଦନ୍ତରୁ ଜାଣବାକୁ ପାଇଛି ଆତଙ୍କବାଦୀ ଗ୍ୟାଙ୍ଗ୍ ଦେଶର ବିଭିନ୍ନ ସ୍ଥାନରେ ବୋମା ବସ୍ଫୋରଣ କରିବା ସହ ହତ୍ୟା କରବାକୁ ଷଡ଼ଯନ୍ତ୍ର କରୁଥିଲା ବୋଲି ପୋଲିସ କହିଛି । ସେମାନଙ୍କ ଠାରୁ କେତୋଟି ବନ୍ଧୁକ ଓ ବିଷ୍ଫୋରକ ସାମ୍ରଗୀ ମଧ୍ୟ ଜବତ କରାଯାଇଛି ।। ସୂଚନା ଅନୁସାରେ ଓସାମା ଓ ଜୀଶାନ ଓମାନର ମସ୍କଟ ରାସ୍ତାରେ ଯାଇ ପାକିସ୍ତାନର କରାଚିରେ ପହଁଚିଥିଲେ । ସେଠାରେ ସେମାନଙ୍କୁ ଆତଙ୍କବାଦୀ ଟ୍ରେନିଂ ଦିଆଯାଇଥିଲା । ସବୁଠୁ ଆଶ୍ଚର୍ଯ୍ୟର କଥା ହେଉଛି, ସେମାନଙ୍କୁ କୌଣସି ଆତଙ୍କବାଦୀ ପ୍ରଶିକ୍ଷଣ ଦେଇନଥିଲେ ବରଂ ପାକିସ୍ତାନର ଦୁଇ ଆର୍ମି ଅଧିକାରୀ ଟ୍ରେନିଂ ଦେଇଥିଲେ । ସେମାନଙ୍କ ସହ ଜଣେ ପାକିସ୍ତାନୀ ନାଗରୀକ ମଧ୍ୟ ଉପସ୍ଥିତ ଥିଲେ ।