ଷ୍ଟେସନ ମୁଖ୍ୟ ଫାଟକ ଦେଇ ଫେରୁନାହାନ୍ତି ପ୍ରବାସୀ : ରାୟଗଡାରେ ଟ୍ରେନରୁ ଓହ୍ଲାଇ ଗଳାବାଟ ଦେଇ ଚାଲିଯାଉଛନ୍ତି ଘରକୁ
ଜିଲ୍ଲା ପ୍ରଶାସନ ପକ୍ଷରୁ ନା ହେଉଛି ଥର୍ମାଲ ସ୍କିନିଂ, ନା ରହୁଛି ଯାତ୍ରୀଙ୍କ ସଂପୂର୍ଣ୍ଣ ବିବରଣୀ
କନକ ବ୍ୟୁରୋ : କରୋନାର ଦ୍ୱିତୀୟ ଲହର ଅତ୍ୟନ୍ତ ଚିନ୍ତାଜନକ ସ୍ଥିତିରେ ପହଚିଂଛି । ଏଭଳି ସ୍ଥିତିରେ ରେଳ ବିଭାଗର ବେପରୁଆ ମନଭାବ ଯୋଗୁଁ ଟ୍ରେନ ଯୋଗେ ଫେରୁଥିବା ରାୟଗଡା ଜିଲ୍ଲାର ପ୍ରବାସୀ ଗଳାବାଟ ଦେଇ ଚାଲିଯାଉଛନ୍ତି । ପ୍ରବାସୀଙ୍କ ସମ୍ପୂର୍ଣ୍ଣ ବିବରଣି ଜିଲ୍ଲା ପ୍ରଶାସନ ପାଖରେ ରହୁନାହିଁ । ଫଳରେ ସଂକ୍ରମଣ ବଢିବାର ଆଶଙ୍କା କରି ଭୟଭିତ ଅବସ୍ଥାରେ ଅଛନ୍ତି ସ୍ଥାନୀୟ ଲୋକେ ।
Kanak News is now on WhatsApp
Join and get latest news updates delivered to you via WhatsApp
ରାୟଗଡା ଜିଲ୍ଲା ପ୍ରଶାସନ ପକ୍ଷରୁ ଟ୍ରେନ ଫେରନ୍ତା ପ୍ରବାସୀଙ୍କ ଉପରେ କଡା ନଜର ରଖିବା ସହ ପ୍ରସ୍ଥାନ ବାଟରେ ଅସ୍ଥାୟି କ୍ୟାମ୍ପ କରି ଥର୍ମାଲ ସ୍କିନିଂ କରାଯାଉଛି । ଏହାସହ ପ୍ରବାସୀଙ୍କର ୭୨ ଘଂଟା ମଧ୍ୟରେ କରାଯାଇଥିବା ଆରଟିପିସିଆର ନେଗେଟିଭ ରିପୋର୍ଟ ଓ ଦୁଇଟି ଡୋଜ୍ କରୋନା ଟିକା ନେଇଥିବା ପ୍ରବାସୀଙ୍କୁ ଛଡାଯିବ । ଯେଉଁମାନଙ୍କ ପାଖରେ ଏହି ଦୁଇଟି ନଥିବ ସେମାନଙ୍କର ସମ୍ପୂର୍ଣ୍ଣ ବିବରଣି ରଖାଯିବ ବୋଲି ନିର୍ଦ୍ଧେଶ ରହିଥିଲେ ମଧ୍ୟ ରାୟଗଡା ଷ୍ଟେସନରେ ଏହାକୁ କଡାକଡି ଭାବେ ପାଳନ ହେଉନଥିବା ଦେଖିବାକୁ ମିଳୁଛି ।