ରେଳ ଷ୍ଟେସନରେ ଶ୍ରମିକଙ୍କ ଜନସମୁଦ୍ର । ଖାଦ୍ୟ ପାଇଁ ନୁହେଁ ଘରକୁ ଯିବାକୁ ଦୌଡ଼ି ଆସିଲେ ଦାଦନ, ପୋଲିସ୍ ଲାଠି ଚାଳନା କରିଥିବା ଅଭିଯୋଗ ।
କନକ ବ୍ୟୁରୋ: କରୋନାକୁ ନେଇ ସାରା ଦେଶରେ ତାଲା ବନ୍ଦ ଲାଗିରହିଥିବା ବେଳେ ମହାରାଷ୍ଟ୍ର ମୁମ୍ବାଇରୁ ଆସିଛି ଅଭାବନୀୟ ଚିତ୍ର । ହଜାର ହଜାର ସଂଖ୍ୟାରେ ଦାଦନ ଶ୍ରମିକ ରେଳ ଷ୍ଟେସନରେ ରୁଣ୍ଡ ହୋଇଥିବା ଦେଖିବାକୁ ମିଳିଛି । ଏପରିକି ସତେ ଯେମିତି ରେଳ ଷ୍ଟେସନ ପାଲଟିଗଲା ଶ୍ରମିକଙ୍କ ଜନସମୁଦ୍ର ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁସାରେ ୨୧ଦିନିଆ ତାଲା ବନ୍ଦ ଆଜି ଶେଷ ହୋଇଥିବା ବେଳେ ତାଲା ବନ୍ଦ ସମ୍ପୁର୍ଣ୍ଣ ଉଠିଯିବା ଆଶା କରି ହଜାର ହଜାର ସଂଖ୍ୟାରେ ଆଜି ଶ୍ରମିକ ଏକାଠି ହୋଇଥିଲେ ବାନ୍ଦ୍ରା ଷ୍ଟେସନ ନିକଟରେ । ସ୍ଥିତି ଏପରି ହୋଇଥିଲା ଯେ ପୋଲିସକୁ ଲାଠି ଚାଳନା କରିବାକୁ ପଡିଥିଲା । ତେବେ ସେମାନଙ୍କ କହିବା କଥା ଆମେ ଖାଦ୍ୟ ପାଇଁ ନୁହେଁ ଘରକୁ ଯିବା ପାଇଁ ରେଳ ଷ୍ଟେସନକୁ ପଳେଇ ଆସିଲୁ । ତେବେ ପଶ୍ଚିମବଙ୍ଗ, ଉତର ପ୍ରଦେଶ ସମେତ ଏକାଧିକ ରାଜ୍ୟର ଶ୍ରମିକ ନିଜ ରାଜ୍ୟକୁ ଫେରିଯିବା ଆଶା ନେଇ ଷ୍ଟେସନକୁ ଧାଇଁ ଆସିଥିଲେ । ହେଲେ ସେମାନଙ୍କ ଆଗରେ ପଡ଼ିଥିଲା ଲକଡାଉନ୍ ଲକ୍ଷ୍ମଣରେଖା ।
ସେପଟେ ଏହାରି ଭିତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଲା ବନ୍ଦକୁ ମେ-୩ ତାରିଖ ଯାଏଁ ବଢାଇ ଦେଇଛନ୍ତି । ବଡ କଥା ହେଉଛି କରୋନା ଆକ୍ରାନ୍ତ ରାଜ୍ୟ ତାଲିକାରେ ଶୀର୍ଷରେ ରହିଛି ମହାରାଷ୍ଟ୍ର ଆଉ ଠିକ ଏତିକି ବେଳେ ଏପରି ଦୃଶ୍ୟ ସାମନାକୁ ଆସିଛି । ଏପଟେ ସ୍ଥିତିକୁ ନଜରରେ ରଖି ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକ ଜରୁରୀକାଳୀନ ବୈଠକ ଡାକିଛନ୍ତି ।