କାମାକ୍ଷାନଗରର କୁନି ଗୁଗୁଲ । କମ ବୟସରେ ବଡ କରିସ୍ମା । ମାତ୍ର ୩ ବର୍ଷ ବୟସରେ ସବୁକିଛି ମନେ ରଖିବାରେ ମାହିର ଅର୍ଣ୍ଣବ । ମୁହଁରେ ଅଛି ଦେଶ ବିଦେଶର ସବୁ ଖବର ।
କନକ ବ୍ୟୁରୋ: କାମାକ୍ଷାନଗର ବିସ୍ମୟ ବାଳକ । ବୟସ କମ ହେଲେ ତାଙ୍କୁ ଯିଏ ଦେଖୁଛି ଆଶ୍ଚର୍ଯ୍ୟ ହେଉଛି । ମାତ୍ର ୩ ବର୍ଷ ବୟସରେ ସବୁକିଛି ମନେରଖିବାରେ ମାହିର ଅର୍ନବ ନାୟକ । ଦେଶ ବିଦେଶର ସବୁ କଥା ଗୋଟି ଗୋଟି ମନେରଖି ସମସ୍ତହ୍କୁ ଚକିତ କରିଛନ୍ତି ୩ ବର୍ଷର ବିସ୍ମୟ ବାଳକ ।
Kanak News is now on WhatsApp
Join and get latest news updates delivered to you via WhatsApp
ଏକାଥରେ ୧୨୦ଟି ରାଜ୍ୟର ନାଁ, ବିଭିନ୍ନ କୁଇଜ, ଦେଶ ବିଦେଶର ନଦନଦୀ, ଭାରତର ପଡୋଶୀ ଦେଶଙ୍କ ନାଁ, ସହ ସୌରମଣ୍ଡଳର ଗ୍ରହ ଉପଗ୍ରହଙ୍କ ବିଷୟରେ ବି ଜ୍ଞାନ ରଖିଛନ୍ତି ଅର୍ନବ । ଓଡିଆ, ଇଂରାଜୀ ଛାଡିଦେଲେ ହିନ୍ଦୀ ଏବଂ ତେଲୁଗରେ ୧ରୁ ୨୦ ଯାଏଁ ଆରାମରେ ଡାକି ପାରନ୍ତି ଅର୍ନବ । ଏଥିସହ ଗ୍ଲୋବରେ ବିଶ୍ୱର ବିଭିନ୍ନ ଦେଶକୁ ଚିହ୍ନଟ କରିବାରେ ମାହିର ଏହି କୁନି ପୁଅ । ମ୍ୟାପରେ ବି ଅତି ସହଜରେ ବିଭିନ୍ନ ରାଜ୍ୟ ଚିହ୍ନଟ କରିବା ସହ ସମସ୍ତଙ୍କ ରାଜଧାନୀ ମୁହଁରେ ମୁହଁରେ କହିପାରନ୍ତି ଅର୍ନବ ।
ତେବେ ଅର୍ନବଙ୍କ ବାପା ସ୍ମୃତି ରଞ୍ଜନ ନାୟକ ହାଇଦ୍ରାବାଦରେ ଇଞ୍ଜିନିୟର ଭାବେ କାର୍ଯ୍ୟରତ ଥିବାବେଳେ ମାଆ ଜ୍ୟୋତିର୍ମୟୀ ପୁଅର ଏ ବିସ୍ମୟ ପଛରେ ବଡ ଭୂମିକା ଗ୍ରହଣ କରିଛନ୍ତି । ତେବେ କାମାକ୍ଷାନଗର ସାନବ୍ରହ୍ମପୁରରେ ସେମାନଙ୍କ ଘର ହୋଇଥିବା ବେଳେ ଏବେ ହାଇଦ୍ରାବାଦରେ ରହିଛନ୍ତି । କୁନି ବୟସରେ ଅର୍ନବଙ୍କ ଏହି କରିସ୍ମା ପାଇଁ ତାଙ୍କୁ ଇଣ୍ଡିଆ ବୁକ ଅଫ ରେକର୍ଡ ବି ମିଳିଛି ।