ଅର୍ଣ୍ଣବ ଗୋସ୍ୱାମୀଙ୍କ ବଢିପାରେ ଅଡୁଆ! ଭାଇରାଲ ହେଲା ବାର୍କ ପୂର୍ବତନ ସିଇଓଙ୍କ ସହ ହ୍ୱାଟ୍ସଆପ କଥାବାର୍ତ୍ତାର ସ୍କ୍ରିନସଟ୍ । TRP ଦୁର୍ନୀତି ନେଇ ଚାଟ୍ ହୋଇଥିବା ଦାବି ।
କନକ ବ୍ୟୁରୋ: ଫେକ୍ ଟିଆରପି ସ୍କାମରେ ଫସିଥିବା ରିପବ୍ଲିକ ଟିଭି ଏଡିଟର ଅର୍ଣ୍ଣବ ଗୋସ୍ୱାମୀଙ୍କ ଏକ ହ୍ୱାଟ୍ସଆପ ଚାଟ ଭାଇରାଲ ହୋଇଛି । ଯେଉଁଥିରେ ସେ ବାର୍କର ପୂର୍ବତନ ସିଇଓ ପାର୍ଥୋ ଦାସଗୁପ୍ତାଙ୍କ ସହ କଥା ହେଉଛନ୍ତି । ଶୁକ୍ରବାର ଏହି ସ୍କ୍ରିନସଟ ସାମ୍ନାକୁ ଆସିବା ପରେ ଅର୍ଣ୍ଣବଙ୍କ ଅଡୁଆ ବଢିପାରେ । ସୂଚନା ଅନୁସାରେ ଭାଇରାଲ ହୋଇଥିବା ହ୍ୱାଟ୍ସଆପ ଚାଟରେ ଅର୍ଣ୍ଣବ ଗୋସ୍ୱାମୀ ଏବଂ ପାର୍ଥୋ ଦାସଗୁପ୍ତାଙ୍କ ନାଁ ରହିଛି । ୨୦୧୯ରେ ଅର୍ଣ୍ଣବ ଓ ପାର୍ଥୋଙ୍କ ମଧ୍ୟରେ ଟିଆରପିକୁ ନେଇ ଏହି କଥାବାର୍ତା ହୋଇଥିବା ଦାବି କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ମୁମ୍ବାଇ ପୋଲିସ ଜବତ କରିଥିବା ୫ଶହ ପୃଷ୍ଠା ବିଶିଷ୍ଟ ହ୍ୱାଟ୍ସଆପ ଚାଟର ଏହା ଏକ ଅଂଶ ବୋଲି କୁହାଯାଉଛି । ମୁମ୍ବାଇ ପୋଲିସ ଏନେଇ କିଛି ସ୍ପଷ୍ଟୀକରଣ ରଖିନାହିଁ । ଏହି ଭାଇରାଲ ହ୍ୱାଟ୍ସଆପ ଚାଟକୁ ନେଇ ସୁପ୍ରିମକୋର୍ଟ ବରିଷ୍ଠ ଆଇନଜୀବୀ କହିଛନ୍ତି, ସରକାରଙ୍କ ଆଖି ସାମ୍ନାରେ ଅନେକ ସ୍ମାମ ହେଉଛି । ଏଭଳି ଲୋକଙ୍କୁ ଆଇନ ଅନୁଯାୟୀ ଜେଲ ଦଣ୍ଡାଦେଶ ଦେବା ଉଚିତ ବୋଲି ଲେଖିଛନ୍ତି ପ୍ରଶାନ୍ତ ଭୂଷଣ । ଗତବର୍ଷ ଟିଆରପି ସ୍କାମ ନେଇ ଖୁଲାସା ହୋଇଥିିଲା ।