କନକ ବ୍ୟୁରୋ : ଟୋକିଓ ଅଲିମ୍ପିକ୍ସରେ ସ୍ୱର୍ଣ୍ଣ ଜିତି ଭାରତ ପାଇଁ ଗୌରବ ଆଣିଥିବା ଜାଭଲିନ ଥ୍ରୋ ଖେଳାଳୀ ନୀରଜ ଚୋପ୍ରାଙ୍କ ଉପରେ ଏବେ ଦେଶ ସୁନା ବର୍ଷା କରିବାରେ ଲାଗିଛି । କୋଟି କୋଟି ଟଙ୍କାର ପୁରସ୍କାର ରାଶି, ସରକାରୀ ଚାକିରି ପରେ ଏବେ ଦେଶର ସର୍ବବୃହତ ସ୍ପୋର୍ଟସ୍ ଇନଷ୍ଟିଚ୍ୟୁଟ ଆର୍ମି ସ୍ପୋର୍ଟସ ଇନଷ୍ଟିଚ୍ୟୁଟ୍ ନୀରଜ ଚୋପ୍ରାଙ୍କ ନାମରେ ନାମିତ କରାଯିବ ବୋଲି ପ୍ରତିରକ୍ଷାମନ୍ତ୍ରୀ ରାଜନାଥ ସିଂ ଘୋଷଣା କରିଛନ୍ତି । ପୁଣେ ସ୍ଥିତ ଆର୍ମି ସ୍ପୋର୍ଟସ ଇନଷ୍ଟିଚ୍ୟୁଟ ଏବେ ସୁବେଦାର ନୀରଜ ଚୋପ୍ରା ଷ୍ଟାଡିୟମ ନାମରେ ନାମିତ କରାଯିବ । ଏନେଇ ଶୁକ୍ରବାର ଦିନ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଘୋଷଣା କରିଛନ୍ତି । ଏହି କାର୍ଯ୍ୟକ୍ରମରେ ରାଜନାଥ ସିଂଙ୍କ ସହ ନୀରଜ ଚୋପ୍ରା ବି ସାମିଲ ଥିଲେ । ଏହି କାର୍ଯ୍ୟକ୍ରମରେ ରାଜନାଥ ସିଂ ନୀରଜ ଚୋପ୍ରାଙ୍କୁ ସମ୍ମାନୀତ କରିଥିଲେ । ନୀରଜ ଚୋପ୍ରା ଏବେ ଦକ୍ଷିଣ କମାଣ୍ଡରେ ପୋଷ୍ଟିଂ ପାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି କାର୍ଯ୍ୟକ୍ରମରେ ରାଜନାଥ ସିଂ କହିଥିଲେ କି ଖେଳକୁ ପ୍ରୋତ୍ସାହିତ କରିବାକୁ ସରକାର ଯଥାସମ୍ଭବ ସହାୟତା ଯୋଗାଇ ଦେବେ । ସେ ଇନଷ୍ଟିଚ୍ୟୁଟ ହେଉ କି ବ୍ୟକ୍ତିଗତ ସ୍ତରରେ ପ୍ରାକ୍ଟିସ ହେଉ ଯେଉଁମାନେ ସହାୟତା ଚାହିଁବେ ସରକାର ସହାୟତା ଯୋଗାଇ ଦେବାକୁ ପ୍ରସ୍ତୁତ ।
We are fully committed to promoting sports. Our PM is working to encourage sports and sportspersons. Centre is making all efforts to encourage players. State govts are also playing a crucial role in this process: Defence Minister Rajnath Singh pic.twitter.com/ARSGgM6nbl
— ANI (@ANI) August 27, 2021
କହିରଖୁ କି ୨୦୨୦ ଟୋକିଓ ଅଲିମ୍ପିକ୍ସରେ ଭାରତୀୟ ଖେଳାଳୀମାନେ ଭଲ ପ୍ରଦର୍ଶନ କରିଥିଲେ । ହେଲେ ନୀରଜ ଚୋପ୍ରା ଏକମାତ୍ର ଖେଳାଳି ଯେ କି ଦେଶ ପାଇଁ ସ୍ୱର୍ଣ୍ଣ ପଦକ ଜିତିଥିଲେ ।