ରାଜସ୍ଥାନରେ ସେନାର ଲଢୁଆ ବିମାନ ଦୁର୍ଘଟଣାଗ୍ରସ୍ତ: ଘର ଉପରକୁ ଖସିପଡିଲା ‘ମିଗ୍ -୨୧’

କନକ ବ୍ୟୁରୋ: ପୁଣି ଦୁର୍ଘଟଣାଗ୍ରସ୍ତ ହେଲା ବାୟୁସେନାର ଲଢୁଆ ବିମାନ । ଘର ଉପରେ ଖସିପଡିଲା ଭାରତୀୟ ବାୟୁସେନାର ଯୁଦ୍ଧ ବିମାନ ମିଗ-୨୧ । ରାଜସ୍ଥାନର ହନୁମାନଗଡରେ ଏଭଳି ଦୂର୍ଘଟଣା ଘଟିଛି । ତେବେ ଦୁଇଜଣ ପାଇଲଟ ଜଣଙ୍କ ଜୀବନ ବଂଚିଯାଇଥିବାବେଳେ ୪ଜଣ ଲୋକଙ୍କ ମୃତ୍ୟୁ ହୋଇଛି ।

ସୋମବାର ସକାଳ ସମୟରେ ରାଜସ୍ଥାନ ହନୁମାନଗଡ଼ରେ ସେତେବେଳେ କୋକୁଆଭୟ ଦେଖାଯାଇଥିଲା ଯେଉଁ ସମୟରେ ଘର ଉପରକୁ ଖସିପଡିଥିଲା ଭାରତୀୟ ସେନାର ଯୁଦ୍ଧ ବିମାନ ମିଗ-୨୧ । ସୁରଟଗଡରୁ ଉଡାଣ ଭରିଥିବା ସେନାର ଏହି ଯୁଦ୍ଧ ବିମାନ କୌଣସି ତ୍ରୁଟି କାରଣରୁ ହଠାତ ନିୟନ୍ତ୍ରଣ ହରାଇବା ଘର ଉପରକୁ ଖସିପଡିଥିଲା ବିମାନ ଖସିବା ଯୋଗୁଁ ଘର ଓ ଏହାର ଆଖପାଖ ଅଂଚଳରେ ବଡ କ୍ଷତି ହୋଇଥିବା ଜଣାପଡିଛି । ଘଟଣାରେ ଏବେ ସୁଦ୍ଧାର ୪ଜଣ ଲୋକଙ୍କ ମୃତ୍ୟୁ ହେବା ସହ ଭାଗ୍ୟବଶତ ଦୁଇ ପାଇଲଟଙ୍କ ଜୀବନ ବଂଚିଯାଇଛି ।

ରାଜସ୍ଥାନ ସରକାର ମୃତକଙ୍କ ପରିବାର ପାଇଁ ୫ ଲକ୍ଷ ଟଙ୍କା ଲେଖାଏଁ ଅନୁକମ୍ପା ମୂଳକ ସାହାଯ୍ୟ ଘୋଷଣା କରିଛନ୍ତି । ସେହିପରି ଆହତଙ୍କ ଚିକିତ୍ସା ପାଇଁ ୫୦ହଜାର ରାଶି ମିିଳିବ ତେବେ ବାୟୁସେନା ପକ୍ଷରୁ ଦୁର୍ଘଟଣାର ତଦନ୍ତ ନିର୍ଦ୍ଦେଶ ଦିଆଯାଇଛି ।

ଗତ କିଛି ଦିନ ହେବ ସେନାର ଲଢୁଆ ବିମାନ ଓ ହେଲିକପ୍ଟର ଦୁର୍ଘଟଣା ସଂଖ୍ୟା ବେଶ ବୃଦ୍ଧି ପାଇଛି ।

• ମେ ୪ରେ ଧ୍ରୁବ ହେଲିକ୍ୟାପ୍ଟର ଜମ୍ମୁ କାଶ୍ମୀର କିସ୍ତିୱାଡାରେ ଦୁର୍ଘଟଣା ଗସ୍ତ ହୋଇଥିଲା । ଏଥିରେ ଜଣେ ପାଇଲଟଙ୍କର ମୃତ୍ୟୁ ହୋଇଥିଲା ।
• ଜାନ୍ରୁଆରୀରେ ରାଜସ୍ଥାନ ଭରତପୁରରେ ସେନାର ସୁଖୋଇ ଏସୟୁ-୩୦ ଓ ମିରାଜ ୨୦୦୦ ଦୁର୍ଘଟଣାର ଶିକାର ହୋଇଥିଲା । ଦୁର୍ଘଟଣାରେ ଜଣେ ପାଇଲଟ ସହିଦ ହୋଇଥିଲେ ।
• ମଧ୍ୟପ୍ରଦେଶ ମୁରେନା ଯୁଦ୍ଧ ବିମାନ ଦୁର୍ଘଟଣାରେ ୨ଜଣ ପାଇଲଟ ସହିଦ ହୋଇଥିଲେ
• ଜମ୍ମୁଶ୍ମୀର କିସ୍ତୱାଡା ସେନା ହେଲିକପ୍ଟର ଦୁର୍ଘଟଣାରେ ଜଣେ ପାଇଲଟ ସହିଦ ହୋଇଥିଲେ
• ଏପ୍ରିଲରେ କୋଚିରେ ମିଗ- ୨୧ ଦୁର୍ଘଟଣାର ଶିକାର ହୋଇଥିଲା ।

ଏବେ ପ୍ରଶ୍ନ ଉଠୁଛି ବାରମ୍ବାର କଣ ପାଇଁ ସେନାର ବିମାନ ଓ ହେଲିକପ୍ଟର ଦୁର୍ଘଟଣାଗ୍ରସ୍ତ ହେଉଛି ।ଏହା ପାଇଁ ଦାୟୀ କିଏ ରହିବେ ସରକାର, ସେନା?