ମନମୋହନ-ରାହୁଲଙ୍କ ସର୍ଜିକାଲ୍ ଷ୍ଟ୍ରାଇକ୍ ଉପରେ ଦେଇଥିବା ମନ୍ତବ୍ୟକୁ ଖଣ୍ଡନ କଲା ଭାରତୀୟ ସେନା ! ସେପ୍ଟେମ୍ବର ୨୦୧୬ ପୂର୍ବରୁ ହୋଇନାହିଁ ସର୍ଜିକାଲ୍ ଷ୍ଟ୍ରାଇକ୍ 

244

ସର୍ଜିକାଲ୍ ଷ୍ଟ୍ରାଇକ୍ କୁ ନେଇ ଦେଇଥିବା ବୟାନ୍ କୁ ନେଇ କଂଗ୍ରେସର ମୁଖା ଖୋଲିଛି ଭାରତୀୟ ସେନା । ସେନା କଂଗ୍ରେସ ତରଫରୁ କରାଯାଇଥିବା ସର୍ଜିକାଲ୍ ଷ୍ଟ୍ରାଇକ୍ ର ପୁଷ୍ଟିକୁ ମନା କରିଦେଇଛି । ସେନା ତରଫରୁ ଆଜି କୁହାଯାଇଛି ପ୍ରଥମ ସର୍ଜିକାଲ୍ ଷ୍ଟ୍ରାଇକ୍ ସେପ୍ଟେମ୍ବର ୨୦୧୬ ରେ କରାଯାଇଥିଲା । ଅନ୍ୟପକ୍ଷରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଏବଂ ପୂର୍ବ ପ୍ରଧାନମନ୍ତ୍ରୀ ମନମୋହନ ସିଂହ ଭାରତୀୟ ସେନା ୟୁପିଏ ସରକାର ଥିବା ସମୟରେ ୬ ଥର ସର୍ଜିକାଲ୍ ଷ୍ଟ୍ରାଇକ୍ ହୋଇଥିବା କଥା କହିଥିଲେ । ଉତ୍ତର କମାଣ୍ଡୋର ଜିଓସି ଇନ୍ ଚିଫ୍ ଲେ.ଜେନେରାଲ୍ ରଣବୀର ସିଂହ ଏକ ବୟାନରେ କହିଥିଲେ କିଛି ଦିନ ପୂର୍ବରୁ ଡିଜିଏମଓ ଏକ ଆରଟିଆଇ ଜବାବରେ କହିଥିଲେ ପ୍ରଥମ ସର୍ଜିକାଲ୍ ଷ୍ଟ୍ରାଇକ୍ ସେପ୍ଟେମ୍ବର ୨୦୧୬ ରେ ହୋଇଥିଲା । ସେ କହିଥିଲେ ରାଜନୈତିକ ପାର୍ଟି ଚଳିତଥର ଏହାକୁ ନେଇ କ’ଣ କହୁଛନ୍ତି ଏହାର ଯବାବ୍ ସରକାର ଦିଅନ୍ତୁ । ମୁଁ କେବଳ ଆପଣଙ୍କୁ ତଥ୍ୟ ହିଁ ଦେଇପାରିବି । ଯାହ ଅନୁସାରେ ସର୍ଜିକାଲ୍ ଷ୍ଟ୍ରାଇକ୍ ୨୦୧୬ ପୂର୍ବରୁ ହୋଇନାହିଁ ।

ଆପଣଙ୍କୁ କହିରଖୁଛୁ ନିର୍ବାଚନ ପ୍ରଚାର ସମୟରେ ରାହୁଲ ଗାନ୍ଧୀ ଏବଂ ପୂର୍ବ ପ୍ରଧାନମନ୍ତ୍ରୀ ମନମୋହନ ସିଂହ ସରକାରଙ୍କ କଥାକୁ କାଟିଥିଲେ ଯେ ପ୍ରଥମ ସର୍ଜିକାଲ୍ ଷ୍ଟ୍ରାଇକ୍ ରାହୁଲ ଗାନ୍ଧୀ ଏବଂ ପୂର୍ବ ପ୍ରଧାନମନ୍ତ୍ରୀ ମନମୋହନ ସିଂହ ସରକାର ଥିବା ସମୟରେ ହୋଇଥିଲା । ମନମୋହନ ସିଂହ ଗତମାସରେ ଏକ ସାକ୍ଷାତକାରରେ କହିଥିଲେ ମୋଦିଙ୍କ ପୂର୍ବରୁ ବି ୟୁପିଏ କାର୍ଯ୍ୟକାଳରେ ସର୍ଜିକାଲ୍ ଷ୍ଟ୍ରାଇକ୍ ହୋଇଥିଲା । ରାହୁଲ ଗାନ୍ଧୀ ଏକ ପ୍ରେସ୍ କନଫ୍ରେନ୍ସରେ ୬ ଟି ସ୍ଥାନର ନାଁ ବି କହିଥିଲେ ।

କଂଗ୍ରେସ୍ କହିଥିଲା କେବେ କେବେ ହୋଇଥିଲା ସର୍ଜିକାଲ୍ ଷ୍ଟ୍ରାଇକ୍ : 

୧ . ପ୍ରଥମ ସର୍ଜିକାଲ୍ ଷ୍ଟ୍ରାଇକ୍ ଜୁନ୍ ୧୯ ୨୦୦୮ ଜମ୍ମୁ-କାଶ୍ମୀରର ପୁନଛ ସ୍ଥିତ ଭଟ୍ଟଲରେ ହୋଇଥିଲା ।

୨ . ଦ୍ୱିତୀୟ ଥର ପାଇଁ ଆତଙ୍କବାଦୀଙ୍କୁ ମୁହଁଭଙ୍ଗା ଜବାବ୍ ଦେବା ପାଇଁ ୩୦ ଅଗଷ୍ଟରୁ ୧ ସେପ୍ଟେମ୍ବର ୨୦୧୧ ପର୍ଯ୍ୟନ୍ତ କେଲ୍ ରେ ନିଲମ୍ ରିଭର୍ ଭାଲି ପାଖ ଶାରଦା ସେକ୍ଟରରେ ଦିଆଗଲା ।

୩ . ତୃତୀୟ ଥର ପାଇଁ ୨୦୧୩ ଜାନୁୟାରୀ ୬ ରେ ସାବନ ପତ୍ରା ଚେକପୋଷ୍ଟରେ ହୋଇଥିଲା ।

୪ . ଚତୁର୍ଥଥର ପାଇଁ ୨୭-୨୮ ଜୁଲାଇ ୨୦୧୩ ନଜୀରପିର ସେକ୍ଟରରେ ହୋଇଥିଲା ।

୫ . ପଞ୍ଚମଥର ପାଇଁ ଅଗଷ୍ଟ ୬ ୨୦୧୩ ରେ ନିଲମ୍ ଭାଲିରେ ହୋଇଥିଲା ।

୬ . ଷଷ୍ଠଥର ପାଇଁ ୧୪ ଜାନୁୟାରୀ ୨୦୧୪ ରେ ହୋଇଥିଲା ସର୍ଜିକାଲ୍ ଷ୍ଟ୍ରାଇକ୍ ।