ପୁଲୱାମା ଏବଂ ବାଲାକୋଟ୍ ଆକ୍ରମଣ ପରେ ମଧ୍ୟ ହନିଟ୍ରାପରେ ଫସିଥିଲେ ସେନାର କ୍ଲର୍କ ! ବିଦେଶୀ ମହିଳାଙ୍କୁ ଦେଇଥିଲେ ଭାରତର ସୁରାକ ।
କନକ ବ୍ୟୁରୋ : ପୁଲୱାମାରେ ଆତଙ୍କବାଦୀ ଆକ୍ରମଣ ଏବଂ ବାଲାକୋଟରେ ଭାରତର ଏୟାରଷ୍ଟ୍ରାଇକ୍ ପରେ ଭାରତ ଏବଂ ପାକିସ୍ତାନ ମଧ୍ୟରେ ତିକ୍ତକା ବଢିଛି । ଏପରିକି ଏହି ଦୁଇଟି ଘଟଣା ପରଠାରୁ ଉଭୟ ଦେଶ ସୀମାରେ ନିଜ ଶକ୍ତି ସାମର୍ଥ୍ୟ ବଢାଇଛନ୍ତି । ଆଉ ଏହାରି ଭିତରେ ସେନା ସହ ଯୋଡି ହୋଇଥିବା ଗୋପନୀୟ ତଥ୍ୟ ବିଦେଶୀ ମହିଳାଙ୍କୁ ଦେବା ଅଭିଯୋଗରେ ଗିରଫ ହୋଇଥିବା ଅବିନାଶ କୁମାରଙ୍କ ବାବଦରେ ମଧ୍ୟପ୍ରଦେଶ ଏଟିଏସ ହାତରେ ଅନେକ ଗୁରୁତ୍ୱପୂର୍ଣ୍ଣ ତଥ୍ୟ ହସ୍ତଗତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ଗଣମାଧ୍ୟମରୁ ମିଳିଥିବା ସୂଚନା ଅନୁସାରେ, ପୁଲୱାମାରେ ଆତଙ୍କବାଦୀ ଆକ୍ରମଣ ଏବଂ ବାଲାକୋଟ୍ ଏୟାରଷ୍ଟ୍ରାଇକ୍ ସମୟରେ ମଧ୍ୟ ଅଭିଯୁକ୍ତ ଅଭିନାଶ ବିଦେଶୀ ମହିଳାଙ୍କ ସହ ସମ୍ପର୍କରେ ରହିଥିଲା । ତେବେ ଆଶଙ୍କା କରାଯାଉଛି ଯେ, ଅବିନାଶ ଭିଡିଓ କଲିଂ ଜରିଆରେ ସେନାର ଗତିବିଧିର ସୂଚନା ହନି ଟ୍ରାପ୍ ଜରିଆରେ ସେୟାର କରିଥିଲେ । ତେବେ ଅବିନାଶଙ୍କୁ ଜାଲରେ ପକାଇଥିବା ମହିଳା ଜଣଙ୍କ ରାଜସ୍ଥାନ ବାସିନ୍ଦା ବୋଲି ନିଜକୁ ପରିଚୟ ଦେଇଥିଲା । ଆଉ ଏହା ପରେ ସେ ସେନାର ସମସ୍ତ ତଥ୍ୟ ପାଇବାରେ ଲାଗିଥିଲେ । ତେବେ ଯାଞ୍ଚଏଜେନ୍ସିର କହିବା ଅନୁଯାୟୀ, ଏଥିରେ ଅନ୍ୟ କିଛି ଲୋକ ମଧ୍ୟ ସାମିଲ ଅଛନ୍ତି, ଯେଉଁମାନଙ୍କ ଉପରେ ନଜର ରହିଛି ।
ଅବିନାଶ କୁମାର ଏଟିଏସ, ସେଣ୍ଟ୍ରାଲ ଏଜେନ୍ସି ଏବଂ ମିଲେଟ୍ରି ଇଣ୍ଟେଲିଜେନ୍ସରାଡାରରେ ଥିଲେ । ପାଖାପାଖି ୧୦ ମାସ ପୂର୍ବରୁ ଯେତେବେଳେ ତାଙ୍କ ବ୍ୟାଙ୍କ ଖାତାରେ ପ୍ରଥମ ଥର ପାଇଁ ୧୦ ହଜାର ଟଙ୍କା ଟ୍ରାନ୍ସଫର ହୋଇଥିଲା, ସେତେବେଳେ ଏଜେନ୍ସି ଗୁଡିକର ସନ୍ଦେହ ଆହୁରି ବଢିଯାଇଥିଲା । ତେବେ ଏହାରି ଭିତରେ ଯାଞ୍ଚ ଏଜେନ୍ସି ଜାଣିବାକୁ ପାଇଛି ଯେ, ଅବିନାଶ ଅନେକ ଗୁରୁତ୍ୱପୂର୍ଣ୍ଣ ଦସ୍ତାବିଜ୍ ଭିଡିଓ କଲିଂ ଜରିଆରେ ମହିଳାଙ୍କ ସହ ସେୟାର କରୁଥିଲେ । ଏନେଇ ଅନେକ ପ୍ରମାଣ ଲାଗିଛି ଏଟିଏସ୍ ହାତରେ ।