କନକ ବ୍ୟୁରୋ: ସ୍ଥଳସେନା ମୁଖ୍ୟ ଜେନେରାଲ ଏମଏମ ନରୱାଣେ ଶୁକ୍ରବାର ଦୁଇ ଦିନିଆ ଲଦାଖ ଗସ୍ତରେ ଯାଇଛନ୍ତି । ଯେଉଁଠି ସେ ସୁରକ୍ଷା ବ୍ୟବସ୍ଥା ଉପରେ ପୁଙ୍ଖାନୁପୁଙ୍ଖ ସମୀକ୍ଷା କରିଛନ୍ତି । ତେବେ ଏହାରି ଭିତରେ ଆଜି ସ୍ଥଳସେନା ମୁଖ୍ୟ ଚୀନ ସୀମାରେ ସ୍ଥିତି ନେଇ ଗଣମାଧ୍ୟମକୁ ପ୍ରତିକ୍ରିୟା ରଖିଛନ୍ତି । ଏମଏମ ନରୱାଣେ କହିଛନ୍ତି, ଚୀନ ସେନା ବର୍ତ୍ତମାନ ନିଜ ସୀମାରେ ଅନେକ ନିର୍ମାଣ କାମ କରୁଛି , ହେଲେ ଭାରତୀୟ ସେନା ସମସ୍ତ ପରିସ୍ଥିତିର ସମ୍ମୁଖୀନ ହେବାକୁ ପ୍ରସ୍ତୁତ ଅଛି ।
Kanak News is now on WhatsApp
Join and get latest news updates delivered to you via WhatsApp
ତା ସହିତ ନରୱାଣେ ଆହୁରି ମଧ୍ୟ କହିଛନ୍ତି ଯେ, ଚୀନ ନିଜ ସୀମା ପାଖରେ ଏବେ ନିର୍ମାଣ କାମ ଜାରି ରଖିଛି । ଯାହାକି ଆମ ପାଇଁ ଚିନ୍ତାର ବିଷୟ । ହେଲେ ସବୁ ପରିସ୍ଥିତିର ସମ୍ମୁଖୀନ ହେବାକୁ ଭାରତୀୟ ସେନା ପ୍ରସ୍ତୁତ ବୋଲି ସେ କହିଛନ୍ତି । ଚୀନ ପଟରୁ ଯଦି ଭାରତକୁ କୌଣସି ବି ବିପଦ ଆସେ, ତେବେ ଭାରତୀୟ ସେନା ଆଧୁନିକ ଅସ୍ତ୍ରଶସ୍ତ୍ର ସହ ସଜାଗ ରହିଛି ବୋଲି ନରୱାଣେ କହିଛନ୍ତି ।
#WATCH “…of late there’ve been increased infiltration attempts not supported by ceasefire violations. In last 10 days, there’ve been 2 ceasefire violations…. situation regressing to pre-February days,” Army Chief General Manoj Mukund Naravane on Pakistan pic.twitter.com/incPtQhRk5
— ANI (@ANI) October 2, 2021
ଏଥିସହିତ ସୀମାରେ ଏବେ ସ୍ଥିତି ନିୟନ୍ତ୍ରଣାଧୀନ ରହିଛି । ଚୀନ ସହିତ ସୀମା ବିବାଦ ଶେଷ କରିବାକୁ ସମସ୍ତ ସ୍ତରରେ କଥାବାର୍ତ୍ତା ଜାରି ରହିଛି । ଏଯାବତ ୧୨ ଥର ଦୁଇ ଦେଶ ମଧ୍ୟରେ କଥାବାର୍ତ୍ତା ହୋଇସାରିଛି ଏବଂ ଖୁବଶୀଘ୍ର ଆଗାମୀ କଥାବାର୍ତ୍ତା ମଧ୍ୟ ହେବ । ତେଣୁ ଭାରତ-ଚୀନ ଭିତରେ ଥିବା ସୀମା ବିବାଦର ଶୀଘ୍ର ଅନ୍ତ ଘଟିବ ବୋଲି ସ୍ଥଳସେନା ମୁଖ୍ୟ କହିଛନ୍ତି । ତା ସହିତ ପାକିସ୍ତାନ ସୀମାରେ ମଧ୍ୟ ସ୍ଥିତି ଠିକ୍ ରହିଛି , ହେଲେ ଗତ କିଛି ଦିନ ହେଲା ସୀମାରେ ଅନୁପ୍ରବେଶ ଜାରି ରହିଛି । ଏହାକୁ ରୋକିବାକୁ ସେନା ଜୋରଦାର ଉଦ୍ୟମ କରୁଛି ବୋଲି ସେନା ମୁଖ୍ୟ ସୂଚନା ଦେଇଛନ୍ତି ।