ଆଇପିଏଲ ଡେବ୍ୟୁ କଲେ ଅର୍ଜୁନ ତେନ୍ଦୁଲକର। କେକେଆର ବିରୋଧରେ ଖେଳିଲେ ପ୍ରଥମ ମ୍ୟାଚ।

କନକ ବ୍ୟୁରୋ: କ୍ରିକେଟପ୍ରେମୀଙ୍କ ଅପେକ୍ଷାର ଅନ୍ତ ଘଟିଛି । ମୁମ୍ବାଇ ଇଣ୍ଡିଆନ୍ସ ପାଇଁ ଡେବ୍ୟୁ କରିଛନ୍ତି ଅର୍ଜୁନ ତେନ୍ଦୁଲକର । କୋଲକାତା ନାଇଟ ରାଇଡର୍ସ ବିପକ୍ଷରେ ସେ ପ୍ରଥମ ମ୍ୟାଚ ଖେଲୁଛନ୍ତି । ଆଜି ଖେଳାଯାଉଥିବା ମ୍ୟାଚରେ ରୋହିତ ଶର୍ମାଙ୍କ ଅନୁପସ୍ଥିତିରେ ସୂର୍ଯ୍ୟକୁମାର ଯାଦବ ଦଳର ମଙ୍ଗ ସମ୍ଭାଳୁଛନ୍ତି । ୱାଙ୍ଖେଡେରେ ଖେଳାଯାଉଥିବା ମ୍ୟାଚରେ ଅର୍ଜୁନଙ୍କୁ ସୁଯୋଗ ମିଳିଛି । ମୁମ୍ବାଇ ଆଜିର ମ୍ୟାଚରେ ଟସ ଜିତି ପ୍ରଥମେ ବୋଲିଂ କରୁଛି ।

ଅର୍ଜୁନ ବର୍ତ୍ତମାନ ସୁଦ୍ଧା ୭ଟି ପ୍ରଥମଶ୍ରେଣୀ ମ୍ୟାଚ ଖେଳିଛନ୍ତି । ତାଙ୍କ ବ୍ୟାଟରୁ ୨୨୩ ରନ ବାହାରିଥିବା ବେଳେ ଗୋଟିଏ ଶତକ ମଧ୍ୟ ଏଥିରେ ସାମିଲ ରହିଛି । ସେହିଭଳି ସେ ୧୨ଟି ୱିକେଟ ହାସଲ ମଧ୍ୟ କରିଛନ୍ତି ।