ବଦଳିଲେ ୫ ରାଜ୍ୟପାଳ: ତିନ୍ ତଲାକର ସମର୍ଥକ ଆରିଫ ମହମ୍ମଦ ଖାନ କେରଳ ରାଜ୍ୟପାଳ ଭାବେ ନିଯୁକ୍ତ
କଲରାଜ ମିଶ୍ରଙ୍କୁ ରାଜସ୍ତାନ, ବନ୍ଦାରୁ ଦତାତ୍ରେୟଙ୍କୁ ହିମାଚଳ ବଦଳି; ପରିବର୍ତ୍ତନ ହେଲେ ମହାରାଷ୍ଟ୍ର, ତେଲେଙ୍ଗାନା ରାଜ୍ୟପାଳ
କନକ ବ୍ୟୁରୋ: ୮୦ ଦଶକରେ କଂଗ୍ରେସର ବଡ ଚେହେରା ଥିବା ଆରିଫ ଅହମ୍ମଦ ଖାନ ହେଲେ କେରଳର ରାଜ୍ୟପାଳ । ତିନ୍ ତଲାକ୍ ବିଲ୍ ଉପରେ ମୋଦି ସରକାରଙ୍କୁ ବଡ ସମର୍ଥନ ଦେଇଥିଲେ ଆରିଫ୍ ଅହମ୍ମଦ ଖାନ୍ । କେରଳ ରାଜ୍ୟପାଳ ପଦରେ ତାଙ୍କୁ ନିଯୁକ୍ତି ଦେଇ ବିଜେପି ତାଙ୍କୁ ପୁରସ୍କୃତ କରିଛି । ୧୯୮୪ରେ ଯେତେବେଳେ ରାଜୀବଗାନ୍ଧି ସରକାର ସଂସଦରେ ନୂଆ ଆଇନ ଆଣି ଶାହାବାନୋ ମାମଲାରେ ସୁପ୍ରିମକୋର୍ଟଙ୍କ ନିଷ୍ପତିକୁ ବଦଳାଇ ଦେଇଥିଲେ , ସେତେବେଳେ ରାଜୀବ ଗାନ୍ଧି ସରକାରରୁ ଇସ୍ତଫା ଦେଇ ସେ ଚର୍ଚାକୁ ଆସିଥିଲେ ।
Kanak News is now on WhatsApp
Join and get latest news updates delivered to you via WhatsApp
Kalraj Mishra, Governor of Himachal is transferred & appointed as Governor of Rajasthan. Bhagat Singh Koshyari appointed as Governor of Maharashtra, Bandaru Dattatreya as Governor of Himachal, Arif Mohammed Khan as Guv of Kerala, Tamilisai Soundararajan as Governor of Telangana pic.twitter.com/oKOe8xUOOz
— ANI (@ANI) September 1, 2019
ଆରିଫ୍ ଅହମ୍ମଦ ଖାନଙ୍କ ସମେତ ୫ ରାଜ୍ୟପାଳଙ୍କ ନିଯୁକ୍ତି ଓ ବଦଳି ଉପରେ ରାଷ୍ଟ୍ରପତି ରାମନାଥ କୋବିନ୍ଦ ମୋହର ମାରିବା ପରେ ଏନେଇ ବିଜ୍ଞପ୍ତି ଜାରି ହୋଇଛି । ବର୍ତମାନ ହିମାଚଳ ପ୍ରଦେଶର ରାଜ୍ୟପାଳ ଥିବା କଲରାଜ ମିଶ୍ରଙ୍କୁ ରାଜସ୍ଥାନକୁ ବଦଳି କରାଯାଇଛି । ଏବେ କଲରାଜ ମିଶ୍ର ରାଜସ୍ଥାନ ରାଜ୍ୟପାଳ ଦାୟିତ୍ୱ ସଂଭାଳିବେ । ହିମାଚଳ ପ୍ରଦେଶ ରାଜ୍ୟପାଳ ଭାବେ ବନ୍ଦାରୁ ଦତାତ୍ରେୟଙ୍କୁ ନିଯୁକ୍ତ କରାଯାଇଛି । ବରିଷ୍ଠ ବିଜେପି ନେତା ତଥା ଉତରାଖଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଭଗତ ସିଂ କୋଶିୟାରୀଙ୍କୁ ମହାରାଷ୍ଟ୍ର ରାଜ୍ୟପାଳ ଏବଂ ଡକ୍ଟର ତାମିଲସାଇ ସୁନ୍ଦରରାଜନଙ୍କୁ ତେଲେଙ୍ଗାନା ରାଜ୍ୟପାଳ ଭାବେ ନିଯୁକ୍ତି ଦିଆଯାଇଛି ।